LECTURA ÁS ESCURAS

Novamente chega o TEMPO DE SAMAÍN.

Cando os días son cada vez máis curtos e escurece cedo, é hora de ir na busca dunha cabaza e coa axuda dos adultos tallala para facer unha caveira terrorífica.

Este venres,28 de outubro, traédea  ao cole:

Cal será a máis espantosa, a máis grande, a máis orixinal, e a máis pequecha?

Sen dúbida teremos unha exposición moi surtida e variada que deixaremos  nos corredores para meterlles medo a todos os que pasen pola nosa escola.

Ollade como podedes facela, sempre coa axuda dos maiores!

Estades a facer un colar de zonchos para o Día de Todos os Santos? Logo na rúa podedes convidar dicindo:

                                                                    "Teño un colar                            

                                                                       cheiño de zonchos,    

                                                                    douche un, 

                                                                        que teño moitos"

Para celebrar o Samaín na nosa escola Gúino vos propón a Lectura ás escuras no momento lector.

Nos corredores atoparedes unha exposición con algúns dos libros que temos nos andeis da nosa biblioteca para que botedes unha ollada.

Ademais Güino vos deixou un libro para cada aula, por se queredes lelo na lectura ás escuras.

A pasalo ben!! Feliz Samaín!!