"Pontedeume, a nosa vila", Güino informa:

 Achegamos unha mostra das primeiras experiencias dentro do PDI "Pontedeume a nosa vila". Axiña publicaremos os primeiros productos das aulas.

Todas as nenas e nenos do cole xa recibiron as mensaxes de Güino e están a  traballar nos retos que Güino  plantexáballes.

Ollade premendo nas imaxes o que están a argallar as nenas e nenos de 4º, van crear unha empresa de publicidade para promocionar a nosa vila!!

E visitaron a exposición polo 750 aniversario para  recoller información sobre a nosa rica historia:

Güino encomendoulle ao alumnado de 5º e 6ª de Primaria a elaboración dun album ilustrado sobre a historia da nosa vila.

 "Pontedeume no tempo" vaise titular este libro que achegue aos máis pequenos a nosa historia.

 Nos andeis do "Xardín do Pasatempo" temos a historia de Pontedeume de Couceiro Freijomil;

 Pero, como Güino e o seu equipo non atopou unha historia ilustrada axeitada ás vosas idades, as nenas e os nenos máis vellos do centro puxéronse a traballar para poder  facer o encargo da mensaxe que lles achegou Güino a comezo de curso. 

Teñen moitísimo traballo para levar a cabo con éxito esta tarefa e puxéronse xa a elo!  Están a elaborar os primeiros textos grazas aos apuntes que colleron na visita á exposición "750 anos construíndo a historia de Pontedeume".

E grazas á realidade aumemtada do roteiro que fixo 6º B, e que axiña realizaredes os demais, seguro que poden facer unhas marabillosas ilustracións para o album ilustrado. Premendo na imaxe poderedes obter máis información:

Xa temos no moble de novidades da nosa biblioteca os volumes iniciais da documentación do Proxecto. Segundo este vaia desenvolvéndose e precisedes nova documentación, iremos conseguíndoa segundo as necesidades e  suxestións das diferentes aulas.

A pandemia fai dos blogs das aulas o principal escaparate das pescudas e descubrimentos feitos  arredor do PDI. Procuraremos ter actualizado o noso para que poidamos compartir as nosas experiencias, os productos elaborados, os coñecementos adquiridos...

Seguiremos informando!

Novidades!

Co ano novo chegaron materiais novos á nosa biblioteca:

• Xa están catalogados os xogos de inclusión polo que poden viaxar como préstamo, tanto ás casas como ás aulas. Tamén, por suposto, poderán ser utilizados na biblioteca coa supervisión dun adulto. No recreo non, pois ao haber tanto alumnado pódense mesturar os xogos ou perder pezas.

• Durante un mes teremos tamén unha "Maleta Viaxeira", a Maleta Creativa B che de libros e xogos. O préstamo é unicamente interno para as aulas, ao non estar no noso catálogo non pode facerse préstamo cos carnés da biblioteca.

Preme para ver o contido.

•  Xa están nos andeis para préstamo as últimas novidades bibliográficas, as "Recomendacións do Nadal" e os libros para os clubs de lectura.

• E no corredor  e  no patio  de  primaria   temos novos espazos para a convivencia e a aprendizaxe en igualdade.

Que ben entramos no 2020! A gozar destas novidades!

Exposición PDI: DOCUMENTACIÓN

Logo das actividades previas ao Proxecto:

• Encrucillado temático para traballar o vocabulario base.

• Propostas de título.

• Referendum para escoller o nome do PDI .

•  Escollimos:"No Couceiro pola igualdade"

• Documentación inicial que se irá completando atendendo ás necesidades de cada grupo.

Hoxe o Equipo da Biblioteca expuxo libros informativos para todas as idades (Galego e Castelán) e narrativa en galego, castelán e inglés tamén para os diferentes niveis e intereses. 

Xa podedes visitar a exposición e achegar os libros informativos como préstamo aula e os de narrativa ás aulas e  tamén como préstamo individual para ler nas casas. Todos eles devolveranse á exposición que ademais irase enriquecendos con máis fondos que xa tiñamos no "Xardín do Pasatempo" ou novas adquisicións.

Estamos de volta!

Aínda que a biblioteca non abre as súas portas ata o 1º de outubro xa está chea de actividades previas ao seu funcionamento normal de préstamos, recreos, presentacións... Estamos cos preparativos, recibindo novos libros, deseñando as vindeiras actuacións e a formando o equipo de "Axudantes de Güino". 

Comezamos o curso cuns regalos moi especiais:

•  O EDLG agasallounos con varios exemplares da revista escolar "Abrente" que saiu do prelo a remates do curso pasado, xa a tedes no revisteiro! 

Preme e infórmate no blog da "Casqueira" (EDLG)

• Achegou tamén catro volumes que recompilan os "Calendarios de Peto" deste ano. Aqueles que fixestes a remate de 2019. Cantos e que variados! Vai ser ben chulo buscar o voso!

•  Pero o gran labor en canto a recompilación son dous tomos que recollen as revistas escolares dende 1982 ata 2018, un "Abrente" por curso que elaboraron por mor das Letras Galegas nenos e nenas do noso colexio. Estes tomos permítenos ver o máis significativo do traballo de cada curso, a actualidade de cada ano, as inquedanzas de nenas e nenos que hoxe xa son adultos. Permítenos, en fin, mergullarnos na historia do "Couceiro Freijomil". Estas revistas  que tiñan  dous formatos diferentes,con encadernación independente, que non resultaban moi manexables e corrían o risco de estragarse ou perderse grazas ao EDLG estarán agora ben encadernadas e a disposición de toda a Comunidade Educativa nos andeis da nosa biblioteca!

Premede para máis información!

Moitas grazas ao Equipo de Dinamización da Lingua Galega! Bo traballo!

Visitamos a exposición "Cóctel de Libros"

Ao longo desta semana as nenas e nenos do cole visitaron o "CÓCTEL DE LIBROS" que Güino lles tiña preparado.

 Agora só lles falta ir ao "Xardín do Pastempo" para levar ás aulas aqueles fondos que sexan máis axeitados ao traballo que están a desenvolver dentro do proxecto ou os que lles apetezan para o seu tempo de lecer.

 Nesta montaxe podedes ver a visita á exposición.


 

Día Mundial da Alimentación

Dentro do proxecto deste curso Bo Proveito! non podiamos deixar pasar esta data sen facer unha actuación na escola.

A Organización das Nacións Unidas para a Agricultura e a Alimentación (FAO) fundada en 1945 para unir a todas as nacións na loita contra a fame, festexa os seus aniversarios o 16 de outubro, celebrándoo en todo o mundo a través do Día Mundial da Alimentación. Hoxe, máis de 130 países únense para honrar o seu obxectivo común: un mundo libre de fame e pobreza, no que todos poidan levar vidas saudables

O lema deste ano é "Un futuro#fame0"

Aqui tedes un caderniño para descubrir como nós tamén podemos axudar a conseguir ese gran reto que encerra o lema deste ano mentres procuramos un desenvolvemento sostible e unha seguridade alimentaria.

Preme na imaxe

Ollade o video promocional da FAO




 Güino este curso aproveitou tamén esta data para expoñer na entrada do noso cole un "Cóctel de Libros" que nos acompañaran este curso nas nosas pescudas arredor do PDI: información, poesía, cantigas,  contos...

Un menú equilibrado e saudable é a recomendación do noso "chef"

Visitade o "Cóctel de Libros" e elexide os vosos pratos, a semana que vén xa os podedes levar da biblioteca.

                                                             

 Agradecemos a colaboración do IES "Fraga do Eume" na preparación deste 

"Cóctel de Libros"

Comeza o curso...BO PROVEITO!

O Chef da nosa Biblioteca achega este curso unha suxestión ben apetitosa. Grazas a Güino ímonos encher da coñecemento!
Botádelle unha ollada ao video presentación que elaborou o gardán da nosa bioblioteca . Pasaría o verán na escola de hostalaría? Está feito un gran restaurador!

Aquí nos deixa unha carta  chea de suxestións ben apetecibles: Bo proveito!

Ondas de Ilusión

O CEIP Couceiro Freijomil é un dos oito centros que participan en “Ondas de ilusión”,co fin de complementar as actividades que estamos a facer no noso proxecto “Alén do mar”.

Hoxe venres, recibimos, 5º A y B, a Yolanda; que nos veu dar unha charla sobre os recursos que existe no litoral: flora e fauna dos areais. Para isto presentounos a mascota Tareixa, unha ameixa coa que aprendemos moito. Vimos vídeos sobre cales eran as partes do corpo de Tareixa e como se desenvolve no medio, que compañeiros ten e onde viven (Zona intermareal).

Tamén nos falou Yolanda da contaminación no mar e contounos que é iso das “lágrimas das sereas” e ademais ensinóunolas pois o outro día colleunas na  praia de Doniños. En fin foi unha charla moi interesante. GRAZAS YOLANDA!!!!!

  

Visita ao Acuarium Finisterrae

Os terceiros e cuartos seguen investigando. Hoxe visitan o Acuario da Coruña , mais antes documentáronse moi ben.
Ollade premendo nas imaxes o traballo de aula anterior á saída.

           

 Pronto colgaremos as imaxes da experiencia e os resultados da mesma!!
Aquí tedes unha pequena mostra. Entrade a traves da imaxe.

PDI "Alén do Mar": O litoral, A COSTA DO DEXO

O alumnado de 6º de Primaria en Ciencias Naturais está a traballar un tema moi interesante, no que, entre outros aspectos preséntanse os Espazos Protexidos. 
Profundizaron nos ecosistemas que teñen que ver co proxecto deste ano e aproveitando a ponte, dous compañeiros de sexto, Óscar e Xavier, visitaron un destes espazos que está moi preto da nosa vila, A Costa do Dexo.

Un ecosistema de litoral de especial riqueza e ben conservado a pesares da súa proximidade a unha das zonas máis poboadas da provincia.

A Costa do Dexo é un Monumento Natural que ocupa o tramo costeiro que comprende desde o faro de Mera ata o porto de Lorbé, no concello de Oleiros.

Cun pouco de axuda, elaboraron un video moi interesante sobre este Monumento Natural, no que explican moitas das súas características.

Olládeo, está xenial!

Agradecemos o gran traballo destes nenos e a colaboración das familias .

 Entre todos achegáronnos o coñecemento desta  zona tan próxima como interesante.

CUARTO INVESTIGA: AS ALGAS

Conta o alumnado de 4º "na súa fiestra", que é o seu blog o seguinte dunha saída que fixeron dentro do proxecto "ALËN DO MAR"

"Na aula de cociña Portomuíños aprendemos moitas cousas sobre a realidade
 actual do mundo das algas, poidémolas ver en vivo, facer preguntas , tomar
 notas e coñecer alguns segredos gastronòmicos.
 E despois poidemos degustalas! mesmo hai quen puido repetir, pois estaban
boííísimas!!!
Ahh! E por riba agasalláronnos cun tartar de algas mariñas para levar."

Premendo nas imaxes accederedes a máis información sobre o que está a pasar nas aulas de 4º.

Dende o inicio da investigación coa documentación en guías ata a saída á aula de cociña.

+