Festival de Nadal

Aquí tedes a  montaxe co Festival de Nadal. Ollade os bailes, as panxoliñas, o teatro e as mensaxes de Nadal tan fermosas que elaboramos coa participación de todo o cole.
Ata o ano que vén!

  Feliz Aninovo!

O debuxante Pepe Carreiro visita Pontedeume e Os Bolechas coñeceron "As Festas das Peras".

Grazas ao traballo conxunto do Concello de Pontedeume, o ilustrador Pepe Carreiro e Ediciones Bolanda, e coincidindo coas pasadas Festas das Peras de Pontedeume, edítouse o libro infantil «Os bolechas veñen ás Festas das Peras de Pontedeume».

Esta edición infantil ten coma obxectivo, ademais de fomentar a lectura, mellorar o coñecemento que os peques teñen do patrimonio da vila, xa que a família dos Bolechas aproveita a aventura para coñecer os principais reclamos turísticos do municipio.

Comezamos o trimestre coa publicación do libro. Premede na imaxe e veredes como coñeceron o libro os maiores de infantil xusto ao comezar o cruso.

 Rematámolo coa visita do seu autor que asinou este e outros exemplares dos Bolechas.

Sin título - Kizoa Editar Videos - Movie Maker




Pepe Carreiro ten ademais moitas outras obras. Algunhas delas, para os máis grandes do cole,podédelas atopar nos andeis de banda deseñada ca nosa biblioteca. Premede nas imaxes se queredes informarvos  sobre estes comics.

XA CHEGA O NADAL

Cando os días son moi curtos e axiña chega a noite, cando o frío chega á nosa vila facendo que poñamos gorros, bufandas e luvas;chega o inverno e con el O TEMPO DE  NADAL.
Como cada ano Güino e os seus colaboradores traballaron arreo para ter o moble exposición cheo de novidades e recomendacións para pedir como regalo de Nadal o aos Reis.

Ollade canto traballaron!!!

RECOMENDACIÓNS NADAL - Kizoa Editar Videos - Movie Maker

Tamén elaboraron uns follectos que nos axudarán a pedirlle a PAPÁ NOEL ou  na CARTA dos REIS aqueles libros que máis nos gusten.

Non esquezades mirar todos os libros antes  nos andeis da entrada do noso Xardín de Pasatempos.
Este ano o noso gardán da biblioteca agasállanos con un conto para os máis pequenos e os máis grandes, xa que a todos ás veces se nos enguedellan as emocións.

DENDE A BIBLIOTECA DO COLE DESEXÁMOSVOS A TOD@S 

BO NADAL E FELIZ ANINOVO!!!

DÍA DO PEÓN E MAGOSTO

Este venres, festa do outono no Couceiro!!
 E é que, se o tempo o permite, celebramos o Magosto e o Día do Peón coas familias. Ímolo pasar en grande. Recordamos que a apertura de portas, pola avenida de Ferrol, será ás 12:15. Unha vez rematado o magosto baixaremos ao patio inferior para bailar os peóns. A festa rematará sobre as 13:30. Esperámosvos!

 Para preparar a festa, ollade o que  aquí nos deixa Güino.

Ollade que mural tan bonito e que textos tan traballados!

Sin título - Kizoa Editar Videos - Movie Maker

E por último os amigos de Brinquedia, mándanos este "Manifesto" para ler antes de lanzar os peóns a bailar o Día de San Martiño. Premede na imaxe para desfrutar das palabras de Xabier DoCampo.

Se chove, que chova! Nós non íamos quedar sen festa. Mágoa que o mal tempo non nos deixara estar nas pistas para facer a festa coas familias!

O SAMAÍN NA ESCOLA

Hoxe na nosa escola houbo unha gran excitación. Foi o cumio de todas as actividades do Samaín:

Expuxemos as caveiras; na "Hora de Ler", á luz das lanternas, limos contos de medo; o alumnado de 5º, na biblioteca, amosoulle as súas terroríficas narracións aos compañeiros, os corredores quedaron cheos de feitizos, ilustracións e pequenos textos elaborados nas aulas.Que ben o pasamos este Samaín!!!
Aquí vós queda unha mostra dos contos que encheron as nosas aulas. Son os "Contos de Medoooo!" de 5º de Primaria.
(Podedes arrastrar ou ampliar para lelos mellor)

24 de outubro DÍA DA BIBLIOTECA

"Alguén me contou que o 24 de outubro é o Día da Biblioteca. Sería xenial organizar unha festa con confeti e pompas de xabón. Celebrala ao grande. Encantaríame vestirme para tal ocasión como o personaxe dalgún libro, sentarme na mesa dunha biblioteca da cidade onde vivo e esperar a que fosen visitarme. Nas bibliotecas podes ser quen ti queiras. Desde Mary Poppins ata Matilda, Atreyu, Drácula ou mesmo Pippilotta Viktualia Rullgardina Krusmynta Efraimsdotter Långstrump. Podes poñerte botas de pelo, plumas, zancos e chapeus. Chapeus! Iso é! Imaxino a unha pequena lectora achegándose a min discretamente, atraída polas cores e formas do meu chapeu:

-- Sombreireira tola, que festa máis marabillosa! Sería tan amable de servirme unha cunca de té?" 

Este fermosísimo texto é de Ledicia Costas, Premio de Clubs de Lectura 2016 .
Nós, hoxe, para festexar esta data, agasallamos a todas as aulas coas xa famosas "MALETAS DE GÜINO".
O alumnado colaborador do "Xardín do Pasatempo" achegou ás aulas estas caixas cheas de  contos, poesías, revistas , libros informativos...
Estas maletas pasarán a formar parte das "Bibliotecas Aula"e poderán intercambiarse entre os niveis.
Feliz día e esperamos que vós, grazas aos libros, tamén podades ser moitas personaxes e visitar moitos mundos.

         

TEMPO DE SAMAÍN

Os días son curtos, as noites son loooongas. Chega o tempo de buscar a túa cabaza e convertela nunha caveira horrorosa, que meta moito medo; mais non esquenzas poñerlle dentro unha luz, pois mira o que nos propón Güino para este Samaín: 

Le o verás  o que debes traer o próximo venres, día 28 de outubro, para a "HORA DE LER"

MOCHILAS VIAXEIRAS

Mirade que ledos coas novas mochilas. Tocoulles a primeira semana, mais axiña chegarán a todas as casas.
Durante unha semana poderemos ler os contos, recitar as poesías ata cantar cos libros conCD. Coa axuda da familia encheremos de debuxos e cometarios o caderrno que nos manda Güino para saber a nosa opinión e a dos papás e mamás.
Que ben que as mochilas están a viaxar de novo, non?

Xa estamos de volta!!

Xa estamos de volta!!
 Viaxan as mochilas, ollamos as novidades: Libros novos, realidade aumentada e libros dixitais nas tabletas, CD´S de contos e música... Ata imos ter rótulos novos e un lugar moi especial para as mamás e os papás.
Esperámosvos como sempre no "Xardín do Pasatempo!!!

BENVIDA

Benvid@s couceiristas!!!

Este curso Güino convídanos a  achegarnos aos produtos artísticos, a música, a pintura, a arquitectura, a danza, o teatro, a literatura, a escultura, aos videoxogos, cómisc, fotos…

Vai ser un ano con moita arte. Ollade que cartaz tan chulo!!!

Abrente 2016

E xa para pechar as entradas deste curso 2015/16 deixámovos coa publicación do noso Xornal Abrente, xa na súa 36ª edición.

Grazas polo voso esforzo para que este traballo conxunto poda ver a luz un ano máis.

Esperamos que o disfrutedes moito!!

Vémonos en Setembro coas enerxías ben cargadas!!! 

Bo verán!!

Verán, praia, vacacións e ... recomendacións!!

Achégase o verán e con el o bo tempo, o merecido descanso, o tempo de lecer... e como cada ano, as recomendacións de lecturas de Güino!

Podedes pasar pola nosa biblio para botarlles un ollo a todas estas recomendacións que están expostas no andel de novidades.

Esperamos que vos gusten moito e o pasedes moi ben durante o verán. 

Vémonos ata Setembro!!!

 BO VERÁN!!

Caramuxo Teatro presenta... Pavillón Lino

Onte o noso pavillón transformouse noutro moi especial, o "Pavillón Lino".

"Pavillón Lino" é a nova proposta escénica de Caramuxo Teatro para toda a familia.

Tres actores,Juan Rodríguez, Laura Sarasola e Xosé Vilarelle,  foron os encargados de darlles vida a un sinfín de personaxes que desfilaron polo escenario caracterizados con unas máscaras moi especiais.


Este espectáculo nace para homenaxear o “Pavillón Lino” da Coruña, un dos primeiros espazos culturais da cidade, de estética modernista e adicado a todo tipo de actividades artísticas: teatro, cine, baile, monicreques, cómicos, autómatas... que tivo un tráxico e repentino final xa que desapareceu por mor dun incendio en 1919.


Foi unha trepidante comedia de variedades cunha coidada posta en escena,na que desfilaron unha morea de pintorescos personaxes, e que puideron gozar os nosos alumnos e alumnas de Primaria.

Teatro Caramuxo 16 - Kizoa Editar Videos - Movie Maker

VIII Certame de Poesía Couceiro Freijomil

O pasado venres no colexio celebramos a final do VIII Concurso de Poesía Couceiro Freijomil.

Foron uns días con moita arte, nos que nas distintas aulas  fixéronnose creacións moi bonitas, orixinais, simpáticas, amorosas...

Tras unha dificil decisión do xurado, durante a celebración desveláronse os finalistas de cada ciclo, que leron para todos as súas creacións.

Todas foron moi aplaudidas , pero os gañadores foron...

• Premio especial: Nenos e nenas de EI por "Galicia"
• Gañador do 1º ciclo: Andrés Tenreiro Garabana de 2º A por "Eu son Andrés" 
• Finalista do 1º ciclo: Iago Medel Cendán de 1º A por "Un día vin..." 
• Finalista do 1º ciclo: Paulo Díaz Rodríguez de 1º A por "Eu traio" 
• Gañadora do 2º ciclo: Manuela López Lesta de 4º B por "Un bonito paseo" 
• Finalista do 2º ciclo: Lidia Chapel Fernández de 3º A por "A tenda de todo" 
• Finalista do 2º ciclo: Pelayo Medina Marinas de 4º A por "A primavera" 
• Gañadora do 3º ciclo: Sara Ríos Criado de 6º B por "A política" 
• Finalista do 3º ciclo: Ariadna Pico Prieto de 5º A por "O alegre coelliño" 
• Finalista do 3º ciclo: Álvaro Crespo Fernández de 6ºA por "O namorado" 

 Deixámosvos a mostra destas obras de arte para que desfrutedes coma nós da creatividade dos nosos alumnos.

VIII Certame poesia 16 - Kizoa Editar Videos - Movie Maker

Dende logo é moi necesario aplaudir a implicación e traballo de todo alumnado do colexio, xa que cada ano é  máis complicado para o xurado tomar un decisión.

Noraboa a todos os participantes, e a seguir creando!!!

Letras Galegas 2016

Este ano o día das Letras Galegas está adicado ao poeta outeirés Manuel María.

No noso centro xa levamos un tempo facendo a nosa pequena homenaxe ao autor, xa que moitas das actividades que temos realizadas xiran en torno a el.

Co comezo do ano, dende o Equipo de Dinamización da Lingua Galega, fíxose un pequeno concurso entre o alumnado de 5º e 6º de primaria que presentou debuxos baseados nas obras de Manuel María. Todos os traballos presentados foron estupendos, pero escolléronse tres cos que ilustrar os calendarios do ano 2016.



Ademáis, como xa sabedes, tamén adicamos o Día da Poesía as obras do autor indo a recitalas polas rúas da vila.

Os actos da conmemoración do Día das Letras Galegas comezaron o mércores 18. Durante esta semana entramos na escola escoitando os poemas musicados de Manuel María e o recitado de poemas dos que se encargaron os membros do equipo directivo.

O venres, no acto principal, o alumnado de 6º de primaria encargouse de presentarnos a vida e obra do autor a través duns traballos plásticos que realizaron na aula.





Despois deste acto, e descansar un poco no patio, saímos a entrada do cole para rematar a actividade proposta polo Equipo de Dinamización,  "Conserva a túa palabra". Trátase de facer unha cápsula do tempo na que soterramos un libro feito coas palabras galegas favoritas de cada quen. Quizais os vosos netos descobran dentro de moitos anos que ao seu avó gustáballe a palabra "vagalume" ou a súa bisavoa "grazas".

Na biblio temos unha copia deste traballo conxunto para que poidades buscar a vosa palabras descobrir cal é a palabra favorita dos compañeiros.

Letras Galegas 16 - Kizoa Editar Videos - Movie Maker

Encontro con Érica Esmorís

Onte, a nosa biblioteca encheuse de novo de vida, de historias e de auga salgada para recibir a Érica Esmorís, autora de Nena e o mar, obra á que o alumnado de 6º de primaria adicou este ano o seu clube de lectura.

Foi unha visita moi esperada, na que a autora comentou como foi o proceso de creación da obra, dende o inicio da idea ata o remate final coas ilustracións de Dani Padrón. 

Tamén comentou que trátase dun libro musicado, de feito a súa parella, coa que comparte predilección pola persoaxe do fareiro, compuxo unha canción para o seu traballo. 

Por suposto, tivemos tempo para facerlle moitas preguntas e para que nos adicase os nosos exemplares da obra. 

Érica Esmorís 16 - Kizoa Editar Videos - Movie Maker

Moitas grazas Érica por adicarnos este ratiño!

Contos e música

Onte a nosa biblio recibiu a Patri e Alex, os contacontos da editorial Kalandraka que, como cada ano achegan aos peques do cole as súas fantásticas historias.

Comezamos coñecendo a un pequeno raposo en "Despois da chuvia", un conto estupendo que ademáis conseguiu o ano pasado o premio ao mellor albúm ilustrado. Unha delicia para todos os sentidos!

E logo continuamos cun clásico que nunca defrauda,  "A que sabe a lúa?", e máis tan ben acompañado pola música de Alex!
Este conto sempre é un triunfo, ademais lévanos a unha importante reflexión: con esforzo e axuda dos amigos todo é posible!!

Contacontos Kalandraka 16 - Kizoa Editar Videos - Movie Maker

Moitas grazas Patri e Alex por achegarnos estas fantásticas historias dunha maneira tan musical!!

Ata a próxima visita!!

Encontro con María Canosa

Hoxe visitou a nosa biblioteca María Canosa, autora do libro "Druídas" que está a ler o alumnado de 5º no clube de lectura.

 

Os rapaces non só falaron deste libro, sino que comentaron con María outros das súas obras, como as coleccións de poemas "Acuario", e "Acuario 2". 

Foi un encontro cheo de preguntas, curiosidades, inquetudes... cunha gran participación por parte do alumnado e unha estupenda invitada, coa que puideron falar de maneira moi cercana sobre o seu traballo. 

E tamén hubo tempo para, como non, adicar uns cantos exemplares!!

Moitas grazas María por compartir connosco estes ratiños!!

Encontro María Canosa - Kizoa Editar Videos - Movie Maker

O Maio aquí ven...

Un ano máis, coincidindo co comezo do mes de maio, ten lugar no noso centro a celebración dunha das festas con máis arraigamento do ano, a celebración dos MAIOS.

A celebración desta festa comeza coa aportación das familias dos elementos ornamentais (verde, flores, laranxas,...) que van formar parte do maio.

O xoves 28 de abril comezou o traballo e os maios comezaron a encherse de verde, fiuncho, xestas, tuias... cubriron os armazóns.
O venres completouse o traballo coas distintas flores, laranxas bravas, ovos...

Neste gran traballo colaboramos, man a man, alumnado, mestres e as familias.

Grazas a todos eles este ano elaboramos 3 maios, un en Infantil, "O Maio Colorido", un no 1º e 2º ciclo de primaria "A galiña choca", e outro no 3º ciclo de primaria, "O Maio en flor".

Nos días previos as diferentes aulas céntranse na elaboración das cantigas que acompañarán aos maios. As cantigas do maio teñen unha letra orixinal e a música pode ser orixinal ou adaptada de composicións populares.

Cando xa está todo rematado, celébrouse un desfile no colexio coa interpretación das cantigas.





Pero a festa non remata aquí, continúa coa participación, o 1 de maio, na vila xunto cou outras asociación e agrupacións na festa organizada polo concello.

O alumnado do 3º ciclo saíu a rúa pola mañá co seu Maio Florido, acompañadas polos seus  mestres, para encher a vila de cor, música e ledicia!

Maios 16 - Kizoa Editar Videos - Movie Maker

Xa pola tarde, alumnos, familias e mestres acudiron ao centro para levar os nosos maios pola vila e chegar ao concurso do Concello, onde acadamos dous 3º premios!!


Parabéns a tod@s!!!

Visitamos a Biblioteca do Concello

Durante as pasadas semanas do mes de Abril, como xa ven sendo tradicional, e dentro da programación de actividades relacionadas coa celebración do Día do Libro,  o alumnado de 4 e 5 anos, 1º e 2º ciclo de primaria acudiu a Biblioteca do Concello, invitados por Alexandre, para participar nun contacontos.

Foron varios os contos que Alejandro escolleu para o noso alumnado: Rosa Caramelo, Señorita Pluma, O meniño Nito, Entón os homes choran ou non?. Todas elas historias fermosas e cheas de contido.

                                                

Biblio16 - Kizoa Editar Videos - Movie Maker

Como sempre, un placer para todos escoitar estas historias tan fantásticas coa voz dun experto narrador.
Moitas grazas Alexandre!!

BiblioCouceiro presenta: Artesáns de Pontedeume

O pasado luns a nosa biblioteca, Xardín do Pasatempo, recibiu a todo o alumnado do cole para presentar "Artesáns de Pontedeume".

Como xa contamos en entradas anteriores, este foi un traballo colectivo, levado a cabo no curso 2007/08 a proposta do Equipo de Dinamización da Lingua Galega e recollido e publicado neste curso con motivo da conmemoración do Día do Libro.

Para presentalo contamos coa colaboración de Alicia López, unha mestra do Couceiro xubilada, que nese curso levou a cabo o traballo con algúns dos alumnos de infantil; e con Sabela que coordinou todo este proceso de investigación e recolleita de información dende o equipo de Dinamización.

Elas contáronnos como se organizou o traballo dende as aulas, como se fixo a recolleita de información, como foi a colaboración dos familiares e veciños... en definitiva, canto traballo hai detrás deste "pequeno gran libro".

Ademais, Alicia veu cargada de recordos, anécdotas e moitos libros feitos polos alumnos de infantil de xeito colaborativo. Eses libros están expostos na nosa biblioteca durante esta semana. Non dubidedes en achegarvos a velos!!

Día do Libro 16 - Kizoa Editar Videos - Movie Maker

Para rematar, non marchamos do acto coas mans baleiras, xa que Güino tiña preparado para nós un agasaio: un exemplar de "Artesáns de Pontedeume".

Qué mellor maneira de celebrar o Día do Libro?

Moitas grazas Alicia por colaborar connosco nesta conmemoración!

Día do Libro 2016: Artesáns de Pontedeume

O 23 de abril é un día grande nas bibliotecas xa que se celebra o Día do Libro.

Dende o XARDÍN DO PASATEMPO este curso no Día do Libro publicamos “ARTESÁNS DE PONTEDEUME” , o produto final dun marabilloso traballo por proxectos elaborado no noso centro.

Grazas a todos:

Aos profesionais de Pontedeume que recibíndonos , falándonos das vosas tarefas, amosándonos as vosas ferramentas, fixestes posible a actividade nas aulas que se encheu de coñecemento e valoración do medio máis próximo.

 Ao alumnado e profesorado que mergullándose con entusiasmo na actividade fixo posible o pequeno gran libro que hoxe publicamos.

Para todos vós, para a nosa escola e para o futuro “ARTESÁNS DE PONTEDUME”

Recursos para traballar o Día do Libro

Deixámosvos aquí unha serie de recursos que vos poden ser útiles para traballar o Día do Libro:

• WebMix Día do Libro: 

• Información sobre a data elexida para conmemorar o Día do Libro: