ACTIVIDADE A PALABRA DO ANO 2026. PORTAL DAS PALABRAS

Cal é a vosa palabra do ano?

Hai palabras que nos emocionan, nos fan pensar ou nos lembran momentos especiais. 

Cal representa mellor para vós este ano?

 O Equipo de Dinamización da Lingua Galega e a biblioteca escolar O Xardín do Pasatempo convidamos o alumnado, as clases, as familias e toda a comunidade educativa a participar na elección da Palabra do Ano 2026.

 É unha iniciativa do Portal das Palabras, da Real Academia Galega e da Fundación Barrié. Ata o 20 de novembro ás 23:59 podedes enviar unha ou varias propostas. Máis adiante poderedes votar pola vosa finalista favorita. (https://portaldaspalabras.gal/cal-e-para-vos-a-palabra-do-ano-2026/)

 Como participar? 

• Pensade nunha palabra que para vós represente este ano. 
• Falade dela na aula ou na casa: que significa e por que a escollestes? 
• Entrade en portaldaspalabras.gal e enviade a vosa proposta. 🌱 

Cada palabra conta. Entre todas e todos podemos facer medrar o noso xardín de palabras e dar vida á nosa lingua! Animádevos a participar: a palabra é vosa! 

 Equipo de Dinamización da Lingua Galega e Biblioteca Escolar O Xardín do Pasatempo