O alumnado de 6º de EI B viviu con moita ilusión o seu primeiro día de préstamo de libros na biblioteca do colexio, O Xardín do Pasatempo.
Achegáronse á biblioteca con moita curiosidade e entusiasmo, preparados para escoller os seus primeiros libros e gozar da lectura. Ademais, tiveron a oportunidade de coñecer e compartir este momento con Güino, a nosa mascota da biblioteca, que os recibiu con moito agarimo.
Só tedes que ver as súas caras para comprobar o especial que foi esta primeira visita. Foi un día cheo de emoción, ilusión e ganas de levar os libros para casa e comezar a gozar das súas historias.
No hay comentarios:
Publicar un comentario