PDI 25/26 . COUCEIRO STAR .DESPEGAMOS!!!

 

Benvidos ao Proxecto Couceiro Star! Unha escola entre estrelas!

Ola, rapazada do Couceiro!!!

Chegou ás nosas aulas un proxecto moi emocionante chamado Couceiro Star, e vén acompañado do noso amigo Güino, que xa nos acompaña nas nosas aventuras dende hai moito tempo.

Güino, o noso compañeiro de viaxe!

Güino é a nosa mascota, un personaxe cheo de enerxía e con moitas ganas de aprender xunto a vós. Ten uns ollos grandes e curiosos que todo o queren ver, e un corazón enorme que late polo noso planeta. Güino segue ao noso lado nesta nova aventura tan especial!

Un Reto Real nas Nosas Aulas! Buscando solucións a problemas reais!!

O Proxecto Couceiro Star trae ás nosas aulas un reto real e moi importante: coidar do noso planeta Terra.

Ás veces, as persoas esquecémonos de como de importante é respectar a natureza. Botamos lixo onde non debemos, gastamos demasiada auga, ou non reciclamos ben. Isto chámase desensibilización ambiental, que é como dicir que nos esquecemos de coidar o noso fogar: a Terra.

Que imos facer!

Xunto a Güino, imos converternos en auténticos gardiáns do planeta. Imos aprender a:

• Reciclar correctamente
• Aforrar auga e enerxía
• Coidar das plantas e dos animais
• Respectar os espazos naturais
• Traballar en equipo para un mundo mellor
• As estacións, o día e a noite
• Contidos STEM
• Construcións e deseños de naves espaciais.... e un largo etc...

Unha Exposición Moi Especial! 📚

Como parte deste proxecto, teremos a oportunidade de visitar unha exposición de libros de ficción e non ficción relacionados coa temática . Alí descubriremos historias maxistrais, datos fascinantes e moita información que nos axudará a comprender mellor o noso planeta e como protexelo.

Conectados con Europa!

O noso proxecto está aliñado cos obxectivos da Unión Europea para as escolas. OS 17 OBXECTIVOS ODS, do desenvolvemento sostible.Isto significa que non estamos sós nesta aventura: millóns de nenos e nenas de toda Europa están traballando, igual que nós, para facer do noso planeta un lugar máis limpo, verde e feliz.

A Unión Europea quere que as escolas sexan lugares onde aprendamos non só matemáticas ou lingua, senón tamén a coidar do medio ambiente e a ser cidadáns responsables.

A Aventura Comeza Agora!

Con Güino ao noso lado, o Proxecto Couceiro Star vai brillar con luz propia. Cada xesto conta, cada acción suma, e xuntos imos demostrar que os pequenos heroes poden facer grandes cousas polo noso planeta.

Imos alá, equipo Couceiro Star!

---