CLUB DE LECTURA 4º ED. PRIMARIA. VISITA DE EVA MEJUTO

 Estivemos lendo "Queco e Kika", un libro moi divertido. Hoxe, 27 de maio, estivemos coa autora en Bibliocouceiro e contounos moitos segredos. 

Moitas grazas,  Eva, pola visita e por asinarnos os libros.

Güino.

CLUB DE LECTURA 5º ED. PRIMARIA

 Xa temos data para o derradeiro club de lectura deste curso. O 1 de xuño visitaranos Ramón Caride o autor de "O misterio das zocas".

Güino.

CLUB DE LECTURA 4º ED. PRIMARIA

 O vindeiro mércores 27 de maio recibimos a Eva Mejuto, que traballará co alumnado de 4º sobre o seu libro Queco e Kika. 

Güino.

DÍA DO LIBRO. CLUB DE LECTURA

 O alumnado de 5ºA e co gallo do Día do Libro, gravaron na radio podcast sobre o libro que están lendo para o Club de Lectura; "O misterio de Zocas".

BIBLIO COUCEIRO · Santi e Rafa. O misterio das ZocAS

BIBLIO COUCEIRO · Salvora e Sabela .O misterio das Zocas

BIBLIO COUCEIRO · radio libro carmen e mara

BIBLIO COUCEIRO · Aloia e Sofi libro o Misterio das zocas

BIBLIO COUCEIRO · Leire y Melida o misteri das zocas

Güino.

VISITA DE MARTA VILLAR

 O alumnado de 3º Ed. Primaria, leron o libro "Os peido máxicos de Sultán" e a súa escritora visitounos este xoves 5 de marzo. Foi un club de lectura moi interesante.

Moitas grazas pola túa visita.

Güino.

CLUB DE LECTURA 3ºED. PRIMARIA

 O xoves 5 de marzo, recibiremos a autora do libro "Os peidos máxicos de Sultán", Marta Villar.

Güino.

CLUB DE LECTURA 4ºEP. 26 DE MAIO DE 2025

 O alumnado  de 4º EP  estiveron lendo "ÁNXELA E SPENCER" e hoxe recibiron ao seu autor no "Xardín do Pasatempo". Foi moi interesante o que Carlos Meixide estivo contando sobre o seu libro. 

Anteriormente os nenos e as nenas de 4º traballaron o vocabulario, o resumo ... Deixamos aquí un enlace do blog.

CLUB DE LECTURA 5ºEP. 5 MAIO 2025

 O alumnado de 5ºA  estiveron lendo o libro "MURIEL, CAOS NO LABORATORIO LÁCTEO". Este luns 5 de maio, na "Xardín do Pasatempo" recibimos a súa autora María Canosa. Con ela falaron de diferentes temas que se trataban no libro. Foi moi interesante poder coñecela.

Moitas gracias.

CLUB DE LECTURA 3ºEP. 24 DE ABRIL

  O alumnado de 3º estiveron lendo o libro "PAPÁ CANÍBAL". Este xoves 24 de abril, na Biblioteca recibimos ao seu autor Antonio M. Fraga, antigo alumno do centro. Con el falaron de  como escribiu o libro, dos seus personaxes e outros temas que se trataban no libro. Foi moi interesante poder pasar un momento con el.

Güino.

CLUB DE LECTURA 4º EP. 8 DE ABRIL

 O alumnado de 4º estiveron lendo o libro "A MIÑA AVOA, A MIÑA HEROÍNA". Este martes 8 de abril, na Biblioteca recibimos a súa autora Sabela Fernández Trelles. Con ela falaron de diferentes temas que se trataban no libro. Foi moi interesante poder coñecela.

Güino.

CLUB LECTURA ADULTOS

A AUTORA:

María Oruña (Vigo, 1976) é unha escritora galega que desde pequena visita con frecuencia Cantabria. Alí ambientou ata hoxe a serie de novelas «Os libros do Porto Escondido», todas publicadas en Destino: Porto escondido (2015), un exitoso debut no xénero negro; Un lugar onde ir (2017); Onde fomos invencibles (2018), e O que a marea esconde (2021). En todas estas historias de misterio, os protagonistas son as paisaxes cántabras e o equipo da tenente Valentina Redondo, que se gañou o agarimo de miles de lectores. O camiño do lume é a nova entrega da serie, que se traslada por primeira vez a terras escocesas. É autora tamén do bosque dos catro ventos (2020), o seu primeiro libro independente da saga, ambientado na Galicia natal da autora. As súas novelas foron traducidas ao alemán, ao francés, ao italiano e ao catalán, entre outros idiomas.

Adentrarémonos nunha nova historia da tenente Valentina Redondo e o seu compañeiro Oliver que deciden tomarse unhas vacacións e viaxan a Escocia para visitar á familia de leste. O seu pai, Arthur Gordon, está empeñado en recuperar parte do patrimonio e da historia dos seus antepasados e adquiriu o castelo de Huntly, nas Highlands, que pertencera á súa familia ata o século XVII. Durante a rehabilitación do edificio atopa un diminuto despacho que levaba oculto douscentos anos e nel, documentos que revelan que as memorias de Lord Byron —supostamente queimadas a comezos do século XIX— poden seguir intactas e acharse entre esas paredes. 

A CONTINUACIÓN VOS DEIXO UNHA RESEÑA DO LIBRO,

CLUB DE LECTURA DE TERCEIRO

O alumnado de terceiro vén de rematar o libro "Papá Caníbal" de Antonio Fraga. Trátase dnha novela disparatada, enxeñosa, macabra e tremendamente divertida, na que mesmo poderás escoller o final! Fedora está farta de que o abusón do cole se meta con ela, así que decide asustalo contándolle que o seu pai é un caníbal. O Efebeí, un policía fóra de servizo por non facer nada ao dereito, inicia unha investigación pola súa conta sobre o suposto caníbal para tentar recuperar o prestixio perdido e poder reincorporarse ao traballo. A partir de aquí iníciase un atolado enredo que ten lugar durante a noite do Samaín. 

O mércores 18 de maio Antonio Fraga estivo na nosa escola, encontro có que quedaron encantados. Recibiron os parabéns do escritor ante o seu coñecemento da obra e as apreciacións sobre a mesma .

A seguir lendo!

CLUB DE LECTURA 5º

Por fin volven as visitas presenciais á nosa escola respectando en todo momento, de maneira escrupulosa, as medidas sanitarias que temos previstas no noso protocolo.

O alumnado de 5º de Educación Primaria acaba de rematar o libro de María Canosa "A cazadora de Estrelas" e tivemos a gran sorte de contar coa visita na nosa escola desta autora galega o xoves 22 de marzo. 

No seguinte vídeo atoparedes un resumo da experiencia.

 

CLUB DE LECTURA 5º

Este curso 2021-22 os alumnos de 5º gozaron da lectura do libro de María Canosa "A cazadora de estrelas". O xoves 24 de marzo contamos coa presenza de María na nosa biblioteca.

Falounos das dificultades que teñen os escritores para poder vivir desta disciplina, é por iso polo que Canosa teñen que compaxinar a súa paixón como escritora con outras actividades. Aos alumnos encantoulles que lles asinase o seu libros.

Neste libro María conta a historia de Megumi era unha das mellores cazadoras de estrelas da súa comunidade. As súas frechas trazaban no ceo o debuxo dun arco até cravarse xusto no medio das estrelas pequeniñas e moi brillantes para crear, entón, unha neboeira de luz. Contaba coa magnífica axuda de Turrón, unha egua que galopaba lixeira coma o vento. Sobraban os dedos dunha man para contar as veces que errara no seu tiro. Era unha tiradora infalible. Mais tamén era unha fantástica amazona. Cando baixo o ceo estrelado se pegaba ao corpo de Turrón, as dúas avanzaban coma se fosen un só corpo, diríase que eran un centauro á caza da supernova.

Megumi era unha das mellores cazadoras de estrelas da súa comunidade. As súas frechas trazaban no ceo o debuxo dun arco até cravarse xusto no medio das estrelas pequeniñas e moi brillantes para crear, entón, unha neboeira de luz. Contaba coa magnífica axuda de Turrón, unha egua que galopaba lixeira coma o vento. Sobraban os dedos dunha man para contar as veces que errara no seu tiro. Era unha tiradora infalible. Mais tamén era unha fantástica amazona. Cando baixo o ceo estrelado se pegaba ao corpo de Turrón, as dúas avanzaban coma se fosen un só corpo, diríase que eran un centauro á caza da supernova.

Deixámosvos un resumo fotográfico desta actividade.  Esperamos que vos guste.

Biquiños

CLUB DE LECTURA 6º: VISITA DE ANDREA MACEIRAS

O alumnado de 6º acaba de rematar o Club de Lectura co encontro coa escritora do libro que lles achegou á selva amazónica, "A folla azul", ás súas tribos e aos problemas medioambientais.

     

Andrea é licenciada en filoloxía hispánica e en Filoloxía galega, doutorada na Universidade da Coruña.

Publicou a súa primeira novela, Proxecto bolboreta no ano 2007, tras gañar o I Certame de Micronovela do Concello de Soutomaior.

En 2009 gañou o premio Meiga Moira con Violeta tamurana, publicada o ano seguinte.

En 2012 publica O segredo do lagarto arnal, e un ano despois sae Nubes de evolución, finalista do premio Fundación Caixa Galicia e nomeado mellor libro xuvenil dese ano nos Premios Fervenzas Literarias.

No ano 2014 publica Miña querida Sherezade, obra gañadora do premio Meiga Moira, e ese mesmo ano publica tamén Volverás, golfiño, finalista do Premio Merlín.

Ao ano seguinte, en 2015, gaña o premio Jules Verne con Europa express, obra publicada ese mesmo ano e pouco tempo despois traducida ao inglés. Tamén foi recoñecida como a mellor novela xuvenil nos Premios Fervenzas Literarias.

En 2018 gañou o Premio Lazarillo á creación literaria por Conta nove estrelas, segundo o xurado: "unha obra ben urdida e entramada cunha linguaxe poética con belísimas escenas que te transportan a un mundo galáctico. Unha aposta á imaxinación desbordante e á ciencia ficción”.[1]

Tamén no 2018 queda finalista do Premio Raíña Lupa con O que sei do silencio, publicada ese mesmo ano e traducida ao español en 2020.

En 2020, concedéronlle o premio dos Clubs de Lectura da Consellería de Educación de Galicia como a autora máis lida. E ese mesmo ano, gañou o premio Merlín de literatura infantil con A folla azul, publicada en 2021.

No ano 2021, gañou o XV premio Raíña Lupa de literatura infantil e xuvenil da Deputación da Coruña coa obra Que se me pare o corazón se te esquezo.

En marzo de 2022 gañou o XIX Premio Anaya de Literatura Infantil y Juvenil coa obra Alma de elefante, que verá a luz o 31 de marzo de ese mesmo ano.

Deixámosvos imaxes do encontro.

Comezan os clubs de lectura

 Coa chegada do segundo trimestre empezan no noso colo os clubs de lectura. Este curso desenvolverande en 3º, 4º , 5º e 6º de Primaria. 

Aquí vos deixamos a información inicial de cada un deles:

3º - 4º e 5º de PRIMARIA:

6º PRIMARIA:

Imos comezar o Club de Lectura informándonos sobre a autora do libro que imos ler, Andrea Maceiras, e sobre o que era nos quere transmitir co seu libro " A folla azul". Tamén imos presentarvos a Amazonia ambiente no que se desenvolve a obra e  no que nos imos mergullar semana tras semana.

Biografía da autora.

Preme e escoita o que nos di a autora sobre o libro.

Aquí podes ter máis información sobre a selva amazónica.

Que tal? Ten boa pinta, non é? Pois veña, xa veredes que ben o pasamos compartindo lecturas!!

Encontros nos CLUBS de LECTURA

 Está a rematar  curso e con eles a actividade para finalizar os clubs, a  máis esperada . Aquí vos deixamos o cartaz e imaxes das vídeo conferencias.

Os sextos coñecen a Antía Yañez.

Os cuartos conversan con Fina Casalderrey.

Ledicia Costas fála do seu libro cos quintos.

Fco. Fernández Naval realizou un obradoiro cos terceiros.

Preme e visita o blog de 3ºB

E agora mira o obradoiro cos ollos de 3ºA

CLUB DE LECTURA: "O capitán Maimiño"

 O alumnado de 4º A e 4º B vén de rematar a lectura do libro de Antonio Fraga "O capitán Maimiño", coñeceron ao autor nun encontro virtual co que quedaron encantados e recibiron os parabéns do escritor ante o seu coñecemento da obra e as apreciacións sobre a mesma .

Se visitades o seu blog, premendo na imaxe, poderedes ver a entrada das valoracións de cadaquén sobre "O capitán Maimiño"

Agora están a comezar dentro do seu club de lectura "O misterio dos fillos de Lúa". É un libro de Fina Casalderrey publicado en 1995 pola Editorial S.M. O ano seguinte gañou o Premio Nacional de Literatura infantil e xuvenil de España. Foi incluído na Biblioteca Galega 120 e traducido ao castelán, ao catalán e ao bretón. Tamén, cando teñan a lectura xa máis avanzada recibirán á escritora.

Felicidades e a seguir lendo!!

Información da autora

Información do libro

Comezan os Clubs de Lectura

 Co segundo trimestre chegan ao noso cole as lecturas compartidas dentro dos grupos dos nenos e nenas maiores da escola. Este ano, por mor da pandemia, os clubs realizaranse nas aulas e cos titores e titoras.

 Cando xa teñan o libro ben avanzado, ou rematado, recibirán aos autores e autoras dos libros. Este curso serán encontros virtuais pero o alumnado terá ocasión de compartir co escritor ou escritora as súas dúbidas, opinións, curiosidades sobre as personaxes, a inspiración, a temática. etc.

Dentro deste blog teñen o seu propio espazo, onde colgamos información para a primeira sesión e onde poden colgar as pegadas da vida do club (Fotos, audios, debuxos, escritos, boktrailleres...). Para achegarvos ás  súas entradas do seu blog premede nas imaxes.

Club Lectura 4º

Club de Lectura 5º

Club de Lectura 6º

Club de Lectura "Infamia"

Vén de rematar o club de lectura do profesorado correspondente ao 1º trimestre.
 O alumnado de5º e 6º comezará os seus clubs no 2º trimestre, logo de participar no 1º trimestre no "Club das Letras " e na actividade "Lemos aos máis pequenos e ás máis pequenas". Ambalas dúas actividades continuarán no 2º e 3º trimestre.


 O profesorado leu e compartiu impresións sobre o libro de Ledicia Costas "Infamia". 

Infórmate sobre a autora e a súa obra!

Gran parte dos e das participantes festexaron a lectura compartida cunha actividade realizada co IES "Fraga do Eume";

onde, ademais de compartir as últimas impresións sobre o libro e debater o seu final, probaron o seu coñecemento profundo do mesmo cun bingo titulado" Quen di esta frase";

 ao tempo que degustaban unha cea de Nadal elaborada nos fogóns da Escola de Hostalaría e servida polo alumnado da mesma.

 Xenial coma sempre o IES "Fraga do Eume"!

 E moi bo e ben documentado o bingo temático!  A participación entusiasta das lectoras e lectores fixo desta última sesión un éxito. 

Unha sorte para todos esta lectura  compartida e máis para Antón que levou o gran premio do bingo...

Xa estámos preparando a actividade do 2º trimestre, admítense suxestións!

Noraboa a tod@s!