NOVIDADES SETEMBRO E PDI

Os nosos andeis están a encherse de libros magníficos. Moitos deles relacionados co tema do noso PDI anual que como sabedes leva por título "Couceiristas polo mundo".

Os nosos compañeiros e compañeiras de 5º de Educación Infantil queren traballar algúns destes libros como "Dáme un bocado" no que poderán realizar unha viaxee a través do tempo e do espazo descubrindo alimentos do mundo enteiro. En "Atlas da cociña" adentraranse  nos aromas e as tradicións dos países do mundo. Teñen a súa disposición un libro que leva por título"Guía de Ciudades" de Georgia Cherry, trátase dun bellísimo atlas no que poderán  mergullarse nunha magnífica viaxe por 30 CIDADES difíciles de esquecer. Edificios emblemáticos, personaxes famosos, monumentos históricos, lugares sorprendentes e mil horas de diversión nun libro ilustrado para nenos e non tan nenos.

No libro "Un viaje por los bosques del mundo" da editorial SM coñeceremos a un nenos perdidos que queren regresar a súa casa pero só recordan moitas árbores e vexetación

PDI: Expedición de Magallanes-Elcano: 500 anos desde que a Nave Vitoria redondeou o mundo

Historia da expedición

O mundo non volveu ser o mesmo despois desta expedición. Douscentos trinta e nove homes e cinco naves partiron de Sevilla en 1519 en busca dun roteiro polo oeste cara á Especiería. Tres anos despois, regresaron dezaoito homes e unha nave, despois de dar a volta ao mundo.

Hai 500 anos, Fernando de Magallanes, militar, explorador e mariño portugués, chamado no seu país Hernando de Magallanes, tras avituallarse en Sevilla para unha longa viaxe que durou tres anos, partiu desde Sanlúcar de Barrameda rumbo ás Indias Orientais.

Nunca imaxinou, seguro, o que esta iniciativa supoñería para a Historia. Tampouco o mariño vasco Juan Sebastián Elcano, que liderou a expedición tras a morte de Magallanes, conseguindo completar a primeira circunnavegación ou volta ao mundo por mar. 

Fixeron falta cinco naves para dar a volta ao mundo

O Rei, Carlos I puxo cinco naves ao dispor de Fernando de Magallanes . Catro eran naves de mediano tamaño, deseñadas para cargar mercadorías. A quinta, a Santiago, era unha nave máis pequena e lixeira, destinada a tarefas de exploración. Só unha conseguiu dar a volta ao mundo. Se non fosen cinco, a fazaña non se houbera acadado.

O valor das especias que trouxeron foi tal, que serviu para pagar os gastos da expedición sufragados polo Rei e, mesmo, xerar beneficios, pois non só condimentaban alimentos, tamén se utilizaban para elaborar perfumes e tiñan aplicacións medicinais e usos afrodisíacos e sagrados. Chamábanas ‘o ouro de India’.

O alumnado de terceiro e cuarto de Educación Primaria vai traballar ao longo do curso sobre esta expedición que cambiou a maneira de entender o mundo. Na biblioteca ,xa teñen fondos documentais para desenvolver este traballo.

KOHA

A nosa biblioteca, xunto con outras bibliotecas PLAMBE (plan de mellora das bibliotecas escolares) sumouse á implantación do sistema de xestión Koha, baseado en software libre e cunha xestión dos espazos e recursos máis libre e  flexible. Trátase dun proxecto nas primeiras fases de execución para bibliotecas escolares dependentes da Consellería de Cultura, Educación e Universidade da Xunta, apoiado pola AMTEGA. +info. en Xercode

A continuación deixámosvos videotitoriais para ensinarvos o funcionamento da nosa Biblioteca de agora en adiante.

PRÉSTAMOS

DEVOLUCIÓNS

CATALOGACIÓN

EXPOSICIÓN PDI 2022-23

O mellor dunha viaxe é que ten tantos versións como persoas o levan a cabo. Na aula non é diferente. O proxecto educativo baseado nunha viaxe é aberto e comprende moitas formas de pedagoxía. A viaxe é, por exemplo, a esencia da literatura. Foi o gran tema da creación de historias por parte do ser humano. Por exemplo, A Odisea de Homero é unha obra que pode servir como fío narrativo de calquera proxecto. Os alumnos poden facer un percorrido pola historia da Antiga Grecia, pola xeografía do lugar ou polas características da literatura pioneira. Pero tamén se pode percorrer a viaxe que realizou Ulises a Ítaca tras a Guerra de Troia utilizando a distancia para realizar cálculos matemáticos.

A todos e a todas nos gusta contar as nosas viaxes. Compartir as nosas experiencias é unha parte fundamental de aprehensión de coñecementos. Permite, ademais, que o alumnado exprese o que sentiu, viviu ou coñeceu durante as súas viaxes. É coñecida a frase «quen regresa dunha viaxe non é a mesma persoa que se foi» e non lle falta verdade, a pesar da súa popularidade. O exercicio de compartir unha viaxe asenta o percibido.

Este curso os nenos, nenas, mestres e mestras do Cocuceiro imos embarcarnos nunha viaxe a través dos libros que se atopan nos andeis da nosa biblio e noutros que iremos mercando ao longo do curso.

Nas seguintes imaxes compartimos con vós a exposición inicial que o noso alumnado atopou o primeiro día de volta á escola. 

 

ESTADES PREPARADOS E PREPARADAS?

Benqueridos e Benqueridas nenos e nenas do couceiro:

Despois de pasada esta primeira semana de volta ao cole, quero facervos chegar unha mensaxe de ánimo. Tedes ante vóa un curso cheo de aventuras, aprendizaxes, xogos, excursións... 

Como sempre eu estareivos esperando no noso "Xardín do Pasatempo" cunha chea de novidades. Vémonos pronto e para que vaiades collendo apuntamentos déixovos unhas palabras que me gustaría compartir con todos vós.

Biquiños.

Güino

Estou a preparar todo na nosa biblioteca para darvos a benvida. Temos ante nós un curso cheo de aventuras e novas aprendizaxes. Un curso no que tentarei poñer en marcha unha chea de actividades que tivemos que meter nun caixón durante estes últimos anos e que sei que vos encantan.

Estou a desexar vervos de novo.

Güino