ACHÉGASE O SAMAÍN

 Como o Samaín estase achegando, xunto coas mochilas viaxeiras deixei nos corredores as caixas terroríficas. Están cheas de libros de medo ... uuuuuuuu.

Subido no carro cheguei as vosas clases.

Foi moi divertido e emocionante visitaros. Güino.

24 DÍA DAS BIBLIOTECAS

Aquí deixo o cartel deseñado para  este día.

Nós quixemos conmemorar esta celebración iniciando coa actividade das MOCHILAS VIAXEIRAS. Serei eu, o encargado de repartirlas aula por aula.

Güino.

XA COMEZARON A VIAXAR AS MOCHILAS

Xa iniciamos coa actividade das Mochilas Viaxeiras.

No seu interior hai libros en galego, en castelán, en inglés e algún en francés. Tamén levan revistas e xornais. Como sempre van acompañados dun caderno para que o alumnado poida debuxar o escribir o que máis lle gustou e unhas normas de uso.

ENTREGA DE MOCHILAS VIAXEIRAS E PRESENTACIÓN PDI

Preparamos un horario para que o alumnado de cada aula poida pasar a recoller a Mochila Viaxeira e así comezar o seu préstamo.

Aproveitamos este momento para presentar o PDI deste curso "MERGÚLLATE NA CIENCIA".

Xa vos contarei que ben o pasamos.

MOCHILAS VIAXEIRAS

E despois de dous cursos retomamos a actividade das mochilas viaxeiras. Güino envióunos unha invitación para baixar ao "Xardín do Pasatempo" e recollelas. E o 4 e o 5 de outubro o alumnado de Infantil e Primaria baixou a recollela.

XA ESTÁN AQUÍ OS MALETÍNS VIAXEIROS

O xoves 14 de outubro e o venres 15 repartíronse os maletíns viaxeiros deste curso 2021-22. 

Non vos podedes imaxinar a alegría que sentín ao escoitar os vosos berros de ledicia cando entraba polas portas das vosas aulas!

Lembrade que os maletíns viaxeiros favorecen que a nosa biblioteca escolar entre en  contacto coas familias nunha actividade que pretende a súa colaboración na vosa formación como lectores e lectoras máis novos.

Espero poder ver os vosos debuxos e suxestións nos cadernos que van dentro dos maletíns, que como poderedes comprobar teñen unha nova imaxe para que coloreedes as páxinas ao voso gusto.

Nesta entrada déixovos algunhas fotos desta actividade.

O voso amigo Güino.

Chegaron os "Maletíns Viaxeiros"

 Un curso máis, e xa van moitos dende que comezaron a súa andaina no ano 2009,  as MOCHILAS volven viaxar ás casas dos nenos e nenas do Couceiro. 

A mochila viaxeira permite á biblioteca escolar o contacto coas familias nunha actividade que pretende a súa colaboración na formación dos lectores e lectoras máis novos.

Nenas e nenos son os embaixadores da biblioteca nas súas casas e comparten cos seus, grandes e pequenos, os libros, as revistas, a música cos que a mochila vai cargada.

Este ano en forma de" Maletíns Viaxeiros".

  

 A pandemia obriga a tomar as máximas medidas de precaución por iso cambiamos as mochilas por matetíns dun material máis fácil de desinfectar e ademais temos dous maletíns por aula. Cada semana viaxa  un mentres o outro queda en "corentena".

Durante os pasados días os membros do EQUIPO DE BIBLIOTECA traballaron arreo para ter listos, o máis axiña posible, os maletíns. 

Todos van cheas de libros, revistas, música,... para encher o tempo de lecer coas vosas familias. 

Cada maletín contén información para as familias, normas, contidos e un CADERNO VIAXEIRO no que o alumnado poderá debuxar, facer comentarios ...

Por último, as familias tamén poderán realizar os comentarios e suxestións que consideren oportunas nun apartado dentro do caderno. 

Lembrade, unha folla do caderno por nen@. 

Rematando o curso!

Boas "couceiristas"!

Xa se achega o fin de curso. Este ano, máis que nunca, merecedes un bo verán logo deste tempo tan duro de confinamento e teletraballo.

Antes de despedirnos precisamos que nos axudedes en dúas cousas:

• Por favor, o alumnado de 3º a 6º  e o profesorado, podedes botarnos unha man para valorar o funcionamento da biblioteca neste estraño curso? Si? Pois cubride a  enquisa correspondente ao voso grupo. Premendo as imaxes podedes facela só unha vez entre o 8 e o 12 deste mes. 

• E todos e todas, dende os máis pequenos de E. Infantil ata os máis vellos de E. Primaria, lembrade traer os libros que leváchedes como préstamo da biblioteca o día que veñades á escola a recoller o material. Os que teñades as "Mochilas Viaxeiras" debedes achegalas ao colexio. Por seguridade puxemos os mobles de devolucións na entrada principal para que deixedes os libros.

                                

Lede as instrucións!

Por último, Güino desexa que proveitades este tempo de verán para pásalo moi ben. Tédelo merecido, especialmente este ano logo dun curso tan duro. Gozade da natureza, das amizades, do deporte… E adicarlle tempo á lectura que vós levará a mil e un lugar. Aquí tedes as súas recomendacións!













Moitas grazas pola vosa colaboración sempre na vida do noso "Xardín do Pasatempo" e parabéns pola vosa participación nas actividades propostas dende que se decretou o confinamento.

                                              ATA O CURSO QUE VÉN!

Lendo en familia coas "Mochilas Viaxeiras".

A "Mochila Viaxeira" permite á biblioteca escolar o contacto coas familias nunha actividade que pretende a súa colaboración na formación dos lectores e lectoras máis novos.

Nenas e nenos son os embaixadores da biblioteca nas súas casas e comparten cos seus, grandes e pequenos, os libros, as revistas, a música cos que a mochila vai cargada.

O equipo do "Xardín do Pasatempo" escolleu os libros máis novidosos, aqueles que coidamos poden mellor acompañar o lecer das familias que len xuntas. Libros con música, de produción propia, de realidade aumentada, da temática do PDI... Libros en galego, mais tamén en castelán, francés e inglés.

Recordade que cada mochila contén información para as familias, normas, contidos e un CADERNO VIAXEIRO no que o alumnado poderá debuxar, facer comentarios ...

Por último, as familias tamén poderán realizar os comentarios e suxestións que consideren oportunas nun apartado dentro do caderno. 

Lembrade, unha folla do caderno por nena ou neno.

Onte, 1º de outubro, un neno ou nena de cada aula de Primaria baixou á biblioteca onde Güino pola mochila da súa clase.

Hoxe foi o Equipo dos Axudantes de Güino o que achegou as "Mochilas Viaxeiras" ás aulas de E. Infantil.

 

Recordade que cada mochila contén información para as familias, normas, contidos e un CADERNO VIAXEIRO no que o alumnado poderá debuxar, facer comentarios ...

Por último, as familias tamén poderán realizar os comentarios e suxestións que consideren oportunas nun apartado dentro do caderno. 

Lembrade, unha folla do caderno por nena ou neno.

Que gocedes da viaxe!!!

Viaxan as Mochilas

A mochila viaxeira permite á biblioteca escolar o contacto coas familias nunha actividade que pretende a súa colaboración na formación dos lectores e lectoras máis novos.

Nenas e nenos son os embaixadores da biblioteca nas súas casas e comparten cos seus, grandes e pequenos, os libros, as revistas, a música cos que a mochila vai cargada.

 As familias poden realizar suxestións ou contar a experiencia de lectura compartida no caderno que achegamos en cada mochila.

O equipo do "Xardín do Pasatempo" escolleu os libros máis novidosos, aqueles que coidamos poden mellor acompañar o lecer das familias que len xuntas. Libros con música, de produción propia, de realidade aumentada... Libros en galego, mais tamén en castelán, francés e inglés.

 A experiencia é positiva ano tras ano, pero o éxito ten un par de claves:

•  Boa selección de contidos.
• Nada de imposicións. En materia de lectura, o encantamento dá mellores resultados.

Nesta montaxe podedes ver o primeiro día desta actividade, cando se presentan e reparten ao afortunado ou afortunada que leva a mochila a primeira semana. 

En marcha!!!

Xa temos a biblioteca funcionando a tope:

Cada grupo accedeu por primeira vez para coñecer as novidades deste curso e lembrar as normas de outros anos:

• Houbo cambios na sección de audiovisuais.

• Temos un novo revisteiro, máis amplo o que permite unha mellor estruturación e visión de xornais e revistas.

                                     

• A sección de Publicacións Propias tamén ampliou o seu espacio.

• E por último, xa temos "marcasitios", utilizaranse durante o tempo de recreo, para entre tod@s facilitar o traballo dos "Axudantes de Güino" e que a nosa biblioteca permaneza o máis ordenada posible.

O alumnado de 5º de Primaria formou 5 grupos de voluntariado para cada día axudar a Güino na labor de mantenimento e dinamización do "Xardín de Pasatempo". Aquí os tedes o primeiro día posando cos seus petos logo de dúas sesións nas quecoñeceron as tarefas que terán que realizar ao longo do curso.

 Eles e elas son os "Axudantes de Güino"

 . Cada día en grupos de 7 ou 8 nenos e nenas mirarán logo do recreo polo coidado da nosa biblioteca.

Outros días axudarán a Güino a repartir mochilas, achegar maletas, presentar diferentes actos da biblioteca...

Moito ánimo para tod@s e grazas pola vosa colaboración!