A celebración desta festa comeza coa aportación das familias dos elementos ornamentais (verde, flores, laranxas,...) que van formar parte do maio.
O xoves 28 de abril comezou o traballo e os maios comezaron a encherse de verde, fiuncho, xestas, tuias... cubriron os armazóns.
O venres completouse o traballo coas distintas flores, laranxas bravas, ovos...
Neste gran traballo colaboramos, man a man, alumnado, mestres e as familias.
Grazas a todos eles este ano elaboramos 3 maios, un en Infantil, "O Maio Colorido", un no 1º e 2º ciclo de primaria "A galiña choca", e outro no 3º ciclo de primaria, "O Maio en flor".
Nos días previos as diferentes aulas céntranse na elaboración das cantigas que acompañarán aos maios. As cantigas do maio teñen unha letra orixinal e a música pode ser orixinal ou adaptada de composicións populares.
Cando xa está todo rematado, celébrouse un desfile no colexio coa interpretación das cantigas.
Pero a festa non remata aquí, continúa coa participación, o 1 de maio, na vila xunto cou outras asociación e agrupacións na festa organizada polo concello.
O alumnado do 3º ciclo saíu a rúa pola mañá co seu Maio Florido, acompañadas polos seus mestres, para encher a vila de cor, música e ledicia!
Xa pola tarde, alumnos, familias e mestres acudiron ao centro para levar os nosos maios pola vila e chegar ao concurso do Concello, onde acadamos dous 3º premios!!
Parabéns a tod@s!!!
