sábado, 25 de diciembre de 2021

BIBLIOTECA INCLUSIVA

Rematamos esta primeira avaliación aumentando os fondos bibliográficos da nosa biblioteca inclusiva. No seguinte PDF atoparedes información sobre a mesma.

Bo Nadal!

jueves, 16 de diciembre de 2021

LEANDRO LAMAS NO NOSO PDI+ARTE

O alumnado de primeiro e segundo queren traballar cadros do artista galego Leando Lamas.

Desde 1998 dedicado ao mundo da pintura, realizou exposicións principalmente en Galicia, aínda que tamén participou en exposicións en España e Portugal.

Algúns dos lugares nos que expuxo a súa obra son Galerías Sargadelos de Ferrol e Lugo, Galería  Visol en Ourense, Auditorio  Ceutí en Murcia…

Ademais da realización de cadros, o seu traballo esténdese a outras obras como murais, ilustración, etc.

Os nenos e nenas de 1ºB traballaron catro cadros do pintor galego Leandro Lamas, seguindo a parte de ARTE do noso PDI, e a gañadora foi Olivia Ruíz Pérez, de 6 anos de idade, que traballou esta muller embarazada, seguindo o orixinal, cun grande acerto e un enfoque artístico marabilloso. 



Nos andeis da nosa biblioteca atoparedes libros ilustrados por Leandro, seguro que vos soan xa que este autor ten unha forma moi orixinal de debuxar e as súas ilustracións están cheas de cor.
Espero vervos pronto na nosa biblioteca!





martes, 14 de diciembre de 2021

PDI + ARTE NO PRIMEIRO TRIMESTRE

Ao longo deste primeiro trimestre os nenos e nenas de 6º de primaria e a través de  3 pintores impresionistas: Pissarro, Monet, e Sargent, e do modernista Klimt estamos elaboraron catro  cadernos en cada clase. Cada grupo (4, 5 ou 6 compoñentes) analiza o artista, a súa obra e época, o uso da cor e tamén a partir da observación do cadro escollido. O seu obxectivo ñe  crear na segunda avaliación pequenas obras literarias traballando tanto o xénero dramático como a prosa  e a lírica. E achegarse a eses dous movementos artísticos noutras artes:

Ao remate desta tarefa terán en cada aula catro albumes sobre os autores e a súa obra, que pasará a formar parte das nosas producións propias  logo de presentala ao resto da escola.

Se queredes saber máis podedes visitar o blog de sexto. Deixo o enlace ao mesmo.

BLOG SEXTO








jueves, 2 de diciembre de 2021

RECOMENDACIÓNS NADAL

 

Un ano máis chega o Nadal, unha época de ledicia, de festas, lecer... e desexos!

Sabemos que estaredes escribindo as cartas aos Reis Magos, a Papá Noel ou ao Apalpador, e para que poidades incluir nelas algúns libros e contos, o equipo de "BiblioCouceiro" preparamos unhas recomendacións que cremos que vos gustarán moito!

Podedes coller un tríptico aos pés de Güino!







Durante estes días estarán expostas estas recomendacións na biblioteca para que poidades botarlles unha ollada.






Neste trítico atoparedes as recomendacións para este Nadal.









domingo, 28 de noviembre de 2021

25- N: A ÁRBORE DO RESPECTO DO CEIP COUCEIRO FREIJOMIL, DEIXANDO AS NOSOA PEGADA CONTRA A VIOLENCIA DE XÉNERO.

Fixemos unha sinxela actividade que nos permitiu usar unha vez máis as fantásticas instalacións da nosa escola, conretamente a nosa biblioteca escolar que se encheu de pegadas contra a violencia de xénero. O resultado final quedou moi bonito e agora está colocado na entrada da nosa escola, para que toda a  comunidade educativa vexa o noso traballo contra a violencia todos e cada un dos días que veñan ao cole.





















Na clase das vaquiñas ademais estiveron a facer diferentes actividades. Traballaron co conto palabras con corazón. No seguinte vídeo podedes escoitar este conto tan bonito.

Se premedes nos seguintes enlaces atoparedes un resumo fotográfico dalgunhas actividades que estiveron a desenvolver nas aulas.

BLOG DE PRIMEIRO

Enhoraboa a todos e a todos polo traballo.


domingo, 21 de noviembre de 2021

25N A ÁRBORE DO RESPECTO, DEIXANDO A NOSA PEGADA CONTRA A VIOLENCIA

O vindeiro xoves 25 de novembro celebraremos o Día contra a violencia de xénero.

Reivindicaremos a loita contra esta violencia construíndo entre todos e todas unha simbólica árbore empoderando o respecto e os valores cívicos.
Tentaremos achegar o noso granito de area á loita contra a violencia e a nosa defensa do empoderamento do respecto pola igualdade de xénero. Para elo, construiremos entre tos e todas unha bonita árbore formada polas pegadas dos nenos, nenas e mestres e mestras do CEIP Couceiro Freijomil.
Para poder traballar ao longo desta semana atoparedes moitísima información na rede e nos andeis da nosa biblioteca ademais  achégovos algunhas suxestións por se fora do voso interese.
Bicos de Güino. 









SuperLola A superheroína que máis mola.


Contos para tratar a violencia de xénero cos vosos alumnos e alumnas.











miércoles, 17 de noviembre de 2021

MANIFESTO DO PEÓN E MAGOSTO

Estes días tivemos na biblioteca unha exposición que acompañaba ao Manifesto do Peón. Nela atopáchedes unha recopilación de traballos de elaboración propia que fixeron alumnado do cole. Recollín en  imaxes o resultado.










A continuación  vos deixo un vídeo que fixeron os mestres e mestras que pertencen ao Equipo de dinamización das TICs do noso cole, nel recollen as diferentes actividades que desenvolvimos ao longo destes días. Espero que vos guste.  
O voso amigo Güino.







lunes, 8 de noviembre de 2021

TRABALLOS DE INVESTIGACIÓN 5º E 6º: OUTONO

Os alumnos e alumnas de 5º e 6º levaban un tempo traballando sobre distintos temas relacionados co outono: Samaín, Peón,  Outono ou  Cogumelos. Tamén fixeron nas áreas de inglés e francés diferentes investigacións sobre Hallowen.

Xa podedes gozar da exposición que atoparedes no segundo andar do cole. Os vosos compañeiros e compañeiras esperan que aprendades moitas cousas a través dos seus traballos.

O voso amigo  Güino.








jueves, 4 de noviembre de 2021

CARTEL PDI 2021-22

Como sabedes o venres 22 de outubro participastes nunha votación na que decidiades o tema sobre o que traballaredes os próximos meses. E o tema gañador foi ARTE.
Despois duns días de reflexión aquí déixovos o cartel do noso PDI.
Espero que vos guste.
Güino



 

lunes, 1 de noviembre de 2021

SAMAÍN DO COUCEIRO

Xa temos a videomontaxe da festa do Samaín no noso cole. 

Parabéns pola vosa participación que axuda a manter as nosas tradicións.

Güino














XA TEMOS PDI

Como sabedes este ano o tema do noso PDI de centro escolliádelo vós, alumnos e alumnas do cole.

Nunha votación moi rifada o tema elixido é.....

ARTEEEEE.

Agora en cada clase decidiredes que aspecto vos interesa traballar deste tema  tannn interesante.
No seguinte vídeo o equipo  TICs do centro resumiu todo o proceso. Espero que vos guste.
Güino.








 

ACRÓSTICO DO OUTONO

Dende o Equipo de Dinamización da Língua Galega propuxéronnos facer un acróstico, unha composición poética ou normal na que as letras iniciais de cada verso ou oración, lidas en sentido vertical formarán o nome de cada neno ou nena, e en sentido horizontal falarán do outono.

Posteriormente queremos facer un libro de produción propia do que  poderedes gozar na nosa biblioteca.

Un  acróstico é unha composición poética na que a primeira letra de cada verso forma unha frase ou nome cando se agrupan en vertical. As palabras reveladas evocan a imaxe literaria, o concepto ou a dedicatoria do poema.

A expresión deriva das palabras gregas  àkros, que quere dicir 'extremo' e  stikhos, que quere dicir 'liña ou verso'. Aínda que o termo  acróstico restrínxese a esta noción, existen variacións que se tamén popularizaron: o  mesóstico, que leva as letras da palabra ou frase crave no medio, e o  teléstico, que as leva ao final.

Tamén existe o  acróstico alfabético que, como o seu nome indícao, forma cada verso para partir unha letra do abecedario, seguindo a orde convencional do mesmo.

Aparentemente, o  acróstico puido ter a súa orixe na antiga Grecia, de onde tomaría o seu nome. Con todo, hai quen sosteña que se orixinou na literatura  provenzal.

Os  acrósticos fixéronse moi populares na lingua castelá a partir da publicación da traxicomedia A Celestina, atribuída a Fernando Vermellas e escrita cara a finais do século  XV. Isto débese a que o autor incluíu un preámbulo escrito en  acróstico.

Enhoraboa a todos e a todas polo resultado. O podedes ver no seguinte vídeo.

Güino



domingo, 24 de octubre de 2021

XA ESTÁ AQUÍ O SAMAÍN

O vindeiro venres 29 de outubro celebraremos o Samaín no cole. Traede as vosas cabazas

Aquí vos deixo unhas suxestións para facer a vosa propia cabaza.




Halloween, Samaín ou Todos os Santos, as celebracións arredor do primeiro de novembro veñen de antigo e chegan ata nós máis ou menos transformadas. Na súa versión máis profana ou xa cristianizadas, todas teñen unha orixe común nas culturas indoeuropeas, que festexaban arredor desta data a fin do verán e, con iso, o comezo dun novo ciclo agrícola e tamén dun novo ano, que nacía coa estación escura. Neses días de transición, os espíritos dos mortos andarían entre os vivos, mellor ou peor recibidos. E desa crenza precisamente derivan moitos dos ritos que se manteñen aínda hoxe.

Despois de séculos de reciclaxe festeira os costumes iniciais indoeuropeos mesturáronse con outros achegados polos romanos e mesmo se lles superpuxo, co tempo, a celebración instaurada pola Igrexa para venerar todos os santos dunha vez. O resultado foi que o sentido da celebración orixinaria se perdeu en boa parte de Europa mais si que se mantivo no esencial no chamado espazo celta. Desde alí, da man dos emigrantes irlandeses, saltou no século XIX ata América, onde curiosamente estes ritos pagáns se popularizaron baixo unha denominación, Halloween, procedente da expresión escocesa All Hallows’ Eve (‘a véspera de Todos os Santos’), que botaba un pouco de verniz cristián para camuflar calquera alento druída.

E por fin, desde os Estados Unidos, e convertido xa máis ben nunha festa de disfraces, o Halloween espallouse a moitos outros países. Entre nós, percibíase certa resistencia a copiar esta moda en principio tan allea pero tamén xurdiu a reivindicación de que aquí, tempo atrás, ese día tamén se andaba metendo medo con cabazas arrepiantes ou con nabos, nos menos dos casos. E, xa que se trataba de volver ás orixes indoeuropeas, recuperouse tamén o nome que se lle daba a este rito na cultura celta: samaín, resultado de combinar no irlandés antigo sam ‘verán’ e fuin ‘fin’.

Do Halloween dos norteamericanos ou do Samaín céltico hai quen di que tan inventado, entre nós, é un coma outro, xa que non hai referencias históricas que aboen a súa autenticidade. Sexa como for, o que resulta innegable é o éxito da proposta, cando menos para as grandes superficies e centros de ocio infantil.

Información obtida do seguinte enlace  https://portaldaspalabras.gal/lexico/mira-que-din/samain/

No seguinte vídeo tedes algunhas claves para distinguir o Samín do Hallowen.


En resumo:

No Samaín,celébrase unha festa que comparte a súa orixe co Halloween estadounidense. Porén, non son a mesma tradición e podémolas diferenciar coas seguintes claves:

1) No Samaín non todo son cabazas, senón que aquí usamos máis produtos agrícolas: os melóns, os nabos e incluso as patacas grandes. 

2) No Samaín non existe o 'Truco ou trato'... iso é máis ben cousa dos Estados Unidos.

3) O Halloween baséase no medo porque os espíritos dos que se fala son malignos. Todo o contrario ao Samaín: os espíritos son bos porque nesta tradición recordamos os familiares mortos.

4) En canto á procedencia dos nomes, Halloween vén de All Hallows'Eve, que significa 'véspera de Todos os Santos'. Samaín, pola contra, vén da palabra coa que os celtas se referían a un período de tempo: a fin do verán e das colleitas e o comezo dunha estación escura.

5) Existe outra gran diferenza: nos Estados Unidos non é necesario organizar nada polo Halloween porque todos o celebran. Non ocorre o mesmo co Samaín porque a nosa tradición se mesturou algo coa estadounidense. Toca agora recuperar a súa identidade.





Esta semana que empezamos centrará os actos do Samaín na nosa escola:

  • Na Hora de ler de cada día leremos libros da selección de contos realizada polo equipo da biblioteca escolar.Aquí vos deixamos un vídeo resumo dalgunhas das publiccións que hai na biblioteca a vosa disposición.


  • O venres, na Hora de Ler á luz das caveiras e das lanternas leremos ás escuras como todos os anos nos aconsella Güino.



  • Na exposición poderedes atopar moitos contos de medo, como por exemplo, este de Carabuñas.


  • E toda boa  festa vai acompañada de música e baile e o noso Samaín non ía ser menos, a pasalo ben!!! Respectando a distancia social e coa máscara! Xunt@s conseguirémolo!!
Escoitade estas cantigas, menudo Samaín marchoso!










EXPOSICIÓN PDI

Os proxectos documentais integrados (PDI) son actividades nas que o alumnado, ademais de investigar sobre un tema ou problema concreto, familiarízase cos mecanismos de procura de información e traballo intelectual empregando para iso os recursos documentais da Biblioteca Escolar.

Son proxectos porque se desenvolven mediante unha metodoloxía activa e colaborativa para desenvolver competencias básicas. Son documentais porque a partir dos documentos que atesouran as nosas bibliotecas escolares axudan a que o noso alumnado constrúan o seu coñecemento, sexan creativos e capaces de comunicar o que entenden. Por fin, son integrados porque ademais permiten integrar aprendizaxes de diferentes disciplinas e serven para achegar o mundo escolar á vida corrente.

Dende a biblioteca ampliamos os nosos fondos bibliográficos buscando libros dos tres temas que os nenos e nenas votaron o 22 de outubro.

Aquí vos deixo un vídeo resulo.

Güino



domingo, 17 de octubre de 2021

XA ESTÁN AQUÍ OS MALETÍNS VIAXEIROS

O xoves 14 de outubro e o venres 15 repartíronse os maletíns viaxeiros deste curso 2021-22. 

Non vos podedes imaxinar a alegría que sentín ao escoitar os vosos berros de ledicia cando entraba polas portas das vosas aulas!

Lembrade que os maletíns viaxeiros favorecen que a nosa biblioteca escolar entre en  contacto coas familias nunha actividade que pretende a súa colaboración na vosa formación como lectores e lectoras máis novos.

Espero poder ver os vosos debuxos e suxestións nos cadernos que van dentro dos maletíns, que como poderedes comprobar teñen unha nova imaxe para que coloreedes as páxinas ao voso gusto.

Nesta entrada déixovos algunhas fotos desta actividade.

O voso amigo Güino.




















jueves, 7 de octubre de 2021

FICHAS LECTURA MOMENTO LECTOR

Nenos e nenas do Couceiro.
Os nosos compañeiros de sexto están a facer este fermoso traballo que podedes visualizar nas imaxes que tedes a continuación. 
Unha vez que rematan de ler un libro no seu momento lector, cubren unha ficha e a colocan no espazo deseñado para elo.
Estiven a traballar estes días e agora podo compartir contodos vós a nosa propia ficha de lectura que poderedes descargar dende o blog da biblioteca.
Espero que vos guste e que me enviedes algunha foto co resultado final para compartilas có resto da comunidade educativa.
Güino