CLUB DE LECTURA: "O capitán Maimiño"

 O alumnado de 4º A e 4º B vén de rematar a lectura do libro de Antonio Fraga "O capitán Maimiño", coñeceron ao autor nun encontro virtual co que quedaron encantados e recibiron os parabéns do escritor ante o seu coñecemento da obra e as apreciacións sobre a mesma .

Se visitades o seu blog, premendo na imaxe, poderedes ver a entrada das valoracións de cadaquén sobre "O capitán Maimiño"

Agora están a comezar dentro do seu club de lectura "O misterio dos fillos de Lúa". É un libro de Fina Casalderrey publicado en 1995 pola Editorial S.M. O ano seguinte gañou o Premio Nacional de Literatura infantil e xuvenil de España. Foi incluído na Biblioteca Galega 120 e traducido ao castelán, ao catalán e ao bretón. Tamén, cando teñan a lectura xa máis avanzada recibirán á escritora.

Felicidades e a seguir lendo!!

Información da autora

Información do libro

A "Ponte das Verbas": Encontro con A. G. Teijeiro.

Hai uns días o Concello convidounos a participar  nunha das actividades do ciclo de encontros "A PONTE DAS VERBAS" con escritores e escritoras premiados co  Premio Nacional de Literatura Infantil e Xuvenil.

Tan pronto como nos chamou Alexandre, o bibliotecario da B. M. "Ramiro Fonte", comezamos coa preparación do encontro con García Teijeiro, premiado en 2017 por "Poemar o mar".

Preme para saber máis sobre o autor.

 Xa coñeciamos a Antonio G. Teijeiro  e a "Poemar o mar" dende hai 2 anos, nunha actividade da nosa biblioteca do PDI "Alén do Mar". Aproveitamos para coñecer máis a súa obra, centrándonos na poesía.

E hoxe fomos á Biblioteca Municipal "Ramiro Fonte" e compartimos con el unha actividade chea de rimas, cantigas e mares salgados. 

Foi un marabilloso agasallo da man dos organizadores de "Ponte das Verbas", do Concello e de Antonio.

Grazas a todos!

Agasallo para o "Xardín do Pasatempo"

Un novo volume de produción propia chegou á nosa biblioteca das xenerosas mans do alumnado de 6ºB . 

Hoxe á mañá acompañados pola súa titora as nenas e os nenos de 6ºB doaron ao "Xardín do Pasatempo" o libro de elaboraron por mor do Día contra a Violencia de Xénero e que presentaron o pasado venres a todos os cursos do colexio.

Axiña estará no revisteiro de Produción Propia para ler no cole ou para coller como préstamo.

Marabilloso agasallo, grazas!

Antonio García Teijeiro visita o noso cole.

O pasado luns, 19 de marzo, o alumnado de 3º e 4º que estivo a traballar a poesía  co libro de García Teijeiro , "Poemar o mar", recibiu no noso "Xardín do Pasatempo" ao Premio Nacional de Narrativa Infantil e Xuvenil 2017, ANTONIO GARCÍA TEIJEIRO. 

Preme na imaxe para ter máis información da obra e o autor.

Nenas e nenos pasaron un tempo estupendo mentres, guiados pola maestría do escritor, xurdían palabras , versos e ata poemas de mar.

Ao tempo que lembraban na compaña de Teijeiro moitos fragmentos  do seu poemario do mar e que  esta rapazada xa sinte como propios; tan coñecidos e benqueridos que atrevéronse a poñerlles música.

Para rematar a sesión asinounos os volumes do seu libro que achegamos.

Grazas Antonio, por esta marabillosa mañá !

ACTIVIDADES DA SEMANA DO LIBRO

Tivemos unha Semana do Libro ben completa.
Ademais da presentación de novidades e da Realidade Aumentada utilizando as tabletas dixitais da biblioteca que tanto gusta a pequenos e grandes tivemos actos puntuais como:

• Iago López presentoulles o seu libro " O cociñeiro Martiño" a 1º e 2º de Primaria

Iago López presenta "O Cociñeiro Martiño" - Kizoa Editar Videos - Movie Maker

• O alumnado do Club de Lectura coñeceu a Antonio Fraga co que parolaron sobre "O Castañeiro de Abril"

Club de Lectura - Kizoa Editar Videos - Movie Maker

• Os máis pequenos da escola ,un xoves máis, recibiron con gran alegría na Hora de Ler ao Voluntariado Lector de 5º e 6º de Primaria

Voluntariado Lector 2017 - Kizoa Editar Videos - Movie Maker

• E algúns nenos e nenas traballaron, seguindo as suxestións de Güino, na data da Festa do Libro. Ademais de investigar elaboraron "Minilibros" con aventuras do Quixote.          Mirade que chulos!

DÍA DO LIBRO 2017 MINILIBROS - Kizoa Editar Videos - Movie Maker

Presentación "As cousas que importan"

O alumnado de terceiro e cuarto de Primaria estiveron a traballar nas súas aulas co libro do "Primo Ramón" "As cousas que importan".

Mañá vén "El Primo Ramón" á nosa biblioteca. É un autor especial, mirade!

Ollade o cartaz que nos deixa Güino!

Xa chegou o día, xa  sabemos quen é  "El primo Ramón". Son Borja e María. Pasaron con nós a mañá e contáronos o proceso de escritura e ilustración de " As cousas que importan". Tamén fixemos nós de guionistas e de debuxantes. Ao final asinaron os exemplares do seu libro.

AS COUSAS QUE IMPORTAN - Kizoa Editar Videos - Movie Maker

Letras Galegas 2016

Este ano o día das Letras Galegas está adicado ao poeta outeirés Manuel María.

No noso centro xa levamos un tempo facendo a nosa pequena homenaxe ao autor, xa que moitas das actividades que temos realizadas xiran en torno a el.

Co comezo do ano, dende o Equipo de Dinamización da Lingua Galega, fíxose un pequeno concurso entre o alumnado de 5º e 6º de primaria que presentou debuxos baseados nas obras de Manuel María. Todos os traballos presentados foron estupendos, pero escolléronse tres cos que ilustrar os calendarios do ano 2016.



Ademáis, como xa sabedes, tamén adicamos o Día da Poesía as obras do autor indo a recitalas polas rúas da vila.

Os actos da conmemoración do Día das Letras Galegas comezaron o mércores 18. Durante esta semana entramos na escola escoitando os poemas musicados de Manuel María e o recitado de poemas dos que se encargaron os membros do equipo directivo.

O venres, no acto principal, o alumnado de 6º de primaria encargouse de presentarnos a vida e obra do autor a través duns traballos plásticos que realizaron na aula.





Despois deste acto, e descansar un poco no patio, saímos a entrada do cole para rematar a actividade proposta polo Equipo de Dinamización,  "Conserva a túa palabra". Trátase de facer unha cápsula do tempo na que soterramos un libro feito coas palabras galegas favoritas de cada quen. Quizais os vosos netos descobran dentro de moitos anos que ao seu avó gustáballe a palabra "vagalume" ou a súa bisavoa "grazas".

Na biblio temos unha copia deste traballo conxunto para que poidades buscar a vosa palabras descobrir cal é a palabra favorita dos compañeiros.

Letras Galegas 16 - Kizoa Editar Videos - Movie Maker

Encontro con Érica Esmorís

Onte, a nosa biblioteca encheuse de novo de vida, de historias e de auga salgada para recibir a Érica Esmorís, autora de Nena e o mar, obra á que o alumnado de 6º de primaria adicou este ano o seu clube de lectura.

Foi unha visita moi esperada, na que a autora comentou como foi o proceso de creación da obra, dende o inicio da idea ata o remate final coas ilustracións de Dani Padrón. 

Tamén comentou que trátase dun libro musicado, de feito a súa parella, coa que comparte predilección pola persoaxe do fareiro, compuxo unha canción para o seu traballo. 

Por suposto, tivemos tempo para facerlle moitas preguntas e para que nos adicase os nosos exemplares da obra. 

Érica Esmorís 16 - Kizoa Editar Videos - Movie Maker

Moitas grazas Érica por adicarnos este ratiño!

Encontro con María Canosa

Hoxe visitou a nosa biblioteca María Canosa, autora do libro "Druídas" que está a ler o alumnado de 5º no clube de lectura.

 

Os rapaces non só falaron deste libro, sino que comentaron con María outros das súas obras, como as coleccións de poemas "Acuario", e "Acuario 2". 

Foi un encontro cheo de preguntas, curiosidades, inquetudes... cunha gran participación por parte do alumnado e unha estupenda invitada, coa que puideron falar de maneira moi cercana sobre o seu traballo. 

E tamén hubo tempo para, como non, adicar uns cantos exemplares!!

Moitas grazas María por compartir connosco estes ratiños!!

Encontro María Canosa - Kizoa Editar Videos - Movie Maker

Canta paxariño, canta!

O pasado mércores, 24 de febreiro, lembramos no noso centro a figura de Rosalia de Castro, unha das grandes figuras da nosa literatura.

A Asociación de escritoras e escritores en lingua galega está a promover, dende hai uns anos, a difusión desta data, coincidindo co nacemento da autora no ano 1837.

Un ano máis,  dende BiblioCouceiro queremos sumarnos a este recordo e para iso traballamos nas aulas un verso do poema "Alborada", de "Cantares Gallegos".

Para compartir este día con toda a comunidade educativa, os rapaces e rapazas decoraron unha postal que mandaron as casas.

Esperamos que fora unha agradable sorpresa atopalas no buzón!

Día Rosalia 16 - Kizoa Movie Maker

Exposición: Xardín do Pasatempo

Dende o noso particular "Xardín do Pasatempo" queremos convidarvos a visitar a biblioteca municipal de Pontedeume, onde poderedes atopar unha exposición sobre "Xardín do Pasatempo", o libro do eumés Ramiro Fonte que da nome á nosa biblioteca.

Dende a biblioteca anímanvos a facervos unha foto diante da casa de Ramiro, e cando vaiades a ver a exposición sobre este libro agasallaránvos cun exemplar do mesmo.



Nesta exposición poderedes ver, entre outras cousas, as ilustracións do libro, que son obra do ex-alumno do Couceiro,  Jacobo Muñiz.
Na nosa biblio temos a sorte de contar con tres orixinais que Jacobo regalounos fai uns anos, e que ocupan un lugar privilexiado no noso "Xardín do Pasatempo".



Animádevos a facervos a foto e visitar a exposición que tedes ata finais do mes de Novembro para facelo!!

Exposición sobre Antón Cortizas

Con motivo da celebración do DÍA DAS LETRAS GALEGAS, vainos visitar o escritor ANTÓN CORTIZAS. A biblioteca do centro realizou unha exposición dos libros que a propia biblioteca ten como fondos nos seus andeeis e que abranguen un amplo abano da literatura infantil e xuvenil así coma dous libros esenciais deste escritor de FERROLTERRA relacionados co XOGO POULAR. Por un lando CHIRLOSMIRLOS, xa publicado hai uns anos, e polo outro TASTARABÁS de recente publicación Ambolosdous recompilán un gran número de xogos produto dun gran traballo de investigación deste escritor  referente na recuperación do xogo popular. A exposición está a disposición do alumnado que pode acudir á mesma nos tempos de lecer ou ben organizados nas diferentes titorías do centro. Que a disfrutedes!!!

Poesía con Rosalia

       

Desde a biblioteca realizamos unha programación especial para resaltar a figura de  ROSALÍA. Os actos comezaron o día 24 de febreiro DÍA DE ROSALÍA coa lectura e recitado por parte do alumnado do TERCEIRO CICLO DE PRIMARIA de varias das súas poesías e finalizarán o vindeiro 27 de marzo no que celebraremos conxuntamente o DÍA DA POESÍA  e o DÍA DO TEATRO por estar ambalasdúas dátas conmemorativas moi próximas no calendario. Nesta celebración presentaremos o video elaborado a partir da proposta da ASOCIACIÓN DE ESCRITORAS E ESCRITORES EN LINGUA GALEGA baixo o lema EU SON ROSALÍA PORQUE/ CANDO/...
Ao longo deste mes  todo o alumnado do centro, despois de traballar a figura de ROSALÍA  e a súa obra nas respectivas aulas durante a HORA DE LER e nas clases de L. GALEGA, elaboraron de xeito colaborativo, as frases, os motivos, as ideas, os sentimentos,... de por que cada un de nós é, sentímonos ROSALÍA. E este foi o resultado...Parabéns a todo o alumnado polo traballo ben feito!!!

Xildas

      Recibimos de novo a visita de ANTONIO M. FRAGA, para compartir co CLUB DE LECTURA unha xornada en torno aos trasnos. 

O autor de XILDAS, o primeiro libro publicado deste autor eumés  e exalumno do centro compartiu co alumnado do CLUB as aventuras deste trasno que vive nas fragas. 
Antonio inspirouse nas súas vivencias de cativo en Pontedeume e os seus paseos polas FRAGAS DO EUME para escribir esta historia chea de tenrura e solidaridade que entusiasmou aos seus lectores. 

Foi unha xornada moi grata, chea de sentimentos e lembranzas dos anos de mocidade do escritor. O alumnado prantexoulle  moitísimas preguntas e consideracións sobre os protagonistas e situacións desta historia. 

Grazas Antonio e ata sempre nesta a túa casa!!!

antonio manuel fraga2 - Movie Maker

Día do libro infantil con... Antonio Manuel Fraga.

O pasado día 2 de abril, coincidindo co DÍA DO LIBRO INFANTIL, visitounos o escritor eumés ANTONIO MANUEL FRAGA, recente PREMIO MERLÍN  polo seu libro O CASTAÑEIRO DE ABRIL, libro de narrativa traballado polo alumnado de sexto de primaria no CLUB DE LECTURA , nun ano que o CLUB e a biblioteca quere dedicar á figura deste xoven escritor. Foi unha visita chea de emocións e vellos recordos. Antonio viviu toda a súa infancia en Pontedeume, foi alumno do COUCEIRO FREIJOMIL, e as preguntas do alumnado fixeron aflorar inevitablemente as lembranzas do pasado e as vivencias do presente, pois Antonio segue moi vinculado á terra que o veu nacer. 

O CASTAÑEIRO DE ABRIL foi o eixe deste primeiro  encontro co escritor. O alumnado preguntou e preguntou sobre os protagonistas, sobre o ambiente, as paisaxes, as motivacións,... desgranando todo o libro ata detalles sorprendentes incluso para o propio Antonio. Foi unha xornada inesquecible, chea de reencontros. Grazas Antonio e ata moi pronto que nos visitarás para falar de XILDAS,  o trasno das fragas.

A.Manuel Fraga - Video Maker

Antonio García Teijeiro, Poeta.

O pasado día 26 de marzo, ANTONIO GARCÍA TEIJEIRO estivo no COUCEIRO dentro das XORNADAS, organizadas polo CFR de Ferrol, que leva por título "A LITERATURA INFANTIL E XUVENIL NA BIBLIOTECA ESCOLAR" .
 Falounos, como non podía ser doutro xeito, de poesía. Como mostrar a poesía aos nenos e nenas, como lela, como escribila, como sentila,...onde atopala. E así todos as profesoras e profesoras que traballamos nas diferentes bibliotecas escolares da nosa bisbarra limos, escribimos, recitamos,...construimos poesías, limos adiviñas, e ...ata cantamos!. Foi unha xornada inesquecible rodeados polo poeta que nos fixo dar ..."UN PASEO POLA POESÍA." 

"A poesía é algo que nos acompaña, nos quece...fíltraxe, non se ensina." "A poesía debe entrar nas aulas en VOZ ALTA, sorprender continuamente..." "Debemos partir sempre da poesía popular..."

Constuímos poesía colectiva a partir de ARROLOS, DIÁLOGOS, CANTIGAS,...
Grazas, Antonio por quitarnos o medo á poesía!

A.G.TEIJEIRO - Video Maker

Día da Poesía con ... Rosalía

Outra das actividades no DÍA MUNDIAL DA POESÍA que programamos desde a biblioteca, foi a dedicada a ROSALÍA DE CASTRO.  Presentóuselles ao alumnado o libro-disco ROSALÍA PEQUENIÑA onde a cantante UXÍA SENLLE ponlle a súa voz. A música é sempre un dos mellores vehículos para descubrir e gozar da poesía. Uxía deixanos un feixe de cancións para retratar esa muller que uns chamaron tola e outros santa: a verdadeira ROSALÍA. ROSALÍA PEQUENIÑA, pirata, poeta, aventureira ou fada. ROSALÍA PEQUENIÑA para cantar, para rir, para gozar ou bailar. ROSALÍA DE CASTRO na voz de UXÍA e na voz dunha lexión de cantadeiras e dun nutrido grupo de músicos.



Nós tamén puxémoslle a nosa voz e así quedou o  traballo realizado polo alumnado do centro como homenaxe a  esta pirata, poeta, aventureira ou fada... ROSALÍA DE CASTRO.