viernes, 31 de mayo de 2019

Limos aos máis pequenos!

Outra acrividade máis de Animación á Lecrtura que está a rematar. Un ano máis o alumnado de 5º e 6º visitou cada semana as aulas de E: I e 1º se E.P para lerlles un conto en galego. 
Da man do Equipo de Dinamización da Lingua Galega (EDLG), en colaboración co Equipo de Biblioteca desenvolveuse   a actividade LEMOS @S MÁIS PEQUEN@S.
Realizase esta actividade ano tras ano coa colaboración dos nenos e nenas máis vell@s do cole e a participación entusiasta dos máis novos.









 Chegou o bo tempo!





Moitas grazas a todos e todas e ata o curso que vén!

jueves, 30 de mayo de 2019

Rematamos o "Prato do do mes"

Próximos a rematar o curso, chéganos o arrecendo de pratos deliciosos "cociñados" polos nenos e nenas de Infantil. Tal é o caso da "Pescada con Patacas Cocidas" que fixeron @s de cinco anos.




Os "Pementos fritidos" do mes de Maio feitos por 5º de Infantil, están para comelos.



E as "Sardiñas Asadas" dos de 3 anos para xuño, cheiran que arrecenden!!



Deste  xeito, rematamos a iniciativa do Equipo de Dinamización da Lingua Galega como parte do PDI BO PROVEITO!, andaina que comezamos  no mes de outubro co alumnado de 6º de Educación Primaria e que rematamos con 4º de Educación Infantil. 
Este logro foi posible, grazas ao apoio dos  titores e titoras de tódolos cursos que mensualmente fixeron uns menús axeitados para cada estación, con produtos bos para a saúde e que respectan a pirámide dos alimentos e integran receitas tradicionais da nosa terra. 
Parabéns!!




martes, 28 de mayo de 2019

Achégase o Fin de Curso



A piques de rematar maio temos que pensar na recollida da biblioteca:


  • Revisaremos os préstamos e facemos últimas devolucións.

  • Faremos xa o último cambio das Maletas de Güino.

  • Revisaremos as Maletas Viaxeiras que xa visitaran a todas as familias e baixaremolas para o "Xardín do Pasatempo"


Güino e o Equipo de Axudantes da Biblioteca terán que deixar todo ben colocado, catalogado e organizado cara o curso que vén, polo que agradecen a vosa colaboración para entre todos e todas facer unha biblioteca ordenada e acolledora onde poidamos pasar tempos de lecer e aprendizaxe.




Veñen de ampliar e reestruturar a sección de E.I., onde tamén lemos nos recreos os de Primaria ou facemos diferentes actuacións, contacontos, presentacións, clubes de lectura, etc.
Mirade que ben quedou!




Güino ten gardada no peto algunha sorpresa máis cara o curso que vén! Para axudar ao Equipo da Biblioteca no labor de recoller e preparar as novidades cara o vindeiro curso a partires do 3 de xuño a biblioteca permanecerá pechada nos recreos.
Tedes na marxe esquerda unha enquisa para coñecer a vosa opinión sobre o funcionamento da biblioteca. É para o alumnado de 3º a 6º e para o profesorado.


Grazas pola vosa colaboración! 

lunes, 27 de mayo de 2019

Bo Proveito! en cada aula.

Xa avanzado o trimestre e adiantándonos á exposición final do PDI, vexamos o que está a pasar nos diferentes niveis.

En E. Infantil na "Clase dos Peixiños" continuam a viaxar polo mundo gastronómico e seguindo un ananiño coñeceron variados aspectos da realidade etíope e ata comeron pan daquel lonxano país africano. Cruzaron o "charco" e chegaron ata Venezuela coa súa curiosidade e dalí tamén coñeceron un prato típico: As arepas. Mirade no seu blog que experiencias tan enriquecedoras e apetitosas.


Tamén en E.I. "Os pequenos maiores" xa botaron a andar o seu restaurante.

Preme na imaxe





Claro, coa horta tan vizosa que ten a rapazada de Infantil deben preparar uns pratos ben saborosos.






Xa en Primaria os, primeiros e segundos estiveron no obradoiro: PONLLE AS PILAS AO TEU BOCATA, que forma parte do Plan Proxecta de Alimentación e que este ano integramos no PDI do curso: BO PROVEITO!
Foi toda unha novidade comer un bocata saudable a base de mexillóns, de atún e ata de sardiñas, pero é que estaban deliciosos, inda @s que non querían, animáronse a probalos e déronse conta de que hai moito máis que os bocadillos que comemos habitualmente.

Entra na imaxe !
Ademais estan a rematar o seu traballo sobre as vacas, ollade que murais tan completos están a realizar!
































Os terceiros foron  á Escola de Hostalaría. Agradecemos a colaboración unha vez máis do IES "Fraga do Eume" que tan ben nos recibe sempre!

Infórmate no seu blog, preme!

E o alumnado de 4º, logo da visita a unha exposición na Casa da Cultura traballaron sobre os bodegóns e realizar os seus propios en homenaxe ao pintor eumés Abelardo Miguel e á vila de Pontedeume.
Neles aparecen distintas paisaxes ou lugares que son importantes para eles, repletos de alimentos saudables.Para máis información entra no seu blog premendo na  seguinte foto.


O alumnado de 5º e 6º que está a centrar o PDI na alimentación coa mirada das artes durante este trimestre está a practicar coa arte fotográfica e a cociña. Xa teñen o seu mural con fotografías informadas case que rematado, ollade que traballo tan interesante! 
Logo da pintura, da poesía e do teatro sobre alimentación por fin decidíronse a poñer se coas mans na masa e teñen imaxes para demostralo.








Asemade, e  a proposta do equipo das aulas bilingües, todo o colexio participou no Album Bilingüe e, dinamizado pola biblioteca, celebrouse o XI Certame de Poesía Couceiro Freijomil, como xa vos temos informado.

.
Todo esto e moito máis está a pasar nas aulas do Couceiro arredor do proxecto deste curso común a todas as aulas do centro.
Interesante, non?






lunes, 20 de mayo de 2019

Visítanos Héctor Cajaraville

O alumnado de 6º A e B, que vén de ler Kusumarecibe no club de lectura ao autor , Cajaraville, preséntanos e recoméndanos esta obra, Premio Merlín 2018.

A través deste "booktrailer" fálannos de Kusuma   A vindeira semana contaranvos con outro curto as impresións da visita do autor, Héctor Cajaraville..



Xa está Kusuma preparada para voar ata as vosas casas!

Xa chegou ao Xardín do pasatempo Cajaraville. Premede na imaxe e veredes no blog do Club de lectura un resumo da súa visita.



jueves, 16 de mayo de 2019

Letras Galegas

Hoxe foi o Festival das Letras Galegas en 1º lugar a rapazada de 6º achegounos  ao persoeiro ao que está adicado este ano o Día da Letras Galegas, Antonio Fraguas Fraguas.


Preme para máis información

2ª parte: XI Certame Poesía "Couceiro Freijomil":
Dende hai 11 anos neste día lense as poesías finalista do Certame de Poesía. CEIP “Couceiro Freijomil”convocado no Festival  do Teatro e da Poesía
Este curso todas as poesías fálannos das comidas, dende o almorzo ata a cea pasando pola parva do recreo; das froitas, do peixe, da carne e tamén das larpeiradas.
 Poesías cheas de azucre,  e sal, de  sobremesas e primeiros pratos. e todas elas deséxannos Bo proveito!


E.I. "Da horta á mesa"


As mestras do equipo da biblioteca transmítennos os seus parabéns para todo o alumnado do colexio por cada un dos versos achegados a este XI Certame de Poesía CEIP “Couceiro Freijomil”.
Tamén queren agradecer aos titores e titoras que traballaron a poesía nas súas aulas, pois alén de incentivar a lectura, levan  aos seus alumnos e alumnas mesmo a mergullarse nese mundo marabilloso do poema, como forma de se expresar, reivindicar, falar ao mundo, do mundo, ou do seu propio mundo.

A vindeira semana estará nos andeis de produciñon propia da biblioteca un  libro recompilatorio deste certame.


Para rematar o Festival entregáronse tamén os premios do Álbum Bilingüe.
Esta actividade encheu, ao soar a sirena do recreo cada día desta primavera, de cromos, balbordo e ledicia, a entrada do noso cole.
As profesoras que coordinaron esta actividade fixeron entrega dos premios aos primeiros grupos que completaron o álbum co vocabulario en galego e inglés do PDI deste curso. Premios que son para todas as aulas pois todos e todas participamos con entusiasmo.





Mais a mañá traíanos máis sorpresas :
Apadriñamentos lectores: Aínda que hai anos que temos a actividade de "Ler aos máis pequenos" hoxe fíxose extensiva a toda a escola e sacámolas das aulas cara fóra, que ben o pasaron tanto oa padriños e madriñas como afillados e afilladas compartindo lectura.






Para rematar a festa nada mellor que bailar. O alumnado de 4º de Primaria aprendeunos a danza que compartiron hai uns días nunha fermosa actividade "Un mar de muiñeiras" con outros colexios de Ferrolterra.





Aquí vai o resumo visual da nosa mañá:



Queremos agradecer a participación do alumnado e a estreita colaboración entre os Equipos de Dinamización da Lingua Galega,  de Actividades Complementarias, das TIC¨s e do Equipo da Biblioteca Escolar. Sen todos vós este acto non sería posible.

jueves, 2 de mayo de 2019

Os Maios na escola


Vimos de festexar os Maios no noso cole.

As orixes da festa:A Festa dos Maios, naceu na prehistoria cando os primeiros homes se preguntaban sobre esa forza renovadora que cada ano , tras a época das chuvias e o frío facía abrota-la semente e revestía os campos de variadas cores. Nunha sociedade neolítica a dependencia do ciclo regular das estacións, da forza da natureza provocan o nacemento do culto   a "deidades" do mundo vexetal coma ás árbores. Debíalles sorprender a aqueles homes a coincidencia da estación primaveral coa fecundidade animal que non tardaron en relacionar, tamén, coa fertilidade da especie humana; de aí nacerá o culto á fecundidade e ós amuletos máxicos.


Evolucionou ao longo da historia esta tradición mais no s.XIX tan solo se manterán naqueles núcleos de poboación onde ainda haia un continxente de mozos dispostos a conserva-lo costume. Tamén nas vilas prodúcese o fenómeno de quedar reducido a festas de rapaces , cecáis polo carácter petitorio que proporcionaba a mocedade alguis cartos cousa nada desdeñable , e, como non , pola dimensión lúdica e de sátira social na que se foran especializando estes maios vilegos (Pontevedra, por exemplo).

No s. XX veremos nacer concursos que premian as coplas máis audaces e graciosas. Pero tamén por iso son reprimidas novamente en tempos das dictaduras , como a de Franco , nos que non se toleran críticas polo que van esmoecendo obxecto da censura e da prohibición. Chegan ,pois, tremendamente esgotadas estas tradicións ós nosos días producto dunha nova sociedade que ten mecanismos moi potentes de uniformización da cultura, causando o desarraigo das expresións culturais seculares propias, específicas de cada pobo.

Mais recentemente vívese un espertar esperanzador destes festexos, adaptados ás novas realidades. Colectivos , concellos, escolas... conscentes da necesidade de pasar o relevo deste legado cultural as xeneracións que veñen detrás , seguros de que a variedade cultural é un signo distintivo da humanidade.



A celebración no noso cole: O luns o alumnado coa axuda das súas familias recolleron por montes e hortas xestas, buxos, fiúnchos, calas, margaridas e outros verdes e flores para o último día de abril prepara o maio da escola, ademais achegaron laranxas e ovos baleiros para as grilandas. Este curso fixemos 3, o de E.I., o de 1º, 2º e 3º de primaria e o máis grande para os máis vellos da escola, 4º 5º e 6º de E. Primaria.




Todos os nenos e nenas axudaron na realización do maio, os máis pequenos coa colaboración das familias e os maiores, xa máis autónomos, coa axuda dos mestres e mestras.
Fixeron grilandas de calas i hedras, prepararon as flores, puxeron o verde, etc.










Logo dunha 1ª parte da mañá de traballo veu o momento da festa: Desfile e música. Cada grupo amosou o seu maio a todo o cole e cantou a súa cantiga darredor do maio.












O concurso na vila: O 1º de maio, como cada ano o concello organiza un concurso. Os maios reúnense no Xardín de Lombardero e desfilan polo casco histórico, detrás dos gaiteiros e pedindo para o maio,  cara a Alameda.





 No palco da alameda cántanse as coplas dos maios mentras os xuices valoran os maios, de colexios e  asociacións culturais principalmente.

Díptico das nosas coplas dos Maios.

Letra das coplas dos 3 Maios.










 Todos os maios fomos premiados cunha bolsa cun agasallo e unha merenda. E ademais un diploma para os gañadores.





 Que ben o pasamos e canto aprendimos! Ollade nesta montaxe!