MÁIS POESÍA: ALUMNADO DE 4º

Os nenas e nenas de 4º fixeron as súas propias poesías. Espero que vos guste moito.

Parabéns!

MÁIS POESÍA: ALUMNADO DE 1º

 A poesía que recitanos  nenos e as nenas de 1ºB de Educación primaria , pertence ao libro "Soños na Gaiola" que Manuel María que adicou aos pequenos, inspirándolles o que é Galiza e onde está:  "En ti tes que atopala".

Parabéns!

O alumnado de 1°A recitan o poema "Onde vas?"  de Anisia Miranda, contido no libro "Cantarolas" o cal está ilustrado por Leandro Lamas, autor sobre o que están a traballar os compañeiros de primeiro e segundo.

Bo traballo!

CLUB DE LECTURA 5º

Por fin volven as visitas presenciais á nosa escola respectando en todo momento, de maneira escrupulosa, as medidas sanitarias que temos previstas no noso protocolo.

O alumnado de 5º de Educación Primaria acaba de rematar o libro de María Canosa "A cazadora de Estrelas" e tivemos a gran sorte de contar coa visita na nosa escola desta autora galega o xoves 22 de marzo. 

No seguinte vídeo atoparedes un resumo da experiencia.

 

MÁIS POESÍA: ALUMNADO DE 5º

Os nenos e nenas de 5º de primaria están a traballar os animais na arte e elixiron un poemario que contén máis de 40 poemas e bichos,  bichiños e  bichejos divididos en poemas voadores, acuáticos,  reptadores e  ruxidores. Un libro para gozar co oído e coa vista, cheo de sorpresas e de beleza.

Vos deixamos un vídeo dalgúns poemas da autora Leyre Bilbao que poderedes atopar nos andeis da nosa biblioteca.

Parabéns!

MÁIS POESÍA: ALUMNADO DE 3º

O alumnado de 3º curso de Educación Primaria recitaron e ilustraron poemas de Antonio García Teijeiro. Un traballo moi bonito que queren compartir con toda a comunidade educativa do CEIP Couceiro Freijomil.

Parabéns!

CLUB DE LECTURA 5º

Este curso 2021-22 os alumnos de 5º gozaron da lectura do libro de María Canosa "A cazadora de estrelas". O xoves 24 de marzo contamos coa presenza de María na nosa biblioteca.

Falounos das dificultades que teñen os escritores para poder vivir desta disciplina, é por iso polo que Canosa teñen que compaxinar a súa paixón como escritora con outras actividades. Aos alumnos encantoulles que lles asinase o seu libros.

Neste libro María conta a historia de Megumi era unha das mellores cazadoras de estrelas da súa comunidade. As súas frechas trazaban no ceo o debuxo dun arco até cravarse xusto no medio das estrelas pequeniñas e moi brillantes para crear, entón, unha neboeira de luz. Contaba coa magnífica axuda de Turrón, unha egua que galopaba lixeira coma o vento. Sobraban os dedos dunha man para contar as veces que errara no seu tiro. Era unha tiradora infalible. Mais tamén era unha fantástica amazona. Cando baixo o ceo estrelado se pegaba ao corpo de Turrón, as dúas avanzaban coma se fosen un só corpo, diríase que eran un centauro á caza da supernova.

Megumi era unha das mellores cazadoras de estrelas da súa comunidade. As súas frechas trazaban no ceo o debuxo dun arco até cravarse xusto no medio das estrelas pequeniñas e moi brillantes para crear, entón, unha neboeira de luz. Contaba coa magnífica axuda de Turrón, unha egua que galopaba lixeira coma o vento. Sobraban os dedos dunha man para contar as veces que errara no seu tiro. Era unha tiradora infalible. Mais tamén era unha fantástica amazona. Cando baixo o ceo estrelado se pegaba ao corpo de Turrón, as dúas avanzaban coma se fosen un só corpo, diríase que eran un centauro á caza da supernova.

Deixámosvos un resumo fotográfico desta actividade.  Esperamos que vos guste.

Biquiños

MÁIS POESÍA: ALUMNADO DE SEGUNDO

Os nenos e nenas de 2ºA  recitan o poema Canción de Primavera de Ayes Tortosa.

O alumnado de 2ºB  recita A Cantarela dos nenos de Xosé Neira Vilas.

Parabéns a todos e  a todas! Boísimo traballo.

Máis poesía: ALUMNADO DE 5º

Os alumnos e alumnas de 5º de Educación Primaria estiveron a traballar o libro de "Versos viceversos" que podedes atopar nos andeis da nosa biblioteca. Fixeron unha selección de poemas que vos recitan a continuación.

Espero que vos guste moito.

O venres 18 de marzo nenos e nenas de 5º participaron na actividade Sementarias, organizada polo concello de Pontedeume. Pasaronno xenial como poderedes comprobar nas imaxes que vos deixo a continuación.

MÁIS POESÍA: ALUMNADO DE 6º

      DÍA DA POESÍA

Hoxe presentamos as poesías elaboradas polo alumnado de de sexto.

No primeiro trimestre achegáronse ao século XIX, á pintura  impresionista, ao  seu tratamento da luz e da cor e ás diferentes visións do mundo vexetal con catro autores Monet, Klimt, Pissarro e Sargent e en catro das súas obras: “O almorzo”, “A árbore da vida”, “ Os castiñeiros de Louveciennes” e  “Caravel, lirio e rosa”. 

Logo de realizar unha ficha técnica de cada cadro,  observaron as características da época e coñeceron  o autor e a súa obra , estudaron as cores cálidas e frías e as diferentes percepcións dunha mesma realidade variando a cor. A continuación, unindo a pintura coa literatura redactaron textos narrativos e textos líricos. 

E que mellor data para dar a coñecer as súas rimas que o Día da Poesía!!

Aquí queda a videomontaxe. Os caderniños que recollen o produto final desta actividade estarán na biblioteca para que todos poidades ver o traballo realizado.

Parabéns!

VISITA DE PACO NOGUEIRAS

O 7 de marzo  o alumnado de 5º e 6º de Educación Infantil pasou momentos maravillosos cheos de contos grazas a Paco Nogueiras que veu coa súa maleta cargada de libros  e acompañado do seu acordeón co que puxo música a esas fermosas historias. A maioría deses libros podedes atopalos nos andeis da nosa biblioteca así que espero veros moi pronto.

Biquiños!

CLUB DE LECTURA 6º: VISITA DE ANDREA MACEIRAS

O alumnado de 6º acaba de rematar o Club de Lectura co encontro coa escritora do libro que lles achegou á selva amazónica, "A folla azul", ás súas tribos e aos problemas medioambientais.

     

Andrea é licenciada en filoloxía hispánica e en Filoloxía galega, doutorada na Universidade da Coruña.

Publicou a súa primeira novela, Proxecto bolboreta no ano 2007, tras gañar o I Certame de Micronovela do Concello de Soutomaior.

En 2009 gañou o premio Meiga Moira con Violeta tamurana, publicada o ano seguinte.

En 2012 publica O segredo do lagarto arnal, e un ano despois sae Nubes de evolución, finalista do premio Fundación Caixa Galicia e nomeado mellor libro xuvenil dese ano nos Premios Fervenzas Literarias.

No ano 2014 publica Miña querida Sherezade, obra gañadora do premio Meiga Moira, e ese mesmo ano publica tamén Volverás, golfiño, finalista do Premio Merlín.

Ao ano seguinte, en 2015, gaña o premio Jules Verne con Europa express, obra publicada ese mesmo ano e pouco tempo despois traducida ao inglés. Tamén foi recoñecida como a mellor novela xuvenil nos Premios Fervenzas Literarias.

En 2018 gañou o Premio Lazarillo á creación literaria por Conta nove estrelas, segundo o xurado: "unha obra ben urdida e entramada cunha linguaxe poética con belísimas escenas que te transportan a un mundo galáctico. Unha aposta á imaxinación desbordante e á ciencia ficción”.[1]

Tamén no 2018 queda finalista do Premio Raíña Lupa con O que sei do silencio, publicada ese mesmo ano e traducida ao español en 2020.

En 2020, concedéronlle o premio dos Clubs de Lectura da Consellería de Educación de Galicia como a autora máis lida. E ese mesmo ano, gañou o premio Merlín de literatura infantil con A folla azul, publicada en 2021.

No ano 2021, gañou o XV premio Raíña Lupa de literatura infantil e xuvenil da Deputación da Coruña coa obra Que se me pare o corazón se te esquezo.

En marzo de 2022 gañou o XIX Premio Anaya de Literatura Infantil y Juvenil coa obra Alma de elefante, que verá a luz o 31 de marzo de ese mesmo ano.

Deixámosvos imaxes do encontro.

CARLOS CASARES: VINTE ANIVERSARIO DO SEU PASAMENTO

 

DÍA DA POESÍA 2022