DÍA INTERNACIONAL DA PAZ

 Hoxe na Bibliocouceiro ocorreu algo moi creativo, alguén creou a palabra PAZ cos legos.

O motivo foi que hoxe celebramos no cole o DÍA DA PAZ, cantamos a canción de Juanes despois de que o alumnado de sexto lera un emotivo manifesto.

Despois o alumnado foi visitando unha exposición de libros coa temática da paz e completamos os murais que nos deixaron os compañeiros e as compañeiras do terceiro ciclo.

Feliz Día da Paz. Güino.

NON OLVIDES VISITAR A RADIO FALANGUEIRA

 Este curso xa comezou a súa andadura a Radio Falangueira.

Deixo aquí o enlace do Podcast sobre o Día Escolar da Paz e da Non Violencia que grabaron o alumnado de 4º B EP.

Güino

DÍA ESCOLAR DA PAZ E DA NON VIOLENCIA

 O vindeiro 30 de xaneiro celebramos o Día Escolar da PAZ e da NON Violencia. Durante esta semana no noso "Xardín do Pasatempo" temos unha exposición de libros sobre a PAZ e a NON Violencia. Tamén colaboramos na actividade proposta polo centro e fixemos o mural titulado  "Unid@s somos mais fortes".

Güino.

CELEBRACIÓN DO DÍA DA PAZ

Baixo o lema "A Paz no mundo" cada curso tivo que realizar unha investigación sobre os distintos idiomas nos que se di a palabra paz e en que país se falaban ditas linguas. Posteriormente, tivemos que colorear un corazón cuxo fondo estaba formado pola palabra que se asignou a cada curso. Cos corazóns de toda a escola, as mestras de 1º e 2º de primaria construíron un corazón xigante que está nos corredores do centro, recordándonos que todos os día temos que ser solidarios.

Por último,  fixemos  un baile coa canción "Eu teño alguen no meu corazón" de María Fumaça para festexar este día. Se premedes no seguinte enlace atoparedes máis información.

http://primeirospasoscouceiro.blogspot.com/2023/02/dia-da-paz-2023-2-de-primaria.html

CONTO DO DÍA DA PAZ

"Son un dos grandes persoeiros deste país recóndito,con rol de náufrago, reo de si. Eu, que pertenzo a unha estirpe pobre, vulgar, afeita a vivir coa cabeza abaixada, son agora o elixido…"

Ficción e realidade superpóñense nesta metáfora sobre o poder que, a través da figura dun porco, presenta a un tirano que repasa poeticamente a súa traxectoria vital. O protagonista enxalza o seu carácter único no mundo, facendo da diferenza non un trazo integrador, senón elitista.

O alumnado de 6º de Primaria leen este conto da editorial Kalandraka nesta celebración do día da Paz 2023.

EXPOSICIÓN LEMOS EN PAZ

O Día Escolar da Paz e a Non Violencia (School Day of Non-violence and Peace) celébrase o luns 30 de xaneiro de 2023. Ten por obxectivo a educación en e para a tolerancia, a solidariedade, a concordia, o respecto aos Dereitos Humanos, a non-violencia e a paz. Neste día, os colexios e centros convértense en instrumentos de paz e entendemento entre persoas de distinta formación, raza, cultura e relixión.

É unha data apropiada para traballar co alumnado a importancia do dereito á paz, comprendendo como a educación favorece este dereito. Para iso é necesario fomentar unha conduta proactiva en favor da paz e a resolución pacífica dos conflitos.

O Día Escolar da Paz e a Non Violencia, tamén coñecido como DENIP, é unha xornada educativa non gobernamental fundada en España en 1964 polo poeta e pacifista mallorquino Llorenç Vidal Vidal. Celébrase todos os anos o “30 de Xaneiro”, que é o aniversario da morte de Gandhi. Este día internacional foi recoñecido pola UNESCO en 1993. 

Todos somos diferentes e temos o dereito de ser tratados con respecto, valorando as nosas diferenzas como algo enriquecedor que nos fai mellores, non é motivo para separarnos.  E diso fálannos nos seguintes vídeos.

O vindeiro Día 30 de xaneiro todos e todas  xuntos e xuntas imos cantar a seguinte canción.

Fronte á barbarie da guerra, este libro visual ilustrado por Nikolai Popov alenta aos lectores para ser promotores do diálogo, a tolerancia, a convivencia e a paz. Este libro podédelo atopar na exposición Lemos en Paz que está na biblioteca.

PREPARÁNDONOS PARA O DÍA DA PAZ

O "Día Escolar da Non-violencia e a Paz" ( DENIP), fundado en 1964 e coñecido tamén como o  Día Mundial ou Internacional da Non-violencia e a Paz.  Celébrase o 30 de xaneiro e é unha iniciativa pioneira, non estatal, non gobernamental, non oficial, independente, libre e voluntaria de Educación Non violenta e  Pacificadora, practicada xa en escolas de todo o mundo e á que están convidados a participar os centros educativos de todos os países. Celébrase con motivo do aniversario da morte de de  Mahatma  Gandhi, o home da “alma grande”, que coa súa loita pacífica e as súas accións de non violencia, conseguiu que a independencia da India, o seu país natal, fixésese realidade. 

Gandhi naceu en Porbandar, India, en 1869, e tras graduarse en dereito en Inglaterra, instalouse en África do sur e loitou alí contra a discriminación de que eran obxecto os indios. Ao volver á India organizou a resistencia non violenta contra o colonialismo e a non cooperación coa administración inglesa. Tratou de frear os choques entre hindús e musulmáns. Encarcerado en numerosas ocasións, era en 1937 o líder dun movemento independentista capaz de mobilizar ou deter a millóns de indios.

Por outra banda, tamén celebramos nesta xornada o Día Escolar da Non-Violencia e da Paz. Este foi fundado en 1964 polo Inspector de Ensino Lorenzo Vidal. É definida como unha xornada educativa de pacificación, co fin de levar aos educandos polo medio da reflexión persoal ao descubrimento da mensaxe fundamental de que "o amor é mellor que o odio, a Non-violencia mellor que a violencia e a paz mellor que a guerra" (Vidal, 1972).

VÍDEOS PARA ESTE DÍA.

Podedes descargar estes contos  premendo  nas  imaxes: 

Irene continúa a súa viaxe polo mundo recompilando contos populares de distintas culturas. Nesta ocasión, visita ao seu amigo saharauí  Gali, que vive nun dos campamentos nos que se refuxiou o seu pobo tras a cesión do  Sahara Occidental a Marrocos hai 30 anos. Coa visión dunha nena de 9 anos, Irene explícanos os costumes saharauís e introdúcenos nas súas lendas, coas que a avoa de  Gali ameniza as tardes no deserto. Para  nenos e neas de  6 a 10 anos.

A NOSA EXPOSICIÓN

Día da Paz

 

O Programa Mundial de Alimentos da ONU ( WFP, polas súas siglas en inglés) foi elixido gañador  do Premio Nobel da Paz 2020, polos seus esforzos en combater a fame no mundo e, especialmente, en zonas de conflito, "evitando o uso da fame como unha arma de guerra". Con este galardón, o Comité do Nobel "desexa volver os ollos do mundo cara aos millóns de persoas que padecen ou enfrontan ameázaa da fame". "Ata que chegue a vacina [de coronavirus], a comida é a mellor vacina contra o caos", afirmou o Comité Noruegués do Nobel no seu anuncio este venres en  Oslo.

Este curso  co gallo do Día da Paz no noso colexio colaboraremos co Banco de Alimentos Rías Altas, zona de Ferrol, para facer chegar ao noso alumnado o galardón recibido por WFP e sobre todo a importancia da solidaridade sempre, e máis nos tempos dificiles que estamos a vivir.

O vindeiro venres, 29 de xaneiro, nas entradas do cole haberá unhas caixas da O.N.G. onde recolleremos alimentos non perecedoiros e precociñados tales como atún, garavanzos, lentellas, leite, galletas, aceite de oliva,…Todas as familias interesadas achegarán a súa doazón a través das súas fillas ou fillos que a depositarán ao entrar na escola (as familias de E. I. poden depositar os alimentos os adultos que acompañen ás crianzas).

Para a conmemoración desta data nas aulas dende o "Xardín do Pasatempo" achegamos unha escolma de libros dos nosos fondos para o empréstito de aula ou individual .

 Ademais aquí vos deixamos estoutras suxestións para traballar nas aulas.

Preme para ver actividades complementarias ao vídeo.

Grazas pola vosa sempre entusiasta participación.

 Agardamos que o vindeiro Día da Paz a situación no mundo e na nosa vila teña mellorado e poidamos conmemorar esta data dun xeiro máis próximo.

Día da Paz e non Violencia

O 30 de xaneiro celébrase este día, dedicado a conmemorar nos centros educativos unha cultura de non violencia e paz.

A educación en e para a tolerancia, a solidariedade, a concordia, o respecto aos Dereitos Humanos, a non-violencia e a paz son motivos para lembrar o 30 de xaneiro. No Día da Paz, os centros educativos comprométense como defensores da paz e entendemento entre persoas de distinta procedencia e modos de pensar.

Nese día celébrase o aniversario da morte do  Mahatma  Gandhi (India, 1869-1948), líder pacifista que defendeu e promoveu a non violencia e a resistencia pacífica fronte á inxustiza e que foi asasinado por defender estas ideas.

Unha educación inspirada nunha cultura de non violencia e paz permite ao noso alumnado adquirir coñecementos, actitudes e competencias que reforcen o seu desenvolvemento como cidadáns globais críticos e comprometidos cos seus dereitos e os doutras persoas.

No noso centro a preparación desta conmemoración comezou moitos días antes nas aulas, realizándose actividades que atinxen a diversas competencias, dentro de distintas materias e en todos os niveis educativos.

Coa colaboración das familias realizaron instrumentos de percusión para esta data, estes foron utilizados para  a latucada coa mestra de música ao tempo que cantaban ao mundo:

" Somos pequenos, somos xoguetóns

somos felices cantando cancións.
Dame unha lata que estea chea de paz,
vente comigo que quero disfrutar.

Ola! Somos os nen@s de Pontedeume
e aquí estamos a dar a lata pola paz (bis)

As armas destas guerras as imos enterrar.
Cambiemos o rancor por un pouco de amor.
Que ninguén pase fame neste mundo grande.
fagamos esta vida máis xusta e divertida

(Retrouso)

A lata do amor , a lata dos soños.
A lata do amigo, a lata dos bicos.
A lata do amor , a lata dos soños.
A lata do amigo, a lata dos bicos.


(Retrouso)

Seguindo a suxestión do Proxecto de Animación á Lectoescritura de Illa Fantasía todo o alumnado do centro elaborou coa axuda das súas titoras e titores o mural "Ondas de Paz" que representa a loita do noso centro por un mundo sostible e en paz, onde a pesar do estado dos mares cheos de plástico e lixo, a pesar desa marea "negra", conseguimos descubrir a luz coas nosas palabras e mensaxes de paz.

Premendo a imaxe veredes como nolo contan as nenas e nenos de 1º de primaria

Todas as aulas foron un fervedoiro de actividade a prol dos valores que conleva esta data imbricada no noso PDI "No Couceiro pola Igualdade"

Premede na imaxe e veredes unha das  actividades nas aulas de terceiro "A vila da Igualdade":

O alumnado de valores de sexto tamén estivo a traballar nos conceptos de violencia, agresividade en contraposición con diálogo, tolerancia, paz... Analizando as causas do "virus" da violencia para inventar as súas "vacinas" da Paz e do Bo Trato. Fixeron os "Murais para a Paz e o Bo Trato"

Pulsade na imaxe e veredes máis detalles da actividade.

Estes días a entrada da nosa biblioteca , onde acostumamos a ter exposicións temáticas, está

"Mergúllate nun mar de paz"con libros para préstamo, sobre a amizade, a tolerancia e  a paz, adaptados a todas as idades.

Despois de  elaborar en días pasados  unhas ondas cheas de mensaxes de LUZ, cheas de palabras ou feitizos que nos axudaran a sacar o lado bo das cousas  e xogando coa simbiose de luz que trae a paz recreamos entre todas e todos un gran símbolo da paz que pouco a pouco foi alumeando as primeiras horas de "escuridade" da mañá do 30 de xaneiro.

Logo, a media mañá, continuamos cos actos da conmemoración do Día da Paz e non Violencia, coa latucada e a solta de pombas mensaxeiras xa tradicional co noso colexio.

Parabéns a toda a Comunidade Educativa!

Día da Paz e non Violencia

"Non hai camiño para a paz: a paz é o camiño".

- Mahatma Ghandi -

Este día celébrase o 30 de xaneiro, dedicado a conmemorar nas escolas unha cultura de non violencia e paz.

A educación en tolerancia, solidariedade, harmonía, respecto por dereitos humanos, non violencia e paz son motivos para recordar o 30 de xaneiro. No Día da Paz, as escolas comprométense como defensores da paz e a comprensión entre persoas de diferentes orixes e formas de pensar .

Neste día celébrase o aniversario da morte de Mahatma Gandhi (India, 1869-1948), un líder pacifista que defendeu e promovió a non violencia e a resistencia pacífica á inxustiza e que foi asasinado por defender estas ideas.

Unha educación inspirada nunha cultura de non violencia e paz permite aos nosos alumnos adquirir coñecementos, actitudes e competencias que reforzan o seu desenvolvemento como críticos cidadáns globais comprometidos cos seus dereitos e cos dos demais.

Na escola adoitamos procurar cada día estes valores: tolerancia, respecto, non violencia....
Mais agora que se achega o 30 de Xaneiro, Día da non Violencia e da Paz imos visualizar estes vídeos, ler libros, debuxar, debater, cantar...

Visita a exposición e escolle o que queres ler!

Xa podemos poñer as nosas mensaxes no mural da PAZ!

Agora estamos a preparar as actividades artísticas, plásticas e musicais para participar xunto con toda a Comunidade Educativa nos actos centrais da Non Violencia e a Paz.

Imos cantar e bailar esta canción de Mamá Cabra. Os máis pequenos xa teñen a coreografía!






Aquí queda tamén esta versión en inglés que comparten con nós dende o CEIP Saco e Arce.
Moitas grazas!




Pero tamén imos traballar coa mestura de cores para procurar a cor branca que simboliza a PAZ.
Para iso faremos un xoguete tradicional "O zumbador " Adoita facerse cun botón grande e xa zumba pero como nós ademais queremos facer a cor branca ollade  neste video como facelo e como funciona.

Chegou o DÍA!!!