Como o Día do Libro este curso coincidiu coas Eumeolimpiadas, tivemos que trasladar a actividade do apadriñamento lector ao mes de maio. Os padriños e as madriñas foron a recoller a clase aos seu afillados e afilladas para acompañalos ata o xardín do cole onde ... contaron os contos sentados na herba!!! Foi moi divertido!!!
Noraboa a todos e a todas pola participación e colaboración para que quedase unha marabillosa actividade.
Güino.
O alumnado de 5ºA estiveron lendo o libro "MURIEL, CAOS NO LABORATORIO LÁCTEO". Este luns 5 de maio, na "Xardín do Pasatempo" recibimos a súa autora María Canosa. Con ela falaron de diferentes temas que se trataban no libro. Foi moi interesante poder coñecela.
Alumnado do C.E.I.P. Couceiro Freijomil, por fin podemos realizar unha actividade moi chula no xardín do centro. Aquí deixo a información necesaria para poder realizala o vindeiro 6 de maio.
O alumnado de 3º estiveron lendo o libro "PAPÁ CANÍBAL". Este xoves 24 de abril, na Biblioteca recibimos ao seu autor Antonio M. Fraga, antigo alumno do centro. Con el falaron de como escribiu o libro, dos seus personaxes e outros temas que se trataban no libro. Foi moi interesante poder pasar un momento con el.
Güino.
Achégase o 23 de Abril e como cada ano Güino ten preparadas actividades.
Xa saberedes doutros anos, mais nunca está mal lembrar, a razón da celebración nesta data e non doutra calquera, xa que calquera día e bo para festexar a lectura.
A UNESCO decidiu celebrar conxuntamente o Día do Libro e dos Dereitos de Autor atendendo á casualidade de que a morte de Cervantes (o 23 de abril de 1616) se correspondía coa data do aniversario do nacemento e morte de William Shakespeare. Ese mesmo día tamén se conmemora a morte do primeiro escritor mestizo, Garcilaso de la Vega.
O alumnado de 4º estiveron lendo o libro "A MIÑA AVOA, A MIÑA HEROÍNA". Este martes 8 de abril, na Biblioteca recibimos a súa autora Sabela Fernández Trelles. Con ela falaron de diferentes temas que se trataban no libro. Foi moi interesante poder coñecela.
Güino.
Como remate do segundo trimestre decidiuse interpretar o LITERARIOFEST para a comunidade educativa do centro.
A tarde do 3 de abril, o "Xardín do Pensamento", converteuse nun lugar de conto onde a gran narradora Vero Rilo impartiu un obradoiro moi interesante no que participaron nais e mestras do Couceiro. Foron 90 minutos moi divertidos, onde aprendimos a contar e contamos historias que non deben quedar no olvido.
Moitas gracias a Vero por acompañarnos neste día.
Güino.
O 3 de abril levarase a cabo un obradoiro de narración oral para as familias impartido por Vero Rilo. Deixo aquí a vosa invitación. Apuntádevos!!
