viernes, 29 de abril de 2022

PDI +ARTE. A DANZA

A danza unha das artes incluída no PDI deste curso e unha arte de dificil acceso nunha vila pequena como a nosa e non podiamos perder a oportunidade que nos brindou a celebración do Día da Danza no veciño concello de Narón.

O alumnado de 5º e 6º de Primaria desprazáronse  ao Pazo de Cultura de Narón para presenciar o espectáculo de danza contemporánea GAIA, nun pase  especial para os colexios  por mor desta conmemoración. Gaia é un espectáculo onde a voz e a danza nos achegan coñecementos dende unha óptica visual e imaxinativa. É unha historia en movemento na que a pintura, a música e o audiovisual nos axudan a descubrir a intensidade, o poder e a beleza das características do noso planeta e dos seus tesouros naturais.

É un encontro didáctico co que entender a importancia da interacción entre as persoas e o medio ambiente."

O Pazo estaba cheo de xente miúda que nos pestanexou mentres presenciaban o desenvolvemento da obra. Voltamos encantados! 



martes, 26 de abril de 2022

CONTACONTOS PARA PRIMEIRO E SEGUNDO

E xa como remate final deste mes do libro, o 26 de abril  puidemos contar coa presenza na nosa escola có contacontos Benxamín Míguez Novoa. O alumnado de 1º e 2º de primaria puideron escoitar as súas historias. Benxamín, deleitou á nosa rapazada con diferentes historias repartidas en catro sesións, unha por curso, co fin de respectar os grupos burbulla.
Desfrutaron un montón dos contos personalizados, mentres facía as ilustracións dos mesmos. Deixounos cunha moi boa sensación! 
As súas ilustracións están a decorar os nosos corredores, e unha vez estean cheos de cor polo noso alumnado pasarán a formar parte dos nosos produtos finais do PDI+ARTE.









jueves, 21 de abril de 2022

ARTE NO SÉCULO XX

O alumnado de 6º estivo a investigar sobre a arte do século XX. A información estudada recolléronna nuns libros de lapelas.

Para recoller información utilizaron a información que  aprenderan  na saída a A Coruña,  no tema correspondente do seu libro de texto, documentáronse na biblioteca, na rede de internet ou neste blog.

A estrutura do traballo  foi a seguinte:

Na portada:

Título ( Buscade o voso título e rotuládeo  dun xeito vistoso).

Índice

Fontes de información.

Autores e data

No interior:

Información xeral S. XX.

España no S. XX.

Arquitectura S. XX.

Antonio Tenreiro, a súa obra.

Escultura S. XX.

As esculturas do Xardín de Méndez Núñez.

Pintura no século XX.

Téxtiles artísticos.

Os produtos finais desta actividade verémola na nosa exposición.

miércoles, 6 de abril de 2022

PDI + ARTE INFANTIL

 O alumnado de 5º de Educación Infantil traballaron o poema "Violín" para o Día da poesía.

Dentro do noso Proxecto Documental Integrado estiveron a traballar sobre a escritora Olga de Dios, autora de contos como Monstro Rosa, Monstro Azul, Pájaro Amarillo ou Ra de tres ollos.  Decidiron  pintar con spray os seus monstros monstruosos.  Para isto, botaron man doutros libros da mesma autora (Spray Cocktail Party).  Ollade o ben que o pasamos con esta nova técnica.

Deulles tempo tamén de pintar unhas árbores primaverais con plástico de burbullas.





































MÁIS POESÍA: INFANTIL

Con  motivo da SEMANA DA POESÍA, o equipo de educación infantil traballou uns poemas de kalandraka da súa colección "Do berce á lúa".

Os nenos e nenas de 3 anos centráronse no poema "LÚA". Fixeron dúas cousas:

- Ilustrar o poema e darlle o seu toque artístico. Como vedes nas fotos convertíronse en escritores e ilustradores. Colaborando coa clases dos bombeiros quedoulles un libro moi chulo.












Unha vez listo o conto, recitaron o poema cun toque musical. 
Prestade moita atención para desfrutar do poema cantado "Lúa" e os poemas de 5º e 6º de educación infantil. Este video esta feito coa colaboración de todos os nenos e nenas de educación infantil.



martes, 5 de abril de 2022

DÍA DO LIBRO 2022

 Día do Libro 2022: viaxe ás cidades máis literarias.

O 23 de abril é o Día do Libro, unha conmemoración a nivel mundial que busca fomentar a lectura e que se celebra nesa data precisa xa que ese día, en 1616 e supostamente, faleceron dúas figuras da literatura mundial: Miguel de Cervantes e William Shakespeare. Xa no século  XXI, varias asociacións como a UNESCO, a Unión Internacional de Editores, a Federación Internacional de Libreiros e a Federación Internacional de Asociacións e institucións Bibliotecarias elixen cada ano unha capital mundial do libro.

Esta cidade dos libros organiza durante o seu mandato –que empeza o 23 de abril, o Día do libro 2022– unha infinidade de actividades que teñen que ver cos libros e cuxo obxectivo é facelos accesibles e atractivos para toda a poboación. A Capital Mundial do Libro 2022 é Guadalaxara, en México.

















DÍA DO LIBRO 2022