Visita ao Acuarium Finisterrae

Os terceiros e cuartos seguen investigando. Hoxe visitan o Acuario da Coruña , mais antes documentáronse moi ben.
Ollade premendo nas imaxes o traballo de aula anterior á saída.

           

 Pronto colgaremos as imaxes da experiencia e os resultados da mesma!!
Aquí tedes unha pequena mostra. Entrade a traves da imaxe.

Na procura da Paz

Estamos a piques de festexar o DÍA DA PAZ E DA NON VIOLENCIA. Nas aulas preparamos as mensaxes para as botellas do mural da entrada do cole, ensaiamos a cantiga e o baile, falamos da paz na clase, na familia, na vila...no mundo.

 O alumnado de 1º e 2º de Primaria elaborou un gran mural da Paz e non Violencia: MERGÚLLATE NUN MAR DE PAZ. Este preside a entrada do noso cole. Nel tod@s escribimos na nosa botella a nosa arela de Paz. Estes desexos viaxarán arredor do mundo por esa autoestrada universal que é o mar.

Güino atopou unha páxina con curtametraxes de  UNICEF e ACNUR que falan doutras realidades, ben diferentes ás nosas que viven nenos e nenas da vosa idade.
É un Proxecto interdisciplinar para traballar o tema dos refuxiados e migrantes.

Seguro que despois de ver, por exemplo , os CONTOS SEN FADAS, podemos reflexionar sobre unha data tan importante como esta con unha mirada diferente.

(Preme e chegarás ás curtametraxes)

Nas aulas,logo de ver as curtametraxes e coñecer outras realidades, estamos a elaborar mensaxes de Paz: Cada nen@ escribe a súa mensaxe , o seu desexo, nun lazo.Amarrando as  arelas de cada aula faise unha fita ben longa.Cada nivel ten a súa cor.


Coas fitas faremos dúas   bandeiras de pregarias tibetanas.

                                              (Preme na imaxe para ver a orixe destas)

Todo o cole aprendeu coa axuda de Emilio, o profe de Música unha canción que fala da Paz, que cantamos e bailamos mentres os representantes das diferentes aulas facían xirar as cintas e espallaban os desexos de Paz de todo o alumnado.

 Por último, como cada ano, ceibamos as pombas mensaxeiras, que achega ao cole a profe Sabela.
Esperamos que as nosas Pombas da paz   voen levando o espíritu desta data a todas as nosas casas e moito máis aló, a aquelas outras familias que viven nunha realidade ben distinta por estarem en guerra, en campos de refuxiados, convivir coa violencia de xénero...

Aquí está o acto central do Día da Paz e non Violencia

Protexendo aos pingüíns

O Exército Español está a facer unha "Campaña de apadriñamento de pingüíns". Sabedoras do que vos gustan estes animais colegas do noso Güino, animámosvos a participar.

Lede o que  din na páxina do Exército Español!!

"No noso compromiso coa Antártida e co medio ambiente, quixemos transmitir aos nosos seguidores a necesidade de implicarse neste propósito. Para iso e a modo testemuñal, lánzase a campaña de apadriñamento de pingüíns 2018, que se iniciase o próximo 8 de xaneiro de 2018 e finalizase o 15 de Marzo de 2018.


O procedemento de solicitude será un sinxelo formulario, o cal unha vez cumprimentado e enviado, será xestionado polo noso persoal e así lograr atender as miles de peticións coa maior prontitude. Lémbrase que, con este actividade, comprométesche a coidar o medio ambiente. Así, o voso pingüín e os seus pitos poderán seguir vivindo na Antártida. Canto mais pingüíns apadriñemos mellor. APADRIÑA."

(Preme na imaxe para apadriñar ao teu pingüín)

Na biblioteca xa temos un xemelgo de Güino apadriñado e tamén se chama GÜINO.

OBRADOIROS DE IGUALDADE PARA EDUCACIÓN INFANTIL

Dentro da campaña da Deputación provincila da Coruña "QUEN DIXO MEDO?"

 que ten como obxectivos:

Realizáronse obradoiros para os maiores de Educación Infantil.

Premede na imaxe para observar o contido desta actividade no noso cole.

Maleta viaxeira para toda a familia

Vós ben coñecedes "As maletas de Güino", non?

 Pois durante un mes teremos outra maleta que  veu viaxando dende Santiago. Unha maleta ben chula para tod@s.

 As Bibliotecas Escolares de Galicia escolleron libros e videos para papás, mamás e para todos nós: "A Maleta das Familias".

 Xa están expostos todos os volumes: os máis aquelados para os pais e nais, na entrada do cole; e os máis axeitados para nós no moble de novidades da biblioteca.
 Os papás e mamás poden botarlles un ollo e lelos mentres vos esperan, e nós podemos levalos á aula coa axuda da profe, ou miralos na bibliotecas.

 Moitas grazas compañeir@s das Bibliotecas Escolares!

Gozade desta maleta, aproveitade ben este mes que logo pasa... Mais xa temos reservada outra supermaleta, a  de banda deseñada, cheíña cos comics que tanto vos gustan.