Día das Bibliotecas Escolares

O 24 de outubro, ano tras ano, vimos festexando no noso colexio o Día da Biblioteca con agasallos que Güino, o garda do "Xardín do Pasatempos" achega a todas as aulas: as "Maletas de Güino".
Hoxe, na Hora de Ler, o equipo de axudantes entregou en cada aula un lote de libros que ao rematar cada trimestre intercambiarán coa maleta do seu mesmo nivel ou ciclo. Cada maleta leva libros informativos,  algun cómic, poesía, narrativa e un libro, a lo menos, referido ao proxecto deste ano.

Este curso eleximos o título do noso PDI, entre todas as propostas achegadas dende as aulas , facendo coincidir este feito tan importante con esta data festiva e con gran relevo no noso cole."O Día das Bibliotecas Escolares".

Ás nove da mañá contituiuse a mesa electoral, con 8 nenos e nenas de 3º a 6º de primaria que foron turnándose ao longo da mañá. Todo o colexio baixou votar na entrada do cole.

Ás 12:30, rematada a votación, deu comezo o escrutinio. Redactándo e asinando a acta a parella responsable da última quenda da mesa e recontando os 8 nenos e nenas  en presenza da encargada da biblioteca e da directora do centro.




Que entusiasmo! Noraboa e moitas grazas! Traballo ben feito!

Xa temos título para o PDI deste curso...NO COUCEIRO POLA IGUALDADE.

 Aquí vos deixamos imaxes da gran xornada vivida hoxe no cole:

As palabras do proxecto:

Logo duns días de moita actividade xa temos completado o encrucillado temático, co significado de cada palabra das que nos encargou Güino. Todas elas fan referencia a aspectos que tocaremos ao longo do Proxecto Documental Integral (PDI) deste curso.

 PDI que aínda non ten título pero si moitas propostas achegadas pola rapazada do Couceiro. Todos os nomes son chulísimos, máis só podemos quedar con un. Decidirémolo por votación segreda e individual o 24 de outubro, festa de todas as bibliotecas escolares.

Despois de moito traballo nas aulas...

Preme de na imaxe e veredes ao alumnado de terceiro comentando as palabras coas que estiveron a traballar

 Ollade que ben nos quedou!

Club das Letras

Estamos a comezar unha nova actividade dinamizadora no "Xardín do Pasatempos". Con ela ademais de dar a coñecer volumes da nosa biblioteca, libros que procuran unha actitude igualitaria, normalizadora, rexpectuosa e visibilizadora da diversidade, pretendemos propiciar un espazo educativo e de encontro da comunidade na que está inmersa, comunidade diversa e que este curso vai desenvolver o seu PDI en col da igualdade, tolerancia, feminismo.

Baseandonos na dinamización dende o Equipo da biblioteca dunha escolma de libros axeitados aos distintos niveis do alumnado do cole,  co "Club das Letras"  pretendemos crear unha canle para potenciar o pensamento crítico ao tempo que damos a coñecer os novos fondos de inclusión da Biblioteca Escolar (B.E.) e traballamos a temática do PDI.
No primeito trimestre presentaranse os seguintes libros.

Para E. Infantil

Libro de 1º de Primaria

2º Primaria

3º Primaria

4º Primaria

Volume presentado aos quintos.

Texto dinamizado a 6º primaria.

Toda a rapazada do Couceiro participa no "Club das Letras" dirixido por mestras do Equipo de Mantemento da Biblioteca Escolar. Nos de 6º de Primaria colabora Sabela Louzao, unha antiga mestra do colexio que achega a súa grande experiencia e entusiasmo. Moitas grazas a todas!

O "Club das Letras" desenvolverase ao longo do curso partindo da dinamización inicial do "Xardín de Pasatempos" levarase a actividade ás aulas, onde se realizarán a meirande parte dos produtos finais da ma das titoras e titores.
                                              Seguiremos informando!

Iniciando o proxecto deste curso

Ola rapazada do Couceiro!

Xa estamos de volta e a novo curso, novo proxecto para pescudar, falar, cantar, pintar, xogar..., ao tempo que aprendemos.

Este ano pedímosvos, para comezar, dous pequenos encargos:

•  Que nos axudedes a poñerlle o nome ao proxecto 
•  Investigar no significado das palabras do primeiro xogo: un encrucillado xigante.

Animádesvos?

Traballaremos en prol da tolerancia, da igualdade, da inclusión, etc.

Son un mar de dúbidas! Podedes explicar o significado da palabra que vos achegan os "Axudantes de Güino!" , para axudar a facer o encrucillado ?

Ah! Non esquezades a vosa proposta para o título do PDI. 

O 14 teremos todo exposto na entrada do cole para o 24, Día das Bibliotecas Escolares, elexir entre todos e todas o nome do noso PDI

Xa tardan as vosas suxestións!

Graciñas!

Aquí vos deixamos unhas imaxes da posta en marcha das primeiras tarefas do PDI deste curso.
O Equipo da Biblioteca por boca de Güino convida a todas as aulas cunha mensaxe que achegan os Axudantes de Güino:

Ao tempo que prepara o encrucixado xigante que se encherá co vocabulario básico do PDI e o mural onde se exporán as propostas de título, do proxecto deste curso.

Lendo en familia coas "Mochilas Viaxeiras".

A "Mochila Viaxeira" permite á biblioteca escolar o contacto coas familias nunha actividade que pretende a súa colaboración na formación dos lectores e lectoras máis novos.

Nenas e nenos son os embaixadores da biblioteca nas súas casas e comparten cos seus, grandes e pequenos, os libros, as revistas, a música cos que a mochila vai cargada.

O equipo do "Xardín do Pasatempo" escolleu os libros máis novidosos, aqueles que coidamos poden mellor acompañar o lecer das familias que len xuntas. Libros con música, de produción propia, de realidade aumentada, da temática do PDI... Libros en galego, mais tamén en castelán, francés e inglés.

Recordade que cada mochila contén información para as familias, normas, contidos e un CADERNO VIAXEIRO no que o alumnado poderá debuxar, facer comentarios ...

Por último, as familias tamén poderán realizar os comentarios e suxestións que consideren oportunas nun apartado dentro do caderno. 

Lembrade, unha folla do caderno por nena ou neno.

Onte, 1º de outubro, un neno ou nena de cada aula de Primaria baixou á biblioteca onde Güino pola mochila da súa clase.

Hoxe foi o Equipo dos Axudantes de Güino o que achegou as "Mochilas Viaxeiras" ás aulas de E. Infantil.

 

Recordade que cada mochila contén información para as familias, normas, contidos e un CADERNO VIAXEIRO no que o alumnado poderá debuxar, facer comentarios ...

Por último, as familias tamén poderán realizar os comentarios e suxestións que consideren oportunas nun apartado dentro do caderno. 

Lembrade, unha folla do caderno por nena ou neno.

Que gocedes da viaxe!!!

GÜINO xa ten novos axudantes!

Hoxe á mañá e logo de días de reflexión ante unha nova responsabilidade formáronse os equipos de axudantes de Güino. Nove ou 10 nenos e nenas de 5º de Primaria que cada día van dedicar 10 minutos do seu tempo a traballar en grupo para que:

•  O "Xardín do Pasatempo" estea ordenado
•  Para levar as mensaxes do garda da nosa biblioteca
•  Para representalo sempre que sexa necesario, etc.

Co obxectivo de involucrar ao alumnado na colaboración, na organización e xestión da biblioteca escolar e despois de explicarlles en que vai consistir o seu traballo, acceden con ilusión e entusiasmo a esta actividade colaborativa tan necesaria para a biblioteca pero desenvolvida dun xeito case lúdico.

Ollade os novos equipos!

Os usuarios e usuarias ademais de agradecerlle o seu traballo temos que facilitrallo deixando as devolución na súa caixa correspodente cando devolvamos os préstamos e procurando deixar sempre a biblioteca polo menos tan ben como a atopamos ao chegar.

Entre todos e todas conseguirémolo!

Abrimos o 1º de outubro! Feliz curso!

Estamos de volta!

Aínda que a biblioteca non abre as súas portas ata o 1º de outubro xa está chea de actividades previas ao seu funcionamento normal de préstamos, recreos, presentacións... Estamos cos preparativos, recibindo novos libros, deseñando as vindeiras actuacións e a formando o equipo de "Axudantes de Güino". 

Comezamos o curso cuns regalos moi especiais:

•  O EDLG agasallounos con varios exemplares da revista escolar "Abrente" que saiu do prelo a remates do curso pasado, xa a tedes no revisteiro! 

Preme e infórmate no blog da "Casqueira" (EDLG)

• Achegou tamén catro volumes que recompilan os "Calendarios de Peto" deste ano. Aqueles que fixestes a remate de 2019. Cantos e que variados! Vai ser ben chulo buscar o voso!

•  Pero o gran labor en canto a recompilación son dous tomos que recollen as revistas escolares dende 1982 ata 2018, un "Abrente" por curso que elaboraron por mor das Letras Galegas nenos e nenas do noso colexio. Estes tomos permítenos ver o máis significativo do traballo de cada curso, a actualidade de cada ano, as inquedanzas de nenas e nenos que hoxe xa son adultos. Permítenos, en fin, mergullarnos na historia do "Couceiro Freijomil". Estas revistas  que tiñan  dous formatos diferentes,con encadernación independente, que non resultaban moi manexables e corrían o risco de estragarse ou perderse grazas ao EDLG estarán agora ben encadernadas e a disposición de toda a Comunidade Educativa nos andeis da nosa biblioteca!

Premede para máis información!

Moitas grazas ao Equipo de Dinamización da Lingua Galega! Bo traballo!