8 de Marzo, Día da Muller

Preme para acceder a contos e cantigas!

O Día Internacional da Muller conmemorado cada 8 de marzo é recoñecido pola ONU como unha xornada para reivindicar a igualdade e de facer balance sobre a situación das mulleres na sociedade. 

Este curso dentro do PDI o alumnado do centro visitou a exposición polos 750 anos da vila e alí poideron observar as poucas referencias que a historia eumesa fai ás mulleres. 

No noso centro adicamos o 8 de Marzo ás mulleres de Pontedeume, imprescindibles e silenciadas pola historia e imparables nas súa loita por un presente e futuro en igualdade.

• Na nosa biblioteca temos unha escolma de libros de contos e informativos para todas as idades para dar a coñecer mulleres senlleiras do pasado e para formar en  igualdade sen prexuizos de xénero.

• Nas aulas de infantil preparando esta data realizaron marabillosos traballos plásticos sobre a importancia da muller nas súas vidas.

• Nas aulas das nenas e nenos maiores da escola elaboraron de xeito colaborativo un gran mural informando sobre grandes mulleres no pasado e no presente eumés."Eumesas", o mural do 8 de Marzo, preside a entrada do colexio e está aberto a toda a Comunidade Educativa que, de xeito seguro, poderá velo dende a parte exterior, na fachada principal  do centro.Todos e todas poderán coñecer , por exemplo, a María de Andrade e Isabel de Castro, que tendo un   gran  peso  político e cultural na historia son practicamente descoñecidas na actualidade, e moitas outras mulleres do pasado e presente eumés que se encargaron de documentar e dar a coñecer o alumnado   de 5º e 6º de E. Primaria. 

DÍA DE ROSALÍA

 Hoxe celebramos o Día de Rosalía, unha referencia  da literatura galega. Tal día como hoxe, un 24 de febreiro de 1837, nacía en Santiago de Compostela esta importantísima figura que segue marcando profundamente a nosa cultura.

O "Couceiro Freijomil" únese á homenaxe que lle fai toda Galicia cuns marcapáxinas elaborados polo alumnado do centro.  Seguindo a suxestión do E.D.L.G.,cada nena e cada neno  seleccionou uns versos da autora para copialos nunha cara do marcapáxinas, reservando  a outra parte as ilustracións que fan referencia á figura da escritora.

Dentro do PDI "Pontedeume, a nosa vila"  estamos a traballar a nosa localidade, a súa historia, orografía, economía, tradicións...

Desta volta fixámonos na economía; aproveitando os versos de Rosalía de Castro queremos ofrecer todo o noso apoio aos comerciantes eumeses dadas as dificultades que están a pasar ante as restricións debidas á  pandemia.

Hoxe o comercio eumés agasalla á clientela cos marcapáxinas do Día de Rosalía do noso colexio. 

                                                       

Feliz Día de Rosalía!

Entroido medieval:

Xa estamos no tempo de Entroido e mentres preparamos o disfraz inspirado no Pontedeume dos Andrade aló polo medievo para vir disfrazados  o venres, imos collendo marcha cos "Mandadiños de Manolo"

O noso esqueleto Manolo, ano tras ano, vainos guiando por este tempo de Entroido!

 Atendede á indicación de cada día!

 

 

Este Carnaval recrearemos no pavillón un TORNEO MEDIEVAL e para participar é ben vir vestidos á moda do medievo. 

Aquí nestes pergameos vai a invitación ao I Torneo Medieval "Couceiro Freijomil" Animádevos!!

TORNEO E: Infantil , 1º, 2º e 3º1 de E. Primaria:

Invitación para 4º.,5º e 6º de E. Primaria:

Recordade que por mor da pandemia participaremos sen mesturarnos con outras aulas nin no torneo nin no  desfile (este ano será curto, do cole ao pavillón, para garantir a seguridade). 

A festa posterior con sobremesas de Antroido tamén será sen compartir alimentos, cadaquén traerá o seu.

DESFILE E TORNEO:

Lembrade que o xoves, á volta de vacacións, queimaremos o Antroido, así que ide preparando o loito para despedir a festa.

Bo Entroido!

Este ano a "Queima do Antroido" fo certamente distinta, nin viuvas nin viuvos acompañaron ao seu finado. Estabamos nas aulas vendo a queima en directo no noso canal de you tube. Non houbo desfile pero si loito, garavatas e lazos negros simbolizaban a pena polo fin da festa e a despedida ata o ano que vén. Agardamos que o vindeiro Entroido  poidamos levar o cadaleito e acompañar o Antroido mentres cantamos e choramos a súa perda. 

Comezan os Clubs de Lectura

 Co segundo trimestre chegan ao noso cole as lecturas compartidas dentro dos grupos dos nenos e nenas maiores da escola. Este ano, por mor da pandemia, os clubs realizaranse nas aulas e cos titores e titoras.

 Cando xa teñan o libro ben avanzado, ou rematado, recibirán aos autores e autoras dos libros. Este curso serán encontros virtuais pero o alumnado terá ocasión de compartir co escritor ou escritora as súas dúbidas, opinións, curiosidades sobre as personaxes, a inspiración, a temática. etc.

Dentro deste blog teñen o seu propio espazo, onde colgamos información para a primeira sesión e onde poden colgar as pegadas da vida do club (Fotos, audios, debuxos, escritos, boktrailleres...). Para achegarvos ás  súas entradas do seu blog premede nas imaxes.

Club Lectura 4º

Club de Lectura 5º

Club de Lectura 6º

Día da Paz

 

O Programa Mundial de Alimentos da ONU ( WFP, polas súas siglas en inglés) foi elixido gañador  do Premio Nobel da Paz 2020, polos seus esforzos en combater a fame no mundo e, especialmente, en zonas de conflito, "evitando o uso da fame como unha arma de guerra". Con este galardón, o Comité do Nobel "desexa volver os ollos do mundo cara aos millóns de persoas que padecen ou enfrontan ameázaa da fame". "Ata que chegue a vacina [de coronavirus], a comida é a mellor vacina contra o caos", afirmou o Comité Noruegués do Nobel no seu anuncio este venres en  Oslo.

Este curso  co gallo do Día da Paz no noso colexio colaboraremos co Banco de Alimentos Rías Altas, zona de Ferrol, para facer chegar ao noso alumnado o galardón recibido por WFP e sobre todo a importancia da solidaridade sempre, e máis nos tempos dificiles que estamos a vivir.

O vindeiro venres, 29 de xaneiro, nas entradas do cole haberá unhas caixas da O.N.G. onde recolleremos alimentos non perecedoiros e precociñados tales como atún, garavanzos, lentellas, leite, galletas, aceite de oliva,…Todas as familias interesadas achegarán a súa doazón a través das súas fillas ou fillos que a depositarán ao entrar na escola (as familias de E. I. poden depositar os alimentos os adultos que acompañen ás crianzas).

Para a conmemoración desta data nas aulas dende o "Xardín do Pasatempo" achegamos unha escolma de libros dos nosos fondos para o empréstito de aula ou individual .

 Ademais aquí vos deixamos estoutras suxestións para traballar nas aulas.

Preme para ver actividades complementarias ao vídeo.

Grazas pola vosa sempre entusiasta participación.

 Agardamos que o vindeiro Día da Paz a situación no mundo e na nosa vila teña mellorado e poidamos conmemorar esta data dun xeiro máis próximo.

Neste Nadal: agasalla soños, agasalla libros!

Un ano máis chega o tempo de inverno e con el o tempo de estar na casa ao abrigo. Este ano ademais de abrigarnos do frío e dos temporais toca gardarnos da pandemia que aínda se resiste a deixar a nosa vila, polo que teremos máis tempo para estar na casa e soñar co mil e un mundo que nos agardan nos libros.

Güino recoméndanos: libros de misterio, de aventuras, de fantasía...; en galego, castelán, inglés e francés; libros para  os máis pequenos e para os maiores. Libros para toda a familia que xa enchen o moble de novidades da nosa biblioteca para que lles poidades botar un ollo antes de pedilos como agasallo nestas festas.

Cada aula poderá miralos no noso "Xardín do Paastempo" , sempre presentándoos o titor ou titora na súa hora de biblioteca ou  ben achegar a mestra ou o mestre os libros que vaia presentar ás aulas. 

Preme nas imaxes para ter máis información dos libros para os clubs de lectura de 4º, 5º e 6º de Primaria.

Club lectura 4º

Club de Lectura 5º

Club de Lectura 6º

Aquí vos deixamos as ligazóns a outras actividades de Nadal. As panxoliñas non puidemos cantalas pero si bailalas, podedes ver a da cada grupo e ata as dos profes premendo na imaxe.O EDLG coa colaboración de todas as aulas de E.P. e 6º de E.I. agasallou a todos e a todas cos xa clásicos almanaques de peto, este ano adicados a "Pontedeume, a nosa vila". Visitade o seu blog facendo clic na 2ª foto.

Boas Festas e Feliz Aninovo!

              

Novidades do proxecto:

Dende esta  fiestra podemos achegarnos ás diferentes aulas do cole e compartir todas as pescudas, as vivencias e os coñecementos dos diferentes grupos.

Os máis pequenos de Primaria aproveitando a proposta do EDLG recolleron ditos e refráns propios da nosa contorna sobre os magostos e o xogo do peón, incorporándo esta recompilación ao traballo por proxectos. Ollade premendo na imaxe canto traballaron.

 

O alumnado de 4º realizou unha  Exposición On line  de  "Maquetas " de diferentes versións que fixo o alumnado da "Ponte de Pedra" ou "A Ponte de Ferro" para manifestar o noso orgullo polas pontes que tanto nos identifican como vila.  Preme na imaxe e infórmate!

As nenas e nenos de 5º están a traballar no medievo en Pontedeume e sentíronse poetas. Crearon, imitando as cantigas medievais,  versos e estrofas que falan de Pontedeume. Logo recitaron e gravaron para que poidamos escoitalar as súas cantigas.

Preme para escoitalas!

Así imos chegando  ao remate deste trimestre e axiña recibiremos, de mans do Concello, uns marabillosos libros para coñecer e colorear os edificios e recunchos máis significativos da nosa vila. Seguro que en xaneiro aproveitarémolos para as diferentes actividades nas aulas. Aquí tedes unhas imaxes para abrir boca!

Seguiremos informando!

Novidades de "Produción Propia"

 

 O Equipo de Dinamización da Lingua Galega (EDLG)  coordinou a elaboración de materiais das diferentes festas do outono.

 Froito da esperiencia e da pescuda nas diferentes aulas naceron os libros que xa están no revisteiro de "Produción Propia" da nosa biblioteca achegados polo EDLG.

Para ista actividade na que colaboramos todo o alumnado e profesorado do centro, dividimos o traballo en ciclos: en Educación Infantil elaboraron uns cadernos con ilustracións sobre o peón (3 anos), o Outono (4 anos) e os nenos e nenas de 5 anos fixeron un debuxo sobre un conto de medo. No primeiro ciclo de Educación Primaria traballaron sobre refráns e ditos relacionados co peón. O segundo ciclo sobre a tradición e orixe do Magosto, e os alumnos e alumnas do terceiro ciclo elaboraron contos de medo.

Ollade os vídeos, elaborados polo euipo das TICs, coa presentación dos diferentes volumes. Están xenial cheos coas diferentes vivencias das festas do tempo do outono.

Moitas grazas a todos e a todas pola vosa participación e  ao EDLG pola súa valiosa achega .