Bibliocouceiro "XARDÍN DO PASATEMPO"

O contacontos de Kalandraka

2012-02-07T13:03:00.001-08:00

Hoxe a nosa biblioteca encheuse de ritmo, música, risas... e moitos, moitos contos.
Visitáronnos Patri e Alex, vellos coñecidos do noso cole, os contacontos da Editorial Kalandraka, para presentarnos algúns dos seus contos aos nenos e nenas de 4 e 5 anos.
Nesta ocasión "A familia C", "O mago Goma" e "Pancho" foron as historias, que entre música de acordeón, frautín, pitos, pandeireta... encheron a nosa biblio de máxia e vida.
Todos o desfrutamos moito, só fai falla vernos as caras, verdade?

Coñecernos para querernos...

2012-02-06T01:45:00.000-08:00

Baixo o lema COÑECERNOS PARA QUERERNOS, as BIBLIOTECAS ESCOLARES DE FERROLTERRA están levando adiante un traballo colaborativo cos nenos e nenas que viven nos campamentos de refuxiados do SAHARA. Para coñecernos un pouquiño máis, o alumnado que participa no CLUB DE LECTURA do terceiro ciclo de primaria elaborou un traballo, fundamentalmente visual, no que se mostran distintos aspectos da vida cotiá do noso colexio e algunhas das actividades que se realizan ao longo do curso. Este traballo foi enviado aos campamentos, xunto cun lote de material escolar, que agora vos presentamos.

Coñecernos para querernos

View more documents from ana alvarez.

Día da Paz e a non violencia

2012-01-30T03:49:00.000-08:00

Hoxe, día 30 de xaneiro, data doaniversario da morte de MahatmaGandhi (1869-1948), celébrase o "Díaescolar da non violencia e da Paz" (DENIP) e nesta data o proxecto"Coñecernos para querernos" que estamos a levar a cabo cos rapaces erapazas dos campamentos de refuxiados sahararuis en Tinduf fainos sentir, secabe, máis preto de todos aqueles que como eles están a ser vítimas desas guerrasesquecidas, eses conflitos ignorados pola comunidade internacional.

Cando eliximos este título para onoso proxecto, fixémolo convencidos do que ese "lema" significaba,fixémolo con plena conciencia do noso obxectivo principal, coñecer a quen estáa loitar polos seus dereitos e, na medida das nosas posibilidades, loitar paraque eses dereitos algún día, non moi lonxano, sexan recoñecidos pola comunidadeinternacional e ese exilio ao que levan sometidos 35 anos cese dunha vez econsigan acadar ese acordo definitivo de paz que permita a libre determinacióndo pobo saharaui.

Hoxe, día da Non Violencia e aPaz, as bibliotecas escolares do Plambe-Ferrolterra implicados, a través do Bubisher, neste fermoso proxecto"Coñecernospara querernos" queremos berrar alto e forte "Basta Xa!"

Güino recomenda este Nadal...

2011-12-19T11:42:00.000-08:00

Xa está aquí o Nadal, tempo de panxoliñas, adornos, festas, e as recomendacións de Güino!
Un ano máis todo o equipo recolleu as novidades máis interesantes, orixinais, amenas e máis axeitadas para os pequenos da casa, e tamén para os non tan pequenos, xa que esperamos que as desfrutedes en familia.

Recomendacións Nadal 2011

View more presentations from ana alvarez.

Premede sobre a imaxe das frechas (esquina inferior dereita) para ver mellor o documento.

Aproveitamos para desexarvos un bo Nadal, unha feliz entrada no ano 2012, e boas lecturas!!!

Man a man facemos Bubisher

2011-12-18T11:19:00.001-08:00

En anteriores entradas xa falámosvos sobre o Bubisher, pero pensamos que a mellor maneira de entender o proxecto e velo dende dentro. Por eso deixámosvos aquí unha reportaxe sobre o Bubisher feito en Smara por os nenos e nenas do clube de lectura de Farsía.

Día dos Dereitos Humanos...

2011-12-10T02:18:00.000-08:00

63 anos despois da súa proclamación, segue sendo necesario lembrar esta data, 10 de decembro, na que a Asamblea Xeral das Nacións Unidas aprobou a Declaración dos Dereitos Humanos.

Necesario porque nin tan sequera nos países que asinaron esta declaración están garantidos estes dereitos en igualdade de condicións para toda a poboación. Non hai máis que botar unha ollada ao noso arredor, asomarse ás noticias.

Mais aínda así cabe pensar que un outro mundo é posible, que hai arrecendos espallados no ar que nos permiten prender unha candea pola esperanza, por estas xeracións, hoxe nen@s, adolescentes, que medran nas nosas aulas, ao abeiro das nosas Bibliotecas -das súas lecturas, da súa información, da súa formación- nen@s e adolescentes que se implican ilusionad@s e con empeño en proxectos coma "Coñecernos para querernos", nun intercambio persoal e de coñecementos con nen@s dos campamentos saharahuis, para quenes a apertura dunha biblioteca con (o Bubisher) ou sen (O Niño do Bubi) rodas, supón moito máis que un mundo de oportunidades. Para acceder á ilusión, aos soños, á formación, ao coñecemento doutras culturas, doutro idioma.

E con esa candea acesa, brincan faíscas que prenden en case un cento de Bibliotecas Escolares Galegas, que por todo o país escollen cada unha un fermoso álbum ilustrado para agasallar a ese recén estreado Niño do Bubi, porque, coma nas nosas propias Bibliotecas, toda inauguración é unha festa. A esa festa que é a lectura, nesas bibliotecas acubilladas na area, queremos enviar estes álbumes como aves portadoras de boa sorte, como bubishers* cheos de cor, imaxes, historias. Porque as nosas bibliotecas, @s nos@s lectores e lectoras, compartimos co Bubisher, cos lectores e lectoras das súas bibliotecas a crenza firme nos Dereitos Humanos, dende o seu 1º artigo: "Tod@s nascemos libres e iguais en dignidade e dereitos"

* O bubisher (Oenanthe leucopyga e Oenanthe leucura) é un paxariño tímido que vive na Península e tamén en África, aquí chamámoslle collalba negra e no Sáhara o seu nome significa paxaro da boa sorte, no dialecto hassaní é Bubchir بوبشير (o da boa nova) porque adoita aniñar e criar despois das choivas, o que quer dicer que medrará a herba, algo moi importante para quen ten gando.

Bubisher é tamén o nome dun autobús-biblioteca que circula entre os campamentos do Sáhara para levar lectura e información. Ou sexa, unha biblio... pero con rodas!!!

Se queredes unirvos á iniciativa de Álbumes para o Bubisher, só tedes que poñer os vosos datos xunto ao resto das Bibes Galegas.

Música e DDHH

Texto de Maribel Serantes (CEIP Os Casais)

Imaxe atopada aquí

Bubisher...

2011-12-08T11:21:00.001-08:00

Que é isto do BUBISHER?...O BUBISHER é un paxaro que aniña e cría despois das choivas. Isto vai ter un significado especial para todas as xentes do SAHARA, nacerá e medrará a herba. Por iso BUBISHER significa PAXARO DA BOA SORTE.

O proxecto BUBISHER é un ambicioso proxecto. De momento está formado por dous bibliobuses que se moven polo deserto, dun campamento a outreo, cheos de libros, para que os nenos e nenas do SAHARA poidan ler, aprender e disfrutar coa lectura. Para que isto poida ser unha realidade, moitas personas; escritores, persoeiros, políticos,entidades de todo tipo,... e nen@s de moitos lugares colaboran, uns desde o mesmo deserto participando directamente e outros desde os seus lugares de orixen, aportando libros e dotacións económicas que fan viable este proxecto.

Baixo o lema "COÑECERNOS PARA QUERERNOS" un grupo de BIBLIOTECAS ESCOLARES DE FERROLTERRA, entre as que está a nosa, e coordinados polo escritor GONZALO MOURE, estamos unidos para colaborar coas escolas dos campamentos de refuxiados saharauis. Nos vindeiros días imos enviarlles desde o noso colexio diverso material escolar solicitado, un ÁLBUM ILUSTRADO (mándase un por cada colexio participante,... en Galicia xa somos moitos) . O álbum que enviaremos leva por título NUEVOS COLORES do escritor FRAN NUÑO e irá acompañado dunha presentación do noso colexio realizado fundamentalmente desde o CLUB DE LECTURA. No segundo trimestre colaborará máis alumnado do centro pois elaboraremos un traballo para enviarlles sobre as FESTAS TRADICIONAIS E POPULARES EN PONTEDEUME..., e algunha sorpresa máis...

GÜINO recoméndavos que lles botedes un vistazo aos seguintes vídeos para coñecer un pouco máis do BUBISHER e das xentes do SAHARA. Tamén podedes atopar máis información escribindo BUBISHER no GOOGLE.

Os contos de medo do Samaín 2011

2011-11-21T09:53:00.000-08:00

Como prometemos hai uns días, as nosas terroríficas produccións xa están listas así que aquí tedes os nosos "Contos de Medo"....

Contosmedo11

View more documents from ana alvarez

Que vos parecen?? Seguro que deixarónvos cos pelos de punta!!!
Parabéns a tod@s os artistas do Couceiro!!

As mochilas viaxeiras volven a viaxar...

2011-11-09T06:50:00.000-08:00

Un curso máis as MOCHILAS volven viaxar ás casas dos nenos e nenas do couceiro. Durante os pasados días os membros do EQUIPO DE BIBLIOTECA traballaron arreo para ter listas, o máis axiña posible, as mochilas. todas van cheas de libros, pelis, música,... para encher o tempo de lecer coas vosas familias. Desde a biblioteca GÜINO desexa que teñades un curso cheo de boas lecturas...

Un Samaín de medooo

2011-11-05T11:00:00.000-07:00

As actividades da biblioteca xa están en marcha, e estreamos o curso 2011/12 cunha exposición terrorífica de contos e libros de medo, con motivo da celebración do Samaín.
A decoración do noso corredor tenebroso é por conta do alumnado de 5º e 6º do cole, que fixeron estas arañas tan simpáticas e os alumnos de Infantil e as súas familias que traballaron do lindo para facer estas fantásticas cabazas!!

E para seguir traballando, Güíno propúxonos inventar un conto de medo por clase. Todas as produccións están xa na "imprenta" e pronto poderedes desfrutalas.
Para que vaiades abrindo boca só podemos decirvos que terminaredes cos pelos de punta!!

Bo Verán!!

2011-06-28T01:34:00.000-07:00

Güino e os seus colaboradores desexamos que pasades un verán fantástico, con tempo para xogar, descansar, ir a praia... e tamén para pasar un bo rato desfrutando dunha gran aventura a través dos libros.
Por iso preparamos para vós con moito cariño está selección de libros e contos que recomendámos dende Xardín do Pasatempo:

Recomendacións verán

View more documents from ana alvarez.

Esperamos que desfrutedes!!
Vémonos en Setembro!!
Bo verán!!

A insoportable levedade das bibliotecas escolares...

2011-06-01T14:37:00.000-07:00

"Ante a previsible retirada de formadores específicos no ámbito das bibliotecas escolares no Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros queremos manifestar o seguinte:

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente de persoas que senten que é posible compartir e facer viable o proxecto xuntos. Así naceu o movemento que cristalizou na iniciativa que todos coñecemos como PLAMBE. De xeito que dende hai algúns anos, esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.
Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?"
Con esta publicación no noso blog, o equipo de biblioteca do CEIP COUCEIRO FREIJOMIL, faise eco do malestar que os centros que formamos parte do PLAMBE estamos a sentir ante as novas medidas previstas pola Consellería, medidas que ningunean o noso esforzo xa de por si insuficientemente recoñecido dende as autoridades educativas.
Colectivo dos equipos das bibliotecas escolares integradas no PLAMBE (Plan de Mellora das Bibliotecas Escolares Galegas)

O SEGREDO DOS LIBROS...

2011-05-29T12:12:00.000-07:00

O alumnado de 5º B do centro elaborou este cómic usando as novas tecnoloxías. Propúxose ao alumnado a idea e..., mans á obra. Primeiro foi o guión, logo cámara fotográfica en man e a disparar,... despois veu a montaxe das fotos e a escritura nos globos. E o resultado foi este,... Imprimíronse varios exemplares para a aula e deixamos copia na biblioteca para que o resto do alumnado poida disfrutar coa súa lectura e visionado das imaxes. Colaboraron o EQUIPO DE NORMALIZACIÓN LINGÜÍSTICA e o EQUIPO DE BIBLIOTECA. Grazas a todos os alumnos e alumnas que colaboraron de xeito entusiasta e parabéns polo traballo ben feito.

Open publication - Free publishing - More news

MAIOS 2011...

2011-05-05T08:46:00.000-07:00

Aquí tedes as cantigas e poemas preparados para tan florida ocasión. Esperamos que os desfrutedes tanto coma nós.

Maios11

View more presentations from ana alvarez.

LECTURAS COMPARTIDAS...

2011-05-02T14:27:00.000-07:00

A verdade que nunca nos esquecemos deles, forman parte da identidade do noso centro. Pero esta era unha ocasión especial. A alguén do equipo da biblioteca ocurríuselle un día... por que non invitamos "AOS NOSOS QUERIDOS XUBILADOS" que veñan coñecer a nosa nova biblioteca e de paso contarlles un conto, unha historia aos nenos e nenas? e dito e feito, puxémonos en contacto E... XA ESTÁ!!! Buscamos unha data.... DÍA DO LIBRO... 23 DE ABRIL e... de novo bicos, apertas, emocións...e o alumnado a disfrutar cos contos, coas historias,...rindo, emocionándose... e sobre todo cariño, moito cariño por parte dos nosos MAESTROS!!! Grazas a Ánxeles, a Conchita, a Esperanza, a Antonio, a Isabel,...e ata moi pronto!!!

ENCONTRO CON IAGO...

2011-04-26T02:13:00.000-07:00

O alumnado do PRIMEIRO CICLO de primaria disfrutou na biblioteca dunha sesión de contacontos a cargo de IAGO LÓPEZ SANTOS. Os rapaces e rapazas pasaron un rato fantástico escoitando o relato de Iago e participando coas suxestións que ía introducindo. Grazas Iago polo teu entusiasmo e bo facer.

FIZ...

2011-04-25T14:10:00.000-07:00

Xa está no revisteiro da nosa biblioteca o Nº 1 de FIZ , a revista do neno máis porco do mundo. Trátase dunha revista bimensual dirixida polo ilustrador galego KIKO DA SILVA na que participan un montón de especialistas en banda deseñada. Esperemos que vos guste. Xa nos comentaredes!!!

ENCONTROS PLAMBE...

2011-04-25T11:37:00.000-07:00

Os pasados 7 e 8 de abril tiveron lugar en Santiago de Compostela os encontros anuais dos centros participantes no PLAN DE MELLORA DE BIBLIOTECAS ESCOLARES (PLAMBE). O noso centro por ser do PLAMBE-5 participou o día 8 que comezou cun saúdo a cargo do Sr. Conselleiro. A continuación tomaron a palabra Teresa Mañá e Mónica Baró que nos falaron sobre os seus traballos en materia de avaliación. Posteriormente asistimos a ponencia de Kiko Da Silva que fixo un percorrido pola historia da banda deseñada e anunciounos a próxima publicación da revista FIZ que el mesmo vai dirixir, destinada ao público infantil. Despois desta ponencia fumos xantar e, entre pincho e pincho seguimos compartindo experiencias. Xa pola tarde comezamos reuníndonos por zonas (nós xuntámonos cos compañeir@s de Ferrolterra e seguimos intercambiando experiencias e aprendendo...) O remate da xornada foi moi emocionante, un auténtico regalo para tod@s nós, nada máis e nada menos que tiñamos diante a D. XOSÉ NEIRA VILAS que nos contou un montón de anécdotas, de vivencias,... co bo humor que sempre (para isto os anos non pasan) tivo, non só os aspectos máis coñecidos como o de escritor senón tamén aqueles máis relacionados coa divulgación da lectura.

En fin unha xornada entrañable con moitas emocións, e sobre todo unha xornada para APRENDER!!!. Participamos tamén na exposición de materiais co traballo realizado polo alumnado de Atención Educativa de 5º B titulado O SEGREDO DOS LIBROS. Graciñas a Pilar e a Cristina pola perfecta organización e, aínda que xa somos moitos sempre temos a sensación de que están continuamente ao noso lado. Graciñas tamén a Ánxela e a Gabriela, as nosas "imprescindibles guías".

DÍA INTERNACIONAL DO TEATRO...

2011-04-25T11:03:00.000-07:00

Un dos actos da celebración do DÍA INTERNACIONAL DO TEATRO foi a representación de dúas obras a cargo do alumnado de 4º A e 4º B de primaria. Asistiu todo o alumnado do centro e pasamos todas e todos un rato moi divertido. Parabéns polo traballo ben feito!!!

Bibliocouceiro presenta...

2011-03-31T08:04:00.000-07:00

O pasado venres no colexio celebramos o III Concurso de Poesía Couceiro Freijomil.

Foi unha xornada con moita arte na que puidemos escoitar creacións moi bonitas, orixinais, simpáticas, amorosas...

Aínda que todas foron moi aplaudidas, tras unha dificil decisión do xurado, os finalistas leron para todos as súas creacións e a continuación fixose a entrega dos premios, da que encargarónse os profes de prácticas por ser o último día no noso cole.

Os premios foron repartidos do seguinte xeito:

Premio especial: Nenos e nenas de EI

1º premio do 1º ciclo: David de 1ºB por "A avoa e a silviña"

2º premio do 1º ciclo: Carmen de 2º por "Eu quero.."

3º premio do 1º ciclo: Claudia de 1º A por "Quen é?"

1º premio do 2º ciclo: Andrea Penedo de 4ºB por "O mundo do revés"

2º premio do 2º ciclo: Elisa Sardiña de 3º B por "O río Eume"

3º premio do 2º ciclo: Clara Vázquez de 4º A por "Ondas"

1º premio do 3º ciclo: Iago Leira de 5º B por "O que dí o meu corazón"

2º premio do 3º ciclo: Elisa Sanjurjo de 5º A por "A miña gatiña"

3º premio do 3º ciclo: Xabier Calvo de 6ºA por "Poema dos pronomes"

Deixámosvos a mostra destas obras de arte para que desfrutedes coma nós da creatividade dos nosos alumnos.

Poesias gañadoras concurso 11

View more documents from ana alvarez.

A contunuación, Güino presentounos os contos viaxeiros nos que participamos todos os alumnos do colexio. Estos 2 contos empezaron a viaxar no mes de Outubro, empezando o primeiro en 2º de primaria ata acabar nas aulas de 3 anos, e o segundo nas clases de 6º para que os nenos de 3º inventaran o título e a portada.

Deixámosvos aquí a mostra das nosas obras artísticas e literarias. Desfrutádeas!!

Visitounos Teresa González Costa...

2011-03-27T10:07:00.000-07:00

Visitounos a autora de A FILLA DO LADRÓN DE BICICLETAS (PREMIO MERLÍN 2010), que compartiu un rato moi agradable cos membros do CLUB DE LECTURA do noso centro que están a traballar este libro. Tedes máis información e imaxes da visita na páxina do CLUB (pincha sobre a fotografía de abaixo)

O Couceiro viaxa pola Terra a través da prensa...

2011-03-21T03:56:00.000-07:00

A idea xurdiu na asignatura Atención Educativa entre o alumnado de 6º de primaria que leva traballando nela desde principios de curso. A idea consistiu na recompilación de periódicos de países dos diferentes continentes. Para conseguir a prensa destes lugares, desde o colexio remitiron cartas ás distintas embaixadas destes países en España. A resposta foi formidable e así conseguiron periódicos de países como Xapón, China, Tailandia, Omán, Sudáfrica, Exipto, Cuba,...e toda Europa. Diferentes alfabetos, que se len de xeito distinto ao que están acostumados. A medida que ían recibindo a prensa, agrupárona por continentes, ademais complementaron a información cunhas cartolinas que conteñen detalles xerais de cada eestado (número de habitantes, moeda oficial, capital do estado, ubicación no mundo,...). Con todo este material montouse unha exposición no corredor da planta baixa do colexio que quedou inaugurada nestes días e permanecerá aberta todo o mes de abril. Aberta ao alumnado, aos pais, a outros centros e a todos aqueles que teñan curiosidade polo tema. Finalmente, os nenos e nenas de sexto elaboraron uns cuestionarios con preguntas xerais e específicas de cada publicación e que utilizará todo o alumnado do centro para investigar sobre o tema facendo unha especie de TRIVIAL con niveis adaptados en función das idades dos participantes.

TITIRICIRCUS...

2011-03-18T13:06:00.000-07:00

Como anticipo das actividades cara a celebración do día mundial do teatro do 27 de marzo, visitounos a compañía TANXARINA TÍTERES. Puxeron en escea a obra TITIRICIRCUS. Unha lembranza ensoñadora e festiva do grande circo de carpa alta e bicolor. A historia de dous vellos traballadores daquel circo que lembran agora con marionetas de fíos as glorias do seu pasado na pista.
Nun permanente xogo participativo co público, van aparecendo os números máis importantes daquel vello circo xa desaparecido. O home máis forte da Península Ibérica, o malavarista mais divertido do mundo....
Rir, rimos coma tolos. Desde os máis pequenos aos maiores difrutamos dunha xornada moi, moi divertida. Graciñas polo bo rato pasado.

CLUB DE LECTURA...

2011-02-10T02:38:00.000-08:00

Comezamos a nosa andaina no presente curso no CLUB DE LECTURA organizado desde a nosa biblioteca. Vintetrés animosos e voluntariosos lectores e lectoras atrévense co último PREMIO MERLÍN 2010 A FILLA DO LADRÓN DE BICICLETAS da escritora de O Grove TERESA GONZÁLEZ COSTA. Estos animosos lectores están xa a disfrutar das peripecias de SERAFINA que quere dedicarse a ser equilibrista con CELERÍFERA a súa bicicleta. O seu amigo MILO, e máis o vello ELÍAS, inventor e mecánico de bicicletas, terán que axudar á protagonista nunha proba de extrema dificultade... Para seguir o desenvolvemento do CLUB podedes pinchar AQUÍ.

Novidades...

2011-01-28T04:05:00.000-08:00

Chégannos dúas novidades de OQO Editora. "O tren" para o SEGUNDO CICLO e "Tres han de ser" para o PRIMEIRO CICLO DE PRIMARIA. Dous albums ilustrados que están á vosa disposición nos andeis de NOVIDADES e moi pronto nas seccións correspondentes. Premede nas imaxes das portadas para ter máis información. DISFRUTÁDEOS!!!

O contacontos de Kalandraka

2011-01-26T09:28:00.000-08:00

O pasado luns a nosa biblioteca "Xardín do Pasatempo", cheouse de nenos, contos novos e música!!
Os encargados foron os contacontos de editorial Kalandraka que viñeron para presentar aos nenos e nenas de Infantil os contos: "Un gran soño", "Unha parella diferente", "Un becho estraño", e "Os catro amigos".
Foi unha xornada fantástica na que todos desfrutamos moito coa animación de Patri e Alex.

Moitas grazas por presentarnos os vosos contos desta maneira tan divertida.

Bo Nadal!!!

2010-12-28T07:32:00.000-08:00

Dende Bibliocouceiro "Xardín do Pasatempo" Güino e todos os seus colaboradores queremos desexárvos a todos un Bo Nadal e un ledo 2011!!!

E como agasaio especial Güino quere ensinarvos unha pequena mostra dos traballos de todos os nenos do cole para adornar o noso corredor, e unha recomendación de lecturas para o Nadal.

Bibliocouceiro

View more documents from ana alvarez.

Felices festas!! Vémonos a volta!!

As mochilas viaxan de novo!

2010-12-06T12:20:00.000-08:00

O curso pasado dende a biblioteca comezou a actividade das "Mochilas viaxeiras", unhas mochilas repletas de material de lectura, musical e audivisual para que os nenos e nenas podan desfrutar na casa cos seus familiares.

A idea tivo unha estupenda acollida por todos os membros da comunidade educativa e por iso este curso repetimos.

E xa está en marcha o camiño das mochilas por as casas de todos os nenos do cole.
Esperamos que este curso tamén resulte tan interesante a proposta.

Sr. MUNDO, DÍGAME...?

2010-11-22T13:00:00.000-08:00

A compañía de teatro FACTORÍA TEATRO representou no noso centro a obra "Sr. Mundo..." dentro do proxecto Edicións Tambre-Edelvives para a campaña de dinamización lingüística BOCABERTA. Xogando coa poesía, coa súa sonoridade e ritmo os actores transportáronnos pola natureza a través dos seus catro elementos: Terra, Aire, Auga e Lume. Os rapaces e rapazas do primeiro e segundo ciclos de primaria disfrutaron dun estupendo rato de teatro involucrándose permanentemente na representación.

ABRACADABRA... CONXURO Á CARTA!!

2010-11-04T04:15:00.000-07:00

Nestes días, aproveitando a celebración do Samaín, as clases e os corredores do colexio encheronse de conxuros e frases máxicas que logo recollimos nun panel que está a carón da Biblioteca.
Invitámosvos a achegarvos a velo e desfrutar da creatividade dos rapaces e rapazas do Couceiro.

(se queredes desfrutar dende a casa da nosa exposición a "pantalla completa" premede sobre a imaxe e seleccionade "full screen")

OS CONTACONTOS XA ESTÁN DE VOLTA

2010-11-04T03:01:00.000-07:00

Como todos sabedes o pasado curso comezou, coordinada polo equipo de dinamización lingüística, unha actividade de contacontos na que os rapaces e rapazas maiores do centro acudían as aulas de infantil e 1º de primaria para contarlles un conto unha vez por semana.
A idea foi todo un éxito, tanto para os espectadores como para os contadores, polo que este ano repetimos experiecia.

Aínda que xa levamos uns días de rodaxe, a pasada semana foi especial porque, como todos sabedes, celebramos o Samaín así que as historias que se achegaron as aulas dos pequenos do cole foron de auténtico medo!!

AS MALETAS VIAXAN...

2010-11-03T15:11:00.000-07:00

Co comezo do novo curso son varias as novidades que presenta a nosa biblioteca. Destacamos hoxe as MALETAS VIAXEIRAS. Preparánsose dezasete maletas con varios libros... moi, moi interesantes e atractivos , unha por clase, que viaxaron directamente desde a biblioteca ata cada unha das aulas para utilizar na HORA DE LER. Estas maletas rotarán entre as aulas de cada un dos catro ciclos e serán renovadas cada trimestre. Ánimo e BOAS LECTURAS...!!!

ENCONTRO COA POESÍA...

2010-05-19T15:03:00.000-07:00

O venres 14 de maio vivimos no noso centro a FESTA DA POESÍA, rendindo unha homenaxe a UXÍO NOVONEYRA e celebrando a fase final do II CERTAME DE POESÍA "COUCEIRO FREIJOMIL. Toda a comunidade educativa participou nun acto entrañable no que os verdadeiros protagonistas foron os neos/as co seu esforzo e a poesía.

Open publication - Free publishing - More dirigir

ENCONTRO CON SUSO CUBEIRO...

2010-05-11T11:28:00.000-07:00

Hoxe visitounos SUSO CUBEIRO, ilustrador da natureza e de libros infantiles e xuveniles. O encontro tivo lugar no noso centro e asistiu o alumnado do terceiro ciclo de primaria. Explicou, de xeito moi didáctico, as técnicas da ilustración e do debuxo. O propio alumnado poido comprobar o doado que és debuxar cun bo MAESTRO ao lado. SUSO CUBEIRO rospondeu ás preguntas e curiosidades do alumnado e rematou facendo unha ilustración, coa técnica da acuarela, para un dos poemas máis universais da LINGUA GALEGA , UNHA NOITE NA EIRA DO TRIGO do poeta de Celanova MANUEL CURROS ENRIQUEZ. Esta acuarela quedará colgada na nosa biblioteca e o teu cariño, nos nosos corazóns. Graciñas SUSO e ata sempre!!!

Open publication - Free publishing - More recordatorios

OS MAIOS...

2010-05-09T10:10:00.000-07:00

Un ano máis celebramos OS MAIOS. Os maios é a festa por excelencia de exaltación da primavera. No noso concello ten unha fonda tradición desde hai moitos, moitos anos. Os colexios, as asociacións, os grupos de veciños,... construen o seu maio a base de flores, mirtos, xestas, laranxas bravas,... e preséntanse ao concurso organizado polo concello onde deberán amosar esa construción floral e, ao mesmo tempo, recitar, cantar, ler,... unha poesía que faga referencia aos maios debendo ser orixinal.
No noso centro, coma todos os anos, construimos catro maios, un por ciclo, e realizamos catro poesías colectivas que nós sempre cantamos o día 1 de maio, data do concurso. Todo este traballo comezou o xoves 29, día en que o alumnado trouxo "o verde" que se incorporou ao armazón do futuro maio. O venres 30 trouxeron as flores, laranxas,... que cubriron o verde. Neste traballo colaborou toda a comunidade educativa; pais, alumnado, profesorado e, (que ledicia) mestras xa xubiladas!!! Despois das doce do mediodía saímos ao patio portando os maios, desfilando e interpretando as catro cantigas compostas para este acto polo alumnado xunto con outras xa tradicionais. Na tarde do día 1, alumnado, pais, mestres,... acompañaron aos nosos maios no desfile e concurso municipal axudando a realzar este acto e conseguindo O TERCEIRO PREMIO!!! Parabéns a todos e a todas polo premio e, sobre todo, polo esforzo .

Open publication - Free publishing - More organizar

DÍA DO LIBRO 2010...

2010-04-24T15:06:00.000-07:00

A elección do día 23 de abril como día do libro e do dereito de autor, procede da coincidencia do pasamento dos escritores Miguel de Cervantes, William Shakespeare e Garcilaso de la Vega na mesma data no ano 1616. No noso centro celebrámolo por media da BUSCA DO LIBRO. O GRUPO DE TRABALLO do profesorado do centro que está a realizar un curso de formación relacionado coas COMPETENCIAS, preparou unha TAREFA para este día. A cada grupo preparóuselle un grupo de probas (localizacións bibliográficas, preguntas sobre os carteis colgados nos corredores, de lóxica, sopas de letras, encrucillados,...) contidas nun sobre que GÜINO encargouse de repartir. O alumnado, unha vez superadas as probas, podía completar unha frase que lles serviría para a localización dun libro da biblioteca que atoparían nun punto concreto dentro das dependencias do recinto escolar. Foi unha xornada, divertida, chea de ilusión bo humor e esforzo por parte do alumnado. Posteriormente, na hora de ler, os titores en cada curso, presentaron o libro que permanecerá na biblioteca de aula para uso do alumnado ata o remate do curso. Participou todo o alumnado do centro e os resultados acadados foron moi, moi satisfactorios para alumnado e profesorado.

DÍA MUNDIAL DO TEATRO...

2010-04-13T13:25:00.000-07:00

Cada 27 de marzo, desde 1961, celébrase en máis de 100 países o DÍA MUNDIAL DO TEATRO. Esta data foi elexida pola ITI (Instituto Internacional do Teatro asociado á UNESCO) para lembrar ás xentes da arte escénica.
O ENL do noso centro preparou unha serie de actividades para conmemorar esta data. O día 24 todo o colexio asistiu a dúas representacións do alumnado de terceiro. Os de 3ºA respresentaron O RATO QUE COMÍA GATOS e os de 3ºB A AULA DE TÓCAME-ROQUE. Parabéns polos momentos tan agradables e divertidos que nos fixéchedes pasar. O día 25 a compañía TRES GLOBLOS repesentou, para o alumnado de Infantil, a obra con monicreque PEDRO E O LOBO, vai rato pasaron os máis pequenos! Había que ver aquelas caras cheas de ilusión e ledicia!
Finalmente, o venres 26, a compañía CASA HAMLET representou, para o alumnado de primaria, RATIÑA LINDA DE COMPOSTELA. Os "maiores" do colexio disfrutaron coma ananos coas picardías da ratiña...
En fin, unhas xornadas moi emotivas co teatro como eixo central.

TRES POETAS...

2010-04-12T13:41:00.000-07:00

Con este título celebramos o DÍA MUNDIAL DA POESÍA que, coma todos os anos, celebramos cada 21 de marzo. Centrámonos este ano en lembrar a tres poetas que por diversas razóns están de actualidade. A primeira e ROSALÍA DE CASTRO, pois este ano 2010 conmemórase o 125 aniversario do seu pasamento. O segundo e MIGUEL HERNÁNDEZ do que lembramos o centenario do seu nacemento e, por último UXÍO NOVONEYRA, o poeta do Courel, a quen este ano se lle dedica O DÍA DAS LETRAS GALEGAS.

Na conmemoración, o alumnado do centro recitou varios poemas intercalados con vídeos de poemas musicados por Amancio Prada, Serrat e Alberto Cortez, e Emilio Cao.

ENCONTRO CO ESCRITOR XOAN GARCÍA...

2010-04-12T11:36:00.000-07:00

"Faragulliña" é un conto infantil escrito en verso, que narra unha doce historia na que a familia, a amizade e o amor, son o fío conductor. Nel tamén se fai un eloxio ao pan e aos seus derivados, alimentos procedentes de productos naturais aconsellables para unha alimentación equilibrada e san. O seu autor, XOAN GARCÍA natural de Barallobre, estivo o pasado 19 de marzo connosco, concretamente co alumnado do SEGUNDO CICLO de primaria do centro que previamente estivera traballando durante moitos días a súa obra, facendo murais sobre a súa biografía e sobre as aventuras de FARAGULLIÑA. Foi un encontro moi agradable no que o escritor respondeu a todas as curiosidades dos nenos e nenas.
FARAGULLIÑA trátase dun volume especialmente adicado aos nenos e nenas e protagonizado polo pan de Neda. Máis que un conto, é un canto á vida, ao amor á amizade. Pero tamén un chamamento aos pais para que recuperen para os seus fillos os productos naturais.A historia céntrase en Faragulliña, umha miga de pan doce e intelixente que convide ao pé da Fervenza do Belelle nun muíño restaurado. Boliña de Ovos e Molete de Pan son os seus dous compañeiros de aventuras. Viaxan xuntos polo mundo: á Praia de Cabanas, á Feira do Trrece,... Coñecen moita xente: á Bica de Ourense, á Proia de Pontedeume, ao Polbo de Mugardos, ao Requeixo de A Capela,...E na súa andadura chegan a París onde fan amizade coa parella Croissant e Baguette...
Pero non acabou todo aí. Xoán tróuxonos unha sorpresa... A FARAGULLIÑA EN PERSOA!!! Que ledicia o rato que pasamos. GRACIÑAS XOAN, E ATA CANDO QUEIRAS!!! CANDO VOLVAS TRAENOS UN MOLETE!!!

Se queredes ler FARAGULLIÑA, atoparédelo na nosa biblioteca no SEGUNDO CICLO - GALEGO.

FÁBRICA DE CONTOS...

2010-03-08T12:38:00.000-08:00

Hai uns días estiveron connosco, desde a FÁBRICA DE CONTOS DE KALANDRAKA , Patricia e Pablo que trouxeron no seu saco un montón de contos fantásticos e os máis cativos do cole paxárono en grande coa RATIÑA PRESUMIDA, FREDERICK,... e moitos máis. Aos pequenos quedábanlle uns ollos coma pratos vendo os xestos e escoitando as voces de Patricia e afinaban o seu oído escoitando as melodías que Pablo interpretaba cos seus instrumenos de vento-madeira. Son uns fenómenos e pasamos un rato moi, moi divertido, Ata GÜINO bailaba con eses fermosos sons. Graciñas aos dous por este rato tan agradable. DEICA A PRÓXIMA, AMIGOS...!!!

O ENTROIDO PASOU POR PONTEDEUME...

2010-03-03T23:57:00.000-08:00

Un ano máis o entroido, divertido e descarado, pasou por Pontedeume deixando chorros de ledicia e diversión (pódese constatar isto nas caras das nenas e nenos do noso centro) pois son unhas datas moi especiais no ano nas que destapamos a nosa imaxinación para darlle un toque de humor e de cor á vida cotiá.
Comezamos a semana cos mandados de MANOLO (pencas, gorros, gravatas,...) e chegou o día máis esperado, o venres. Desfilamos polo corredor do colexio para vernos e admirar as indumentarias (o tema elexido foran TRIBOS URBANAS). Rápidamente os corredores enchéronse de góticos,"pijos" hippies, surferos, executivos,... Saímos desfilando pola vila e rematamos na Praza Real onde cada comparsa subiu á tarima para interpretar unhas cancións cunhas cantigas de entroido con LETRAS cheas de ironía e sobre todo de bo humor. E a Praza... como estaba a Praza? ...CHEO TOTAL!!!. Unha vez rematado o "concerto" demos boa conta das orellas, filloas, rosquillas,... que aportaron as familias e... FESTA RACHADA!!!

Open publication - Free publishing - More etiquetar

AS MOCHILAS SEGUEN A VIAXAR...

2010-02-22T14:36:00.000-08:00

Cun pouquiño de retraso, por mor da remodelación e cambio de ubicación da nosa biblioteca, comezaron a viaxar as MOCHILAS VIAXEIRAS. Todas as mochilas conteñen libros, pelis, música,... para que disfrutedes, na compaña das vosas familias, das boas lecturas e duns ratos de lecer super, super agradables con estas recomendacións de GÜINO. Este ano a gran novidade é que todas e cada unha das aulas do centro dispoñen da súa MOCHILAAA!!!

OS NENOS DO COUCEIRO INVITAN Á PAZ...

2010-02-22T13:55:00.000-08:00

O pasado 30 de xaneiro alumnos e profesores xuntáronse para darlle outra oportunidade á paz. Foi un acto breve, sinxelo pero moi, moi emotivo.

BO NADAL E BOAS LECTURAS...!!!

2009-12-21T11:57:00.000-08:00

Chega o tempo de Nadal e, por uns días, aparcamos o traballo nas aulas e disfrutamos dun tempo de lecer moito máis amplo ca no resto do ano. Pasamos máis horas na casa e ocupámonos dos xogos, do cine, da música e... non vos esquezades da lectura. Lembrade as recomendacións que, desde a biblioteca, nos propón GÜINO e incluíde algúns dos títulos propostos nas vosas peticións de agasallos para estas festas.

BO NADAL A TOD@S...!!!

LIBROS DE MEDOOO!!!...

2009-11-20T11:11:00.000-08:00

Desde hai uns días algo macabro está a ocurrir na nosa biblioteca. Fantasmas, cabazas, bruxas, teas de arañas,...están a pulular dun lado para o outro... e libros, vaia libros, LIBROS DE MEDOOO!!! A GÜINO ocurríuselle xuntar todos os libros máis arrepiantes que nos poñerán o pelexo de galiña e os cabelos electrizados... Libros para morrer de medo...ou coa risa. Visita a exposición e vai pensando cal vas levar para a túa casa, pois pronto estarán dispoñibles no servizo de préstamo.

SEMPRE XIRANDO...

2009-11-11T13:54:00.000-08:00

Hoxe, 11 de novembro celebramos o DÍA DO PEÓN. Despois do mediodía sáimos ao patio para facer xirar os nosos peóns. Non estivemos sós, pois tamén había avós, pais, profes que tamén participaron da festa. A xornada comezou lendo o MANIFESTO DO PEÓN que a esa mesma hora estábase a ler tamén en moitos outros colexios de Galicia. Continuamos cos xogos co peón como protagonista...Os avós sentíronse nenos outra vez...Pasámolo xenial... Que día máis divertido!!! Rematamos cantando unha cantiga preparada para a ocasión... e unha promesa, facer xirar o peón TODO O ANOOOO!!!

MAMAAAA, QUE MEDOOOO!!!!!!!!!...

2009-11-05T11:42:00.000-08:00

O pasado xoves recordamos aos nosos devanceiros,

aos celtas, e de novo celebramos o SAMAÍN. O noso alumnado encheu os corredores e o xardín do colexio de cabazas, ducias de cabazas, desde as máis grandes ás mais cativas,... unhas para morrer coa risa... e outras para morrer de MEDOOOOO!!!!!!!!! .

Noraboa aos nosos pequenos artistas,... e ás súas familias.

ASTÉRIX E OBELIX. 50 ANOS CONNOSCO...

2009-11-03T11:44:00.001-08:00

Traducido a 107 idiomas e con máis de 300 millóns de exemplares vendidos en todo o mundo, ASTÉRIX ven de celebrar medio século de existencia.

POR TUTATIS!!!!! A historia céntrase nas aventuras dunha pequena aldea gala da Bretaña francesa que resiste á dominación de Xulio César grazas a unha máxica beberaxe que proporciona unha forza sobrehumana aos seus habitantes...

RAMIRO FONTE. IN MEMORIAM...

2009-11-02T11:49:00.000-08:00

Hai uns días cumpriuse o primeiro cabodano do poeta, narrador, ensaísta eumés RAMIRO FONTE. Desde a biblioteca preparamos unhas xornadas para lembrar a súa obra. Cada nivel de infantil e primaria escolleu unha poesía do seu libro XARDÍN DO PASATEMPO e elaborou un mural sobre a mesma para colocar no corredor do colexio preto da biblioteca. Durante cinco xornadas, no tempo da HORA DE LER, cada nivel recitou esa poesía e presentou o mural aos seus compañeiros. Na primeira xornada, os de SEXTO, lembraron a figura de Ramiro, a sua traxectoria e a súa obra. A xornada de clausura estivo marcada pola inauguración oficial da biblioteca a cargo do bibliotecario municipal ALEXANDRE CAÍNZOS quen dirixiu a todos os membros da comunidade educativa unhas entrañables palabras evocando a figura e a obra de Ramiro.

ALGO ESTASE A COCER NA BIBLIOTECA...

2009-11-02T11:35:00.000-08:00

Unhas misteriosas pegadas apareceron no chan do corredor do colexio... e, todas elas conducían a un mesmo lugar... Á BIBLIOTECA...!!!!!!!!!!!!!!

RAMIRO FONTE...

2009-05-29T11:57:00.000-07:00

Hoxe, 29 de maio, tivo lugar nos XARDÍNS DE LOMBARDERO un acto promovido polo concello e organizado pola BIBLIOTECA MUNICIPAL para recordar a RAMIRO FONTE , poeta e escritor EUMÉS falecido hai poucos meses. Ao acto asistiron escolares dos distintos centros educativos de primaria da Vila e, representando ao noso colexio, asistiu o alumnado de 5ºB que recitaron tres poesías do libro XARDÍN DO PASATEMPO. O acto foi moi emotivo e, ao rematar. ALEXANDRE CAÍNZOS expresou o desexo de que se lle dedique un DÍA DAS LETRAS GALEGAS nos vindeiros anos, desexo ao que nos sumamos dende o noso centro.

LETRAS GALEGAS 2009...

2009-05-29T09:32:00.000-07:00

O pasado 18 de maio, celebramos no colexio o tradicional DÍA DAS LETRAS GALEGAS que este ano estivo dedicado oa escritor RAMÓN PIÑEIRO. Foi un acto moi emotivo no que participou unha ampla representación do alumnado do centro. O acto comezou coa lectura da biografía do escritor homenaxeado, continuou co recitado das poesías que chegaron á final do I CERTAME DE POESIA "COUCEIRO FREIJOMIL". As poesías tiveron unha grande calidadade e foron moi aplaudidas polos seus compañeiros. Elexiuse a mellor en cada un dos ciclos e entregáronse os premios correspondentes, tanto a gañadores como finalistas. Seguidamente tivo lugar a entrega dos premios da portada do xornal convocados polo EQUIPO DE NORMALIZACIÓN LINGÜÍSTICA. Finalmente BREOGÁN, profe do colexio, sacou a gaita e interpretou varias pezas populares moi aplaudidas. Rematou o acto cantando todos xuntos o HIMNO GALEGO. Noraboa a tod@s e graciñas por participar.

DÍA DAS LETRAS GALEGAS...

2009-05-17T09:32:00.000-07:00

Este ano a Real Academia Galega rinde homenaxe a RAMÓN PIÑEIRO
(Láncara-Lugo, 1915 - Santiago de Compostela, 1990). Intelectual e político que desenvolveu a súa actividade en Galicia. Trátase dunha das figuras históricas do galeguismo durante o século XX. Como intelectual, foi un dos fundadores e primeiros directores da editorial GALAXIA e da revista GRIAL.

OS MAIOS...

2009-05-17T04:06:00.000-07:00

Coma todos os anos, celebrouse no noso centro a tradicional festa dos maios. Este ano foi o día 30 de abril, data na que coa colaboración de toda a comunidade educativa, realizáronse catro maios, un por cada ciclo. As familias aportaron verde (fiuncho, hedra, xestas e mirto entre outras) e flores de todo tipo. A actividade nos días 29 e 30 de abril foi frenética en todo a centro co fin de ter a punto os maios para o desfile. O resultado foron catro preciosos maios adornados coas laranxas bravas correspondentes. Chegadas as 12 horas comezou un vistoso desfile acompañado de cantigas dos maios polo amplo corredor do colexio (lástima do tempo que nos impediu sair ao exterior).

O día 1 , un amplo grupo de alumnos e varios profesores, quedamos ás catro e media no centro para retocar os maios e participar no certame convocado polo concello. O resultado foi espectacular, pois o segundo ciclo acadou o primeiro premio e o terceiro ciclo o terceiro . Na consecución destes premios tivo moito que ver a interpretación das cantigas, fermosas poesías dedicadas aos maios de Pontedeume realizadas polo alumnado nas súas clases. A festa rematou cunha tremenda merenda no colexio con todos os participantes . Pasámolo xenial. Noraboa a todos.

SON COMA NENOS...

2009-05-11T14:13:00.000-07:00

O pasado día 21 de abril visitounos XABIER LÓPEZ GARCÍA, mestre do CEIP MOSTEIRO DE CAAVEIRO de A Capela que veunos ensinar a xogar. Si, a xogar; non a Play nin aos modernos cacharros electrónicos, non; ensinounos a alma dos xogos tradicionais, os de sempre, aos que xogaban os nosos avós, os nosos pais,... os nosos maiores para que llos sigamos transmitindo ás vindeiras xeracións. En definitiva a recuperar un tempo que, grazas a Xabier e a máis xentes coma el que traballan por e para que este tempo non sexa perdido. Pero Xabier non veu ensinarlles aos nenos, veu a amosarnos aos mestres, aos pais e maiores como podemos disfrutar e facer disfrutar aos demais. Graciñas polo rato pasado, XABI!!!

DÍA INTERNACIONAL DO LIBRO...

2009-04-23T14:39:00.000-07:00

Hoxe, 23 de abril, celebramos no noso colexio o DÍA INTERNACIONAL DO LIBRO E DO DEREITO DE AUTOR. A casualidade fixo que un 23 de abril de 1616 falecesen dous dos máis grandes xenios da literatura universal, Miguel de Cervantes e William Shakespeare. Dende o ano 1995, tras a aprobación da UNESCO, celébrase esta data adicada ao libro e, dende entón, máis de cen paises de todo o mundo sumáronse á iniciativa. Nós, celebrámolo lendo o comezo do capítulo I de DON QUIXOTE DA MANCHA antes de iniciar hoxe as clases, estando presente todo o alumnado do centro xunto co profesorado no corredor do colexio. Posteriormente, na HORA DE LER, un grupo de alumn@s do terceiro ciclo de primaria leu un conto aos seus compañeiros en cada unha das aulas de infantil e do primeiro e segundo ciclos de primaria.

O AGASALLO DE SARA...

2009-04-13T10:41:00.000-07:00

Sara mándanos un agasallo, pero non é un agasallo calquera... Este agasallo chámase "OLHA QUE BLOG MANEIRO" que en galego quere dicir algo así como "Que blog máis bonito, creativo..." GÜINO está contentísimo pois non só é o primeiro agasallo que recibe, está moi contento porque ven de SARA, unha alumna do colexio e que é a autora dun blog ¡¡¡SENSACIONAAAALLL...!!!! E GÜINO invitavos a que o coñezades... Podedes entrar nel pinchando na seguinte dirección:

http://saravb.blogspot.com/

Moitos bicos, Sara...!!!!

As normas son as seguintes:
- Exhibir a imaxe do premio "Olha que blog Maneiro".
- Poñer o nome do blog que cho deu.
- Indicar os teus 10 blogs.
- Publicar as reglas.
- Comprobar que os blogs indicados sigan as reglas.
GÜINO mándalle este agasallo aos seguintes blogs:

SUPERQUINTOB
LAURA
CEIP FERMIN BOUZA BREY - PONTEAREAS
CEIP MONTE DE CONXO
CEIP PEDRO BARRIÉ DE LA MAZA - SADA
CEIP ROGELIO GARCÍA YAÑEZ DE RAMIRÁS
CEIP BELESAR - BAIONA
CPI COVA TERREÑA - BAIONA
CEIP SAN FRANCISCO XABIER - A CORUÑA
CPI SAN VICENTE DE A BAÑA - A CORUÑA

OUTRO DE ANIVERSARIO...PINOCHO

2009-03-13T12:59:00.000-07:00

Setenta anos, setenta, cumpre este personaxe de Disney (creado por Claudio Collodi en 1883) . Un boneco de madeira feito por Gepetto ao que, unha noite, unha fada madriña deulle vida...Un neno traveso, desobediente, pero tenro.

MARZO, MES DA POESÍA...

2009-03-09T13:51:00.000-07:00

O día 21 de marzo celébrase o DÍA MUNDIAL DA POESÍA e GÜINO convócavos á participación no I CERTAME DE POESÍA. Anímate e participa.

A nosa mascota deixounos estes versos:

Se no certame
queres participar,
un poema,
na biblioteca,
deberás deixar.

NOVIDADES NA NOSA BIBLIOTECA

2009-03-09T11:12:00.000-07:00

Hoxe presentámosvos unha colección de libros que narran as aventuras, historias e misterios dun ratón chamado Xerónimo Stilton que traballa como escritor e director dun periódico titulado "O Eco do Roedor". Xerónimo vive nunha illa ficticia chamada Illa dos Ratos, con capital en Ratonia, onde naceu e vive. A Xerónimo gústanlle os libros , a música clásica e a tranquilidade, anque as súas aventuras son sempre axitadas. Stilton ten unha gran familia e algúns dos seus parentes son:Trampita, o seu curmán; Tea, a súa irmá; e o seu sobriño Benxamín.

Descubre as aventuras de Xerónimo e familia na nosa biblioteca na sección do SEGUNDO CICLO (CASTELÁN)

Coñéceos mellor e xoga nas seguintes páxinas web:

http://www.clubgeronimostilton.es/

http://www.geronimostilton.com/

ANTROIDO 2009

2009-02-25T14:11:00.000-08:00

Por fin chegou o gran día.... O ANTROIDO!!! E disfrutámolo... como o disfrutamos!!!! Primeiro no colexio, desfilando e mostrandolles a todos o que o maxín traballara nos días anteriores. Despois polas rúas da Vila onde se congregaron cantidade de personas, nais, pais, avós... e veciños en xeral que quixeron sumarse á nosa alegría. Na Praza Real subímonos ao palco a cantar as pezas que preparáramos para a ocasión e por último, xa de volta no cole... FESTA RACHADA!!!! Demos conta das filloas, orellas, torradas.... baile, música e moita, moita ALEGRÍA!!! Graciñas a tod@s pola participación tan entusiasta.

AS MOCHILAS VIAXEIRAS... ¡¡¡XA VIAXAN!!!

2009-02-15T11:50:00.001-08:00

Nos dous últimos fins de semana comezaron a viaxar desde a biblioteca, cara as casas dos alumnos do primeiro ciclo e de terceiro de primaria, as MOCHILAS VIAXEIRAS. Unha mochila para cada unha das clases destes niveis e, dentro, moita ilusión e fantasía en libros, Cds, Dvds etc... Cada mochila contén información para as familias, normas, contidos e un caderno viaxeiro no que o alumnado poderá debuxar, facer comentarios etc... sobre o material que contén a mochila. Por último, as familias tamén poden realizar os comentarios e suxestións que consideren oportunas nun apartado dentro do caderno. Recordade, unha folla do caderno por nen@. As mochilas sairán do colexio os venres e retornarán os xoves.
Contamos que, en breve, saia a mochila para o alumnado de infantil de 5 anos.
Ánimo e a disfrutar destes materiais.

ENCONTRO CON ANTÓN CORTIZAS

2009-02-05T10:55:00.000-08:00

Tal como anunciabamos, onte día 4 de febreiro, o escritor e mestre ferrolán Antón Cortizas compartiu con todos nós unha xornada entrañable na que o alumnado puido captar rapidamente as súas inquedanzas e sentimentos. Antón é unha persona que se involucra axiña cos nenos, manexando a lingua dun xeito hábil e sinxelo e mostrando sempre o neno que leva dentro. Antón deixou entre todos nós un grato recordo.
Ester, Inés e Carla de 6ºB recibiron un agasallo como gañadoras do concurso da Mascota para a Biblioteca e,... como non! GÜINO acompañounos ao longo de toda a sesión. Graciñas Antón e, ¡ata sempre!

PRIMEIRO PLENO INFANTIL MUNICIPAL

2009-02-04T11:30:00.000-08:00

"Sr. Alcalde, Sres. Concelleiros, compañeiros... Hoxe, 30 de xaneiro de 2009, non é un día máis, non é un día calquera. Por iso ao comenzar este Pleno, as alumnas e alumnos do CEIP "Couceiro Freijomil" xunto coas nosas mestras e mestres, queremos facer público o noso compromiso coa PAZ nesta celebración do DÍA ESCOLAR PARA A NON VIOLENCIA E A PAZ ..."

Así comenzaba a exposición dos respresentantes dos alumnos de 6º do noso centro no PRIMEIRO PLENO INFANTIL MUNICIPAL, convocado polo Concello de Pontedeume e celebrado na Casa da Cultura o pasado 30 de xaneiro coincidindo coa celebración do DÍA ESCOLAR PARA A NON VIOLENCIA E A PAZ. No acto participaron os catro centros de primaria do Concello e, sobre a mesa, moitas preguntas do alumnado e moitas respostas por parte do Equipo de Goberno Municipal. O resultado foi unha fermosa lección de democracia que rematou cunha votación sobre a continuidade deste tipo de sesións. Esta última proposta foi aceptada por unanimidade. Felicitacións a todos.

DÍA ESCOLAR POLA PAZ E NON VIOLENCIA

2009-01-27T03:34:00.000-08:00

"Nun mundo no que a violencia, o medo e a inxustiza forman parte da vida de moitas persoas, queremos manifestar que:
1º Todas as persoas somos responsables de que o mundo sexa cada día máis xusto, máis pacífico e máis seguro.
2º A paz constrúese, día a día, entre todos e todas. Para conseguilo, podemos e debemos relacionarnos cos demais sobre a base do respecto, a escoita e o diálogo.
3º A violencia e o medo prexudican a todas as persoas, a quen os exercen e a quen os reciben. A violencia e o medo nunca solucionaron un conflito, só o ocultan.
4º É posible mudar o mundo se nós mudamos e se convencemos aos demais para que muden. Non é fácil, pero é posible e necesario.
Nós sabemos como acabar coa violencia e os conflitos, sabemos como se constrúe a paz e somos moitos e moitas os que a queremos. É, por iso, que propoñemos comezar a construíla hoxe mesmo e esforzármonos para que creza ao noso redor e chegue a todo o mundo."

ANTÓN CORTIZAS AMADO

2009-01-15T09:50:00.000-08:00

O día catro de febreiro pasará unha xornada connosco o escritor e mestre ferrolán Antón Cortizas.
Aló polo ano 1954, cando as follas das árbores caían no chan, eu caín tamén de non sei onde, e afortunadamente había unha cama debaixo. Debo ser moi nugallán porque dende aquela estou a nacer e aínda non acabei de facelo. A verdade é que che non vos teño moita presa.
De cativo dediqueime a brincar, xogar, argallar e facer os deberes, que non foi pouco.
De adolescente déuseme por namoriscar, por escribir cousas que ninguén me obrigaba e por vestirme de Atlántico, vestimenta que uso dende entón. E comecei a amar o meu país. A miña cultura galaica e a miña lingua untáronme todo coma se fosen un can cósmico (tal vez o can de Orión) que me lambese a alma cariñosamente. Tamén me comezaron a laiar as cousas todas e din en esgarabexar poesías como analxésicos.
Cando crin ser grande ocorréuseme converterme en rei, e dende aquela teño unha raíña e tres fillas que vos xuro que son para min como tres princesas de conto ben que por veces non o pareza.
De adulto quixen cambiar o mundo, pero decateime de que non podía porque non se deixa. Entón púxenme a inventar historias, pero só de cando en vez, porque como iso non é o único que podo nin gusto de facer, moitas delas quedan esquecidas nos faiados da memoria.
¿E de vello? Gustaría de seguir nacendo ata converterme nun trasno amábel e contemplar o mundo sorrindo dende o silencio da Lúa. (Autobiografía)

TIN TIN CUMPLE 80 ANOS

2009-01-11T05:08:00.001-08:00

O célebre reporteiro do cómic Tintín , o rapaz do roxo fleco e dos pantalóns bombachos que sempre vai acompañado do seu inseparable can Malú, celebrou o seu 80 aniversario. Foi un 10 de xaneiro do ano 1929 cando apareceu por primeira vez na revista "Le Petit Vingtième" da man do debuxante belga Georges Remi, máis coñecido como Hergé. Tratábase da primeira aventura do reporteiro da Rusia bolchevique titulada Tintín no país dos Soviets. Esa historia foi o inicio de 24 aventuras por todo o mundo das que se venderon 250 millóns de exemplares e foron traducidas a mais de 50 idiomas e adaptadas ás pantallas en forma de debuxos animados. FELICIDADES TINTÍN!!!!!

BO NADAL

2008-12-19T10:49:00.000-08:00

Fixemos este Belén
con plastilina e ilusión,
para celebrar o Nadal
con panxoliñas e turrón.

¡¡¡XA TEMOS MASCOTA...!!!

2008-12-19T09:40:00.001-08:00

Xa temos mascota. Despois de fortes deliberacións, cunha actitude democrática sen precedentes, un xurado formado por alumnos do Centro escolleron a GÜINO. Este pingüino procedente dos fríos polares, onde as noites invernais son case eternas, onde hai moito, moito tempo para ler, para saborear os bos libros, as mellores pelis, a boa música de todo o mundo,... é un experto en presentarnos a todas e todos as novidades que se produzan na biblioteca, as actividades que dende a mesma se propoñan, os actos e encontros que nela van suceder e, en definitiva, vai ser un bo amigo quen nos vai aconsellar e que sempre vai estar connosco.

MASCOTAS PARA A BIBLIOTECA

2008-12-11T14:49:00.001-08:00

No corredor do colexio están expostas as numerosas mascotas creadas polo alumnado do centro para elexir unha. ¿Cal será a mascota da biblioteca? . O xurado está a deliberar... Axiña teremos a nosa mascota. Graciñas a todas e todos pola vosa participación e entusiasmo.

CONCERTO DIDÁCTICO

2008-12-11T13:24:00.000-08:00

O Xoves, 11 de decembro, celebrouse un concerto didáctico, baixo o patrocinio do Concello de Pontedeume, a cargo dun trío de corda de Santiago de Compostela. Dito concerto estivo dividido en tres sesións nas que participou todo o alumnado do centro. Os músicos interpretaron varias pezas segundo as idades dos nenos e nenas, e fixéronos partícipes destes instrumentos e dos seus sons.

CONTACONTOS

2008-12-01T10:16:00.001-08:00

O pasado mércores, 26 de novembro, tivo lugar unha sesión de contacontos promovida pola Dirección Xeral de Política Lingüística da Xunta de Galicia dentro do seu proxecto "CONTOS PARA FALAR", organizada polo Concello de Pontedeume baixo a supervisión conxunta do CEIP de Andrade e do CEIP Couceiro Freijomil. Participaron alumnos de E. Infantil (4 e 6 anos) , do Segundo e do Terceiro Ciclos de Primaria do noso Centro. Ao rematar o evento foron agasallados, coa entrega dunha camiseta e do libro desenvolvido na sesión, pola Editorial Rodeira.

CONTRA A VIOLENCIA DE XÉNERO

2008-11-26T11:34:00.000-08:00

"Aprende a resolver os conflitos sen violencia. Transmitámoslles aos nenos e ás nenas habilidades para a convivencia cos valores de igualdade e ensinémoslles a falar das emocións propias e das alleas con naturalidade"

Graciñas ao CEIP da Pobra do Brollón

OS DEREITOS DOS NENOS

2008-11-20T03:04:00.000-08:00

Hoxe, 20 de novembro, celébrase en todo o mundo o DÍA MUNDIAL DA INFANCIA.... e no noso centro, tamén....

Mickey Mouse cumpre 80 anos.

2008-11-18T12:34:00.001-08:00

Un 18 de novembro de hai 80 anos nacía para o mundo Mickey Mouse, persoeiro que alegrou a vida de varias xeracións, porque os nosos bisavós, avós e pais tamén foron nenos coma nós, e hoxe é o seu aniversario. Felicidades Mickey!!!!!

HORA DE LER

2008-11-16T11:00:00.000-08:00

O luns 17 de novembro, e ao longo de toda a segunda quincena do mes, poñerase en marcha, de xeito experimental, a HORA DE LER. Despois do recreo, todos os membros da comunidade educativa que permanezan nese momento no centro, e por espazo de vintecinco minutos, adicarán ese tempo á lectura. Lectura silenciosa e libre. Os lectores poderán utilizar o documento lector (bilioteca, biblioteca de aula, personal,...) que considere oportuno e en calquera soporte. O profesorado que atenderá a cada grupo de alumnos será o que imparta a cuarta sesión segundo o horario de clases xa establecido. Unha vez rematada a segunda quincena de novembro avaliarase todo o proceso.

A NOSA MASCOTA

2008-11-16T10:41:00.000-08:00

Está en marcha un concurso para a elección da mascota da biblioteca no que poderá participar todo o alumnado do centro, ben a título individual ou en grupos. O tamaño non superará ao do folio e poderán utilizar os materiais que consideren oportunos. Xunto co deseño entregarán un nome para esa mascota que deberá ter relación coa palabra biblioteca ou con algún dos diversos elementos da mesma. O prazo de entrega finalizará o 28 de novembro e na primeira quincena de decembro farase unha exposición con todos os traballos entregados. Un xurado decidirá o gañador ou gañadora e o premio será un lote de libros para a biblioteca da súa aula.

ARRINCAMOS

2008-11-16T10:01:00.000-08:00

O luns 27 de outubro, coincidindo coa celebración do Día Internacional das Bibliotecas Escolares, foi a data elexida para a posta en marcha da biblioteca do noso centro. Dende entón funciona o servizo de préstamo utilizando uns marcadores confeccionados polo alumnado para a realización do mesmo. Seguindo un horario semanal, no que cada aula ten asignada unha sesión, os alumnos/as acuden co seu titor/a á biblioteca para a realización deste servizo e doutras actividades propias da mesma. Este é un xeito provisional de comenzar mentres se realiza a catalogación dos fondos documentais.