CAIXAS TERRORÍFICAS

 Hoxe deixei as caixas terroríficas nos corredores do colexio para que os nenos e as nenas poidan ler estes días libros coa temática de terror. 

Recordade que o mércores na Hora de Ler faremos "Lecturas ás escuras".

Que pasedes uns días terroríficamente divertidos!!! Boooooooo!!!

Güino

XA COMEZARON A VIAXAR AS MOCHILAS

Xa iniciamos coa actividade das Mochilas Viaxeiras.

No seu interior hai libros en galego, en castelán, en inglés e algún en francés. Tamén levan revistas e xornais. Como sempre van acompañados dun caderno para que o alumnado poida debuxar o escribir o que máis lle gustou e unhas normas de uso.

SEMANA DE ALFABETIZACIÓN MEDIÁTICA E INFORMACIONAL

 

ENTREGA DE MOCHILAS VIAXEIRAS E PRESENTACIÓN PDI

Preparamos un horario para que o alumnado de cada aula poida pasar a recoller a Mochila Viaxeira e así comezar o seu préstamo.

Aproveitamos este momento para presentar o PDI deste curso "MERGÚLLATE NA CIENCIA".

Xa vos contarei que ben o pasamos.

PRESENTACIÓN AO ALUMNADO O PDI "MERGÚLLATE NA CIENCIA"

Queda preparado o stand para presentar unha nova personaxe no noso cole, unha científica moi interesante. Chámase Bolboreta Pipeta. Escribiume unha carta moi especial,  fíxome unha solicitude de facer chegar á rapazada a CIENCIA. Déixovos a súa carta e moitos libros para que decidades se podemos axudala.

24 DE OUTUBRO DÍA DAS BIBLIOTECAS

 Este ano celébrase o Día das Bibliotecas baixo o lema "Por un futuro sostible".

Pódese ver máis información na web do Día das Bibliotecas 2024

CAIXAS TERRORÍFICAS

 Achégase o Samaín e no "Xardín do Pasatempo" xa están listas as caixas terroríficas para poder ler durante a quincena comprendida entre o 28 de outubro e o 8 de novembro.

ESCOLA DE VOLUNTARIADO

Como os cursos anteriores, o alumnado de 5ºEd. Primaria recibiu a convocatoria, da man de Güino, para formar parte do voluntariado do "Xardín do Pasatempo".

No mes de setembro foron formados os voluntarios e hai dúas semanas en pequenos grupos colaboran con Güino na tarefa de ter os libros ben colocados nos andeis de Bibliocouceiro.

COMEZOU A RECREOTECA

 Xa estamos en outubro e, como todos os curso, Bibliocouceiro abre as súas portas para todo o alumnado durante o tempo do recreo. Podedes vir visitala. 

Hai nenos e nenas que xa estiveron por alí. Algunhas lendo contos divertidísimos.

Tamén na RECREOTECA

Outros fedellando con distintos xogos.

Vide pronto!!! Bicos.