O alumnado e mestres de Educación Infantil traballarán diferentes cuestións relacionadas có LAND ART.
Para atopar máis información sobre LAND ART preme nas imaxes:
En 1º e 2º están a traballar sobre un artista dedicado desde o ano 98 ao mundo da pintura, realizou exposicións principalmente en Galicia, aínda que tamén participou en exposicións en España e Portugal. Algúns dos lugares nos que expuxo a súa obra son Galerías Sargadelos de Ferrol e Lugo, Galería Visol en Ourense, Auditorio Ceutí en Murcia…
Ademais da realización de cadros, o seu traballo esténdese a outras obras como murais, ilustración, etc.
Para saben ma´si sobre este autor preme nas imaxes:
Os nenos e nenas de 3º e 4º de educación Primaria están a trabalar a pintura contemporánea en Galicia a través dun dos máximos expoñentes da pintura contemporánea en Galicia, Joseba Muruzábal.
PARA SABER MÁIS DE PINTURA CONTEMPORÁNEA EN GALICIA E DE JOSEBA MURUZÁBAL PÉREZ PREME NAS IMACES:
O alumnado de 5º e 6º de Educación Primaria visitaron unha exposición nos seus blogs atoparedes toda a información.
Os nenos e nenas de 6º traballarán as diferentes artes e a pegada que a natureza deixou nelas, comezando polas árbores a través da pintura, literatura, cine...
Como sabedes o venres 22 de outubro participastes nunha votación na que decidiades o tema sobre o que traballaredes os próximos meses. E o tema gañador foi ARTE.
Despois duns días de reflexión aquí déixovos o cartel do noso PDI.
Os proxectos documentais integrados (PDI) son actividades nas que o alumnado, ademais de investigar sobre un tema ou problema concreto, familiarízase cos mecanismos de procura de información e traballo intelectual empregando para iso os recursos documentais da Biblioteca Escolar.
Son proxectos porque se desenvolven mediante unha metodoloxía activa e colaborativa para desenvolver competencias básicas. Son documentais porque a partir dos documentos que atesouran as nosas bibliotecas escolares axudan a que o noso alumnado constrúan o seu coñecemento, sexan creativos e capaces de comunicar o que entenden. Por fin, son integrados porque ademais permiten integrar aprendizaxes de diferentes disciplinas e serven para achegar o mundo escolar á vida corrente.
Dende a biblioteca ampliamos os nosos fondos bibliográficos buscando libros dos tres temas que os nenos e nenas votaron o 22 de outubro.
Nenas e nenos do Couceiro este curso sodes vós os encargados e encargadas de escoller o tema sobre o traballaremos nos vindeiros meses. No seguinte vídeo descubriredes as opcións que tedes.
Os vosos titores e titoras teñen as papeletas paras as votacións que faremos o vindeiro día 24 de outubro.
Xa estamos ben preto do fin de curso e a entrada do noso cole encheuse con gran parte dos materiais do proxecto que centrou este semestre. Cada curso aportou os produtos táctiles da súa investigación e colgou no blog os materiais dixitais para que se podan ver tamén na pantalla da entrada. Do 6 ao 23 de xuño a exposición está aberta a toda a comunidade. Hai xogos , maquetas, murais, libros , álbumes, mapas a escala con códigos QR,.. Agradecemos ás familias, coma sempre, o seu interese e a súa colaboración, aos traballadores do Parque Natural pola súa acollida e acompañamento na investigación dos diferentes grupos, a Secundino, o mestre da Capela por amosarnos os Muíños do Sesín e o Museo Etnográfico e á Biblioteca Municipal que cedeu parte dos volumes incluídos na documentación inicial deste proxecto.
Dende o 27 de marzo o alumnado do noso centro estivo a
participar nunha nova edición do álbum bilingüe que este ano ten como temática
As Fragas do Eume, xa que no noso centro este curso estamos a desenvolver un
proxecto sobre elas.
A elaboración do álbum ten como obxectivo fundamental
fomentar o uso da lingua galega e inglesa no noso centro.
En Educación Infantil elabórase un único album xigante
entre todo o alumnado da etapa coa axuda da mestra especialista en inglés
mentres que en primaria cada clase se divide en varios equipos, cada un co seu
álbum. Para poder completar o álbum van pegando os cromos que lles van dando os
mestres e escreben a palabra que falta ben sexa en galego ou en inglés (para
iso deben fixarse nas imaxes que están colgadas no corredor).
Esta actividade favorece o traballo en equipo. As
vantaxes de traballar en equipo son moitas:
Favorece o traballo colaborativo.
Mellora a comunicación.
Axuda a motivarnos.
Complementa habilidades.
Ofrece oportunidades.
Xuntos somos máis creativos.
Hoxe, como remate da actividade, entregáronse os premios.
O alumnado de E. I., dentro do proxecto das fragas, presentou hoxe no pavillón "A lenda dos tres ríos": O Eume, o Sor e o Landro. Escenificaron en grupos cos seus corpos e a axuda de papeis azuis o percorrido dende a Serra do Xistral, onde nacen, ata o mar:
Para saber que lles pasa a estos ríos, que nacen tan preto un doutro, podedes premer na imaxe e ler a lenda completa.
Canto aprendemos todos grazas a investigación dos máis pequerrechos! Mirade que ben o fixeron!
Mais antes desta representación moito traballaron: Falaron do que sabían, decidiron que querían saber; informáronse a través de libros, na rede; coa visita de Carlos, un biólogo que traballa nas fragas; visitando as fragas na primavera, etc. Fixeron murais informativos, decorados, ata no Antroido foron de peixiños do Eume!!! Premede nas imaxes e visitaredes os seus blogs! Que bo traballo, non é?
O alumnado de 5º A realizou diversas actividades que permitiron a elaboración desta presentación que resume o investigado sobre o aproveitamento forestal das fragas antes de ser declaradas Parque Natural. Xa expostas, as actividades anteriores dentro do proxecto no corredor de primaria, estos días están acompartir cos compañeiros e compañeiras o coñecemento acadado apoiándose nesta presentación que fixeron en pequenos grupos de xeito colaborativo.
E mirade tamén a presentación de 6ºB, con ela resumen o percorrido feito da ma do PDI na súa aula. Eles tamén están a utilizar este audiovisual para transmitirlle os coñecementos acadados a toda a Comunidade Educativa.
A comezos do semestre o alumnado de sexto, acompañado polos seus mestres, visitou a fraga do Eume, centrando a súa atención no río. Observaron nos muiños do Sesín, afluente do Eume, o aproveitamento tradicional da forza das augas para mover as moas dos muiños e moer o cereal. Co paso do tempo a forza do Eume pasou de utilizarse para facer fariña a producir electricidade: o encoro, a central, as turbinas...Todo lles interesou a esta rapazada de 6º B que levaron a actividade á aula e ás casas. Logo de estudar a electricidade fixeron maquetas e xogos con circuitos elétricos que estos días están a amosar aos outros cursos. Maquetas do encoro e da da minicentral e xogos de asociación con seres vivos da fraga enchen o corredor de primaria para que enreden e aprendan todos os que por alí pasan. Noraboa, traballo ben feito!
Dentro do Proxecto Documental Integrado que se está a desenvolver en todo o centro durante este curso, o alumnado de francés tivo como eixo da súa actividade dous aspectos significativos: os contidos propios do Parque Natural das Fragas do Eume e a técnica de Realidade Aumentada.
O proceso desenvolveuse en tres fases.
O primeiro contacto cunha actividade de realidade aumentada estivo relacionado coa festividade de "Pâques". Sorprendidos quedaron cando viron que os debuxos que colorearan, e que serviran como base para a creación de textos en francés, tomaban vida cando os miraban coas tablets. Para esta fase utilizamos a aplicación Quiver.
Unha segunda fase consistíu en facer actividades con vocabulario das Fragas. O alumnado de 5º e 6º creou códigos QR que iban asociados a descripcións ou sinxelos textos informativos en francés que eles redactaran previamente. O alumnado de francés de 6º buscou información sobre as Fragas do Eume. Con eses textos fixemos un vídeo. A información deste vídeo complementada con outros aspectos, tales como os sons de varios animais (ou dun río) que eles escolleran e a información do parque en varios idiomas, valeu para que, mediante os códigos QR que eles crearon co programa QR Code Generator, puidesen enriquecer con realidade aumentada un enorme mapa-mural que fixeran cos seus compañeiros e compañeiras de clase.
Finalmente fixemos unha comprobación para saber si todo funcionaba correctamente. O resultado foi extraordinario e divertido.
O alumnado de Relixión Católica do noso cole dentro do Proxecto das Fragas do Eume investigou sobre San Rosendo e a súa relación co Mosteiro de Caaveiro.
Os de 6º A elaboraron unha presentación sobre a lenda que este Santo protagoniza. Presentárona para toda a Comunidade Educativa no Festival das Letras Galegas.
Aquí tamén podemos ver todos o Power Point con que acompañaron a súa presentación.
O alumnado de 5º de Primaria dentro do PDI que estamos a realizar no cole xa fora á Capela, a ver o Mosteiro,(5ªB) e de sendeirismo para ver as corripas , as pegadas dos carboeiros no solo da fraga(5ºA) Mais desta volta, visitaron o museo para coñecer máis a fondo como vivían as nosas xentes: explotando de xeito tradicional o medio que nos rodea, a fraga, o río, os cultivos, o gando,...
Un percorrido pola Casa do Pazo, onde está o museo, permitiulles achegarse ás formas de vida e traballo das xentes da zona. Viron utensilios dos carboeiros, carpinteiros, tecelás, zoqueiros,etc Ao tempo que os ían relacionando coa explotación tradicional da fraga.
Foi unha rica experiencia guiada por Abel e Secundino.
Moitas grazas a eles e a todo@s os que fan posible a existencia deste museo que nos permite achegarnos á cultura popular tradicional da nosa zona.
Ademais fomos recibidos no CEIP "Mosteiro de Caaveiro" onde tivemos unha agradable xornada de convivencia cos nenos da mesma idade que amosaron aos nosos alumnos e alumnas xogos populares.
Ben sabedes tod@s que este ano o Día das Letras Galegas se lle adica a Carlos Casares.
No Día do Teatro asistimos á representación dunha das súas obras máis coñecidas "As laranxas máis laranxas de todas as laranxas"
Lembrades?
No noso corredor da planta baixa no Taboleiro da Lingüa xa podedes visitar a exposición de carteis sobre a súa vida e obra.
E na biblioteca, na Exposicion das Letras Galegas, podedes ler ou ben levar emprestadas calquera das obras de que dispoñemos, dalgunhas temos varios exemplares.
Tamén están libros que Casares non escribiu pero traduciu ao galego como" O Principiño" que tamén podedes ver na súa exposición.
O alumnado de 1º, 3º e 4º asiste en Ferrol ao Correlingua.
O Correlingua é unha proposta de carácter lúdico-educativo que pretende convidar á mocidade e aos centros de ensino a participar nun acto público de reivindicación do dereito a medrar en galego e tamén a exercer de maneira efectiva como galegos e galegas a través do uso do noso idioma, única forma de garantir o seu futuro.
Este curso a Marcha pola Lingua no exterior non puido ser por mor da climatoloxía, mais tod@s pasárono xenial, no Auditorio de Caranza, escoitando as cantigas de Pablo Díaz e apoiando o Manifesto pola Lingua lido por nenos e neas do CEIP "Centieiras"
Graza tanto aos organizadores do acto como ao Concello que facilitou o desprazamento.
Fantástica organización!
Premendo na imaxe visitaredes, o Blog de Normalización Lingüística do cole "A Casqueira",. Alí acadaredes a información que seleccionaron para vós sobre o Día das Letras Galegas.
Aquí vos deixamos ademais unhas actividades, recompiladas polo CEIP "Mestre Valverde Mayo" de Pontevedra, sobre Casares.
Hai información para ler, outra para ver, gravada polos nenos do cole; e tamén actividades interactivas para xogar despois de informarvos con todo o anterior.
Para rematar Güino convídanos ao Festival das Letras Galegas o vindeiro venres 19 de maio:
1ª Parte:
Presentación de Carlos Casares. (Alumnado de 6º de Primaria)
IX Certame de Poesía "Couceiro Freijomil" Lectura de poesías finalistas e entrega de premios.
Muiñeira de Cardelle ( Cantiga adaptada e interpretada por un grupo de nenas de 6º de Primaria)
2ª Parte:
Exposición de traballos realizados dentro do Proxecto "As Fragas do Eume"
Audiovisual do alumnado de Relixión Católica sobre a "Lenda do Anel de San Rosendo"
5ºB representa "O anel de San Rosendo".
"A fraga das árbores das palabras", pequena peza teatral preparada por 4ºB.
Xa pasou o gran DÍA!!!
Que ben saíu todo! Lembrades que poesías tan fermosas, a Lenda do anel de San Rosendo, as obras de teatro de 4º e 5º B e o traballo dos nenos e nenas de sexto. Eles foron os condutores do festival. fixeron a presentación da vida e obra de Casares e, amenizaron o festival as tres cantareiras, tamén de sexto.
Aquí vos deixamos unha montaxe coas fotos do festival:
Aquí vos deixamos unha montaxe coas fotos do festival:
No Certame de Poesía entre todas as presentadas, houbo que decidir cales ían ser as premiadas . O Equipo da Biblioteca tívoo ben dificil. Foron as seguintes.
Dentro do proxecto que estamos a desenvolver no centro, da colaboración entre a Aula de Audición e Lingüaxe (AL) e a Aula de Música naceu esta actividade interactiva: Sons das fragas. A fraga está moi preto nosa, mais cando non poidamos achegarnos ata alí, esta actividade transportaranos a ela. Todo o alumnado traballa os sons coa profe Lara, na Aula de Músia, ou ben con Sonia na clase de A L. Agora tamén dende as nosas casas poderemos gozar dos chíos dos paxaros, das voces dos mamíferos e dos sonidos da choiva, río, tormenta, etc. Premede na imaxe e escoitade!!!
NON PODÍAMOS COMEZAR MELLOR A SEMANA, NON SÓ CO DÍA DE BREAMO, SENÓN QUE ADEMAIS TIVEMOS A SORTE DE TER EN PRIMICIA AO GRUPO "TREBELLOS" QUE COA SÚA MÚSICA E DIVERSIÓN QUIXERON PASAR UN TEMPO COAS XOANIÑAS E OS CICLISTAS, E MENUDA ACTIVIDADE MÁIS DIVERTIDA!!! UN GRUPO FORMADO POR PAIS E NAIS DAS DÚAS AULAS DE INFANTIL DE 5 ANOS ACHEGÁRONSE Á ESCOLA. SABEDORES DE QUE ESTAMOS A TRABALLAR NO PROXECTO DAS FRAGAS DO EUME PREPARARON POESÍAS SOBRE AS FRAGAS E A NOSA CONTORNA, MUSICÁRONAS E PRESENTARONAS CON UNHA COREOGRAFÍA MÁXICA. AQUÍ NOS DEIXAN "OS CICLISTAS" E "AS XOANIÑAS" AS SÚAS VIVENCIAS COS "TREBELLOS". OLLADE PREMENDO NAS IMAXES O BEN QUE O PASARON.
ATA TROUXERON TRÍPTICOS PARA TODA A CONCURRENCIA COAS SÚAS POESÍAS.QUE CHULOS!
MOITAS GRAZAS A "OS TREBELLOS"
E A TODAS AS FAMILIAS QUE COA SÚA COLABORACIÓN MELLORAN A NOSA ESCOLA.
O alumnado de 1º e 2º están a preparar a súa visita á Fraga do Eume.
O grupo de 1ºB investigou, coa axuda das familias, durante as pasadas vacacións. Aportaron diversas informacións e materiais sobre o Parque Natural. Aquí os tedes presentando as súas aportacións á clase.
Os maiores do cole xa foron ás fragas.Agora están a realizar un mapa do Parque Natural, para o que tiveron que aprender moito de escalas, curvas de nivel, nomenclatura da zona,etc.
Aquí nos deixaron unhas imaxes dos primeiros pasos do seu "macro plano" das fragas.
O alumnado de 5º A, que xa visitou as fragas no inverno, achegouse na Semana Santa a coller follas para o seu herbario. En grupos, estudaron oito árbores distintas e hoxe expuxeron os seus traballos, na clase e no corredor de primaria.
Dentro do proxecto que estamos a desenvolver no colexio, o alumnado de 3º e 6º de Primaria, aproveitando o bo tempo desta semana, fixeron as súas saídas didácticas pola Fraga do Eume.
O luns, nenas e nenos de terceiro, que están a investigar sobre os animais invertebrados do noso bosque autóctono, achegáronse ao Portal das Fragas en Ombre, Pontedeume. Alí despois de ver un video explicativo sobre a flora e a fauna, partiron cara a Alameda onde comezou a súa ruta de sendeirismo: Cruzaron a ponte colgante e internáronse no bosque onde atoparon curripas e aprenderon a identificar pegadas e outros rastros de animais. Ademais aprenderon a identificar árbores.
O xoves, o alumnado de sexto, tamén visitou a Fraga do Eume. Eles entraron polo Concello da Capela. Tiñan uns obxectivos diferentes. Están a estudar a orografía e concellos do Parque Natural e a explotación das augas.
Visitaron os Muiños do Sesín, afluente do Eume. Onde Secundino, que foi moitos anos mestre do colexio da Capela, contoulles como se aproveitaba tradicionalmente a forza das augas para realizar diferentes tarefas.
Tamén fixeron unha ruta , con vistas aos diferentes concellos do parque, para observar a orografía das fragas. Foilles comentando todo o que vían ao seu paso, un guía das Fragas.
O noso agradecemento coma sempre aos traballadores do Parque e nesta saída grazas, especialmente a Secundino, pola guía e polo seu labor de recuperación e conservación.
Mentres o Proxecto continúa a súa andaina polas aulas do noso cole, tamén expertos da nosa contorna visítannos para contribuir á nosa formación e á boa marcha do noso labor.
Onte, alumnado de 1º de Bacharelato acompañados por Irene, a súa mestra de Bioloxía, alertounos sobre a destrución dos hábitats naturais, debido a diferentes construcións como as estradas, pistas...; á invasión de especies foráneas, como os eucaliptos nos nosos bosques autóctonos; e o perigo de extinción dalgunhas especies.
Dinamizaron esta actividade ante o alumnado de sexto con gran entusiasmo, vestidos para a ocasión. Como final da xornada elaboraron, entre grandes e pequenos, murais que recollen o aprendido grazas a esta colaboración do IES "Fraga do Eume"
Carlos, o biólogo do Parque Natural,visitou onte a nosa biblioteca. Convidado polo alumnado de 1º e 2º de primaria que está a estudar a flora da Fraga do Eume e polos nenos e nenas de 6º de Infantil que aínda que están a pescudar nas Lendas do Eume teñen moito interese en todo canto se refire ao noso bosque. Deu dúas charlas onde o alumnado guiou a actividade coas súas dúbidas, cos seus intereses, coas súas preguntas.
Hoxe foi Pedro, o experto en reciclaxe e reutilización da empresa que trata os residuos do Punto Limpo Municipal,o que veu a estar co alumnado de 4º, 5º e 6º de primaria.
Concienciounos da importancia da reutilización e dunha boa separación de residuos para a súa reciclaxe. A importancia vital para o medio ambiente da nosa colaboración co tratamento de residuos.
Deixounos ademais información para as familias e colectores para o noso cole.
