Fin de curso!

Xa chega o verán e mañá rematan as clases. Hoxe tivemos un acto de valoración e agradecemneto da participación nas actividades da biblioteca.
Entregamos diplomas e pequenos agasallos aos "Axudantes de Güino", á participación nos "Clubs de Lectura" e ao neno e á nena "Máis Lector e Lectora".
Tamén presentamos as "Recomendcóns Lectoras " que realizaron en formato de" Booktraile" a rapazada dos clubs de lectura de 6º.

Grazas a tod@s!!

Ademais como fin do PDI "Bo Proveito" temos a exposición dunha seleccións de materiais elaborados en todas as aulas e por todos os equipos do centro, aberta a toda a Comunidade educativa.
Dende E. Infantil ata 6º curso, dende a Biblioteca a EDLG, D. de Orientación, Aulas Bilingües,...
Todos e todas traballamos mán con man ao longo deste 2019/18

Parabéns. Feliz verán!

Xa falta menos!

Achégase o fin de curso e o Couceiro e un fervedoiro de actividade:

• Vimos de ver a fabulosa posta en escea da Compañía de Ópera  "Purpurina" da súa 1ª representación Que non sexa a derradeira!.                                                                                  O alumnado de 6º de E. I. tivo un curso ben intenso que lle deu para formar unha compañía con todas os oficios que esta implica, escribir e representar a súa 1º ópera ¨"Coidar todo". A pasada semana, expuxeron as tarefas realizadas ao longo do curso e tiveron sesión dobre, para os compañeiros de Infantil e Primaria e para  as familias.  Parabéns a todo o alumnado e profesorado implicado en tan formidable tarefa!

• O alumnado de  Lingua Estranxeira, Francés, envíanos unha das tarefas realizadas dentro do PDI "Bo Proveito", comezaro o curso co "Receitario de Outono" facendo "Gáteau à la crèma de marrons" ( Torta de Castañas) e rematan tamén cociñando "Tarta Tatín". Ollade que boa pinta!

• En  1º e 2º de Primaria xa ten o produto final do seu traballo dentro do PDI "Bo Proveito" preparado para expoñer a vindeira semana a toda a Comunidade Educativa. A partires do martes estarán os traballos máis representativos de todo o cole na entrada do cole para así todos e todas enterarnos de como se desenvolveu o proxecto en cada aula. O 19 é a xornada de portas abertas do PDI "Bo Proveito" para as familias.

• Hoxe á mañá na Hora de Ler comezamos apreparación dunha das últimas e máis festivas datas cara fin de curso: O "Concurso de Castelos de Area". A semana que vén nenos e nenas dende 4º de E.I. ata 6º de Primaria visitarán o Areal da Madalena en Cabanas para, logo de unha sesión de xogos populares no piñeiral, facer castelos en grupo (16 compoñentes por grupo, de todas as idades dende 4 ata 12 anos). Pero hoxe a quedada foi para acordar as ferramentas e deseños que van realizar o luns ou xoves da semana seguinte, dependendo da climatoloxía. Aquí vedes algúns  grupos planificando!

• 
  
  
  
  
  
  
  
  
  
  
  
  
  
  
  
  
  
  
  
  
  
  

Rematamos o "Prato do do mes"

Próximos a rematar o curso, chéganos o arrecendo de pratos deliciosos "cociñados" polos nenos e nenas de Infantil. Tal é o caso da "Pescada con Patacas Cocidas" que fixeron @s de cinco anos.

Os "Pementos fritidos" do mes de Maio feitos por 5º de Infantil, están para comelos.

E as "Sardiñas Asadas" dos de 3 anos para xuño, cheiran que arrecenden!!

Deste  xeito, rematamos a iniciativa do Equipo de Dinamización da Lingua Galega como parte do PDI BO PROVEITO!, andaina que comezamos  no mes de outubro co alumnado de 6º de Educación Primaria e que rematamos con 4º de Educación Infantil. 

Este logro foi posible, grazas ao apoio dos  titores e titoras de tódolos cursos que mensualmente fixeron uns menús axeitados para cada estación, con produtos bos para a saúde e que respectan a pirámide dos alimentos e integran receitas tradicionais da nosa terra. 

Parabéns!!

Bo Proveito! en cada aula.

Xa avanzado o trimestre e adiantándonos á exposición final do PDI, vexamos o que está a pasar nos diferentes niveis.

En E. Infantil na "Clase dos Peixiños" continuam a viaxar polo mundo gastronómico e seguindo un ananiño coñeceron variados aspectos da realidade etíope e ata comeron pan daquel lonxano país africano. Cruzaron o "charco" e chegaron ata Venezuela coa súa curiosidade e dalí tamén coñeceron un prato típico: As arepas. Mirade no seu blog que experiencias tan enriquecedoras e apetitosas.

Tamén en E.I. "Os pequenos maiores" xa botaron a andar o seu restaurante.

Preme na imaxe

Claro, coa horta tan vizosa que ten a rapazada de Infantil deben preparar uns pratos ben saborosos.

Xa en Primaria os, primeiros e segundos estiveron no obradoiro: PONLLE AS PILAS AO TEU BOCATA, que forma parte do Plan Proxecta de Alimentación e que este ano integramos no PDI do curso: BO PROVEITO!

Foi toda unha novidade comer un bocata saudable a base de mexillóns, de atún e ata de sardiñas, pero é que estaban deliciosos, inda @s que non querían, animáronse a probalos e déronse conta de que hai moito máis que os bocadillos que comemos habitualmente.

Entra na imaxe !

Ademais estan a rematar o seu traballo sobre as vacas, ollade que murais tan completos están a realizar!

Os terceiros foron  á Escola de Hostalaría. Agradecemos a colaboración unha vez máis do IES "Fraga do Eume" que tan ben nos recibe sempre!

Infórmate no seu blog, preme!

E o alumnado de 4º, logo da visita a unha exposición na Casa da Cultura traballaron sobre os bodegóns e realizar os seus propios en homenaxe ao pintor eumés Abelardo Miguel e á vila de Pontedeume.

Neles aparecen distintas paisaxes ou lugares que son importantes para eles, repletos de alimentos saudables.Para máis información entra no seu blog premendo na  seguinte foto.

O alumnado de 5º e 6º que está a centrar o PDI na alimentación coa mirada das artes durante este trimestre está a practicar coa arte fotográfica e a cociña. Xa teñen o seu mural con fotografías informadas case que rematado, ollade que traballo tan interesante! 

Logo da pintura, da poesía e do teatro sobre alimentación por fin decidíronse a poñer se coas mans na masa e teñen imaxes para demostralo.

Asemade, e  a proposta do equipo das aulas bilingües, todo o colexio participou no Album Bilingüe e, dinamizado pola biblioteca, celebrouse o XI Certame de Poesía Couceiro Freijomil, como xa vos temos informado.

.
Todo esto e moito máis está a pasar nas aulas do Couceiro arredor do proxecto deste curso común a todas as aulas do centro.

Interesante, non?

Letras Galegas

Hoxe foi o Festival das Letras Galegas en 1º lugar a rapazada de 6º achegounos  ao persoeiro ao que está adicado este ano o Día da Letras Galegas, Antonio Fraguas Fraguas.

Preme para máis información

2ª parte: XI Certame Poesía "Couceiro Freijomil":
Dende hai 11 anos neste día lense as poesías finalista do Certame de Poesía. CEIP “Couceiro Freijomil”convocado no Festival  do Teatro e da Poesía
Este curso todas as poesías fálannos das comidas, dende o almorzo ata a cea pasando pola parva do recreo; das froitas, do peixe, da carne e tamén das larpeiradas.
 Poesías cheas de azucre,  e sal, de  sobremesas e primeiros pratos. e todas elas deséxannos Bo proveito!

E.I. "Da horta á mesa"

As mestras do equipo da biblioteca transmítennos os seus parabéns para todo o alumnado do colexio por cada un dos versos achegados a este XI Certame de Poesía CEIP “Couceiro Freijomil”.

Tamén queren agradecer aos titores e titoras que traballaron a poesía nas súas aulas, pois alén de incentivar a lectura, levan  aos seus alumnos e alumnas mesmo a mergullarse nese mundo marabilloso do poema, como forma de se expresar, reivindicar, falar ao mundo, do mundo, ou do seu propio mundo.

A vindeira semana estará nos andeis de produciñon propia da biblioteca un  libro recompilatorio deste certame.

Para rematar o Festival entregáronse tamén os premios do Álbum Bilingüe.
Esta actividade encheu, ao soar a sirena do recreo cada día desta primavera, de cromos, balbordo e ledicia, a entrada do noso cole.
As profesoras que coordinaron esta actividade fixeron entrega dos premios aos primeiros grupos que completaron o álbum co vocabulario en galego e inglés do PDI deste curso. Premios que son para todas as aulas pois todos e todas participamos con entusiasmo.

Mais a mañá traíanos máis sorpresas :
Apadriñamentos lectores: Aínda que hai anos que temos a actividade de "Ler aos máis pequenos" hoxe fíxose extensiva a toda a escola e sacámolas das aulas cara fóra, que ben o pasaron tanto oa padriños e madriñas como afillados e afilladas compartindo lectura.

Para rematar a festa nada mellor que bailar. O alumnado de 4º de Primaria aprendeunos a danza que compartiron hai uns días nunha fermosa actividade "Un mar de muiñeiras" con outros colexios de Ferrolterra.

Aquí vai o resumo visual da nosa mañá:

Queremos agradecer a participación do alumnado e a estreita colaboración entre os Equipos de Dinamización da Lingua Galega,  de Actividades Complementarias, das TIC¨s e do Equipo da Biblioteca Escolar. Sen todos vós este acto non sería posible.

Día do Libro: Petiscos Literarios.

Chegou o gran día! Os petiscos, que deixaramos preparados e moi ben presentados nunhas fermosísimas pratas ao rematar o trimestre, estabanos esperando na entrada do cole á volta de vacacións. Que boa maneira de voltar á escola!

Ao longo da mañá, pasamos a escoller un petisco para cada un, doutra bandexa que non fora a nosa.

Logo nas aulas xogamos en grupo, en parellas, con axuda ou sen ela a adiviñar que alimento contiña o noso "canapé"

Ademais noutras aulas presentáronse novidades, ou mesmo leron O Quixote!

Menudo 1º día, que mañá tan intensa trouxo este Día do Libro!. Ollade neste videomontaxe!